Loma 2:16 - KNTP

¹⁶ Mu joja juba aye Lesa joakebachibila bantu byafyamika byabo konka kwi Kilishitu Yesu, monka mwayila Mambo ami Awama.

Loma 2:16 Iomraidhean Croise

Mateo 16:27

Mambo Mwana Muntu ukeya mu lukumo lwa ba Shanji na bamalaika banji, po po akafweta muntu yense monka mwayila mingilo yanji.

Luka 8:17

“Mambo kafwako kintu kyafyamika kikabulwa kusololwa ne, nangwa kintu kyafyamika kikabulwa kuyukanyikwa ne kwiya patoka ne.”

Yoano 12:48

Awa wankana amiwa, ne kutambula byambo byami ne, ye uji na wa kumuzhachisha. Mambo ona ambile o aka muzhachisha mu juba jikapelaako!

Byubilo 10:42

Kabiji ye witulayile amba, mukebasapwile bantu, ne kunshimuna amba, ye mwine ye atongola Lesa amba akekale wa kwibachibila mambo bomi ne bafu.

Byubilo 17:31

Mambo aye watongola juba jo ake bachibilamo mambo ba pano pantanda monka mu bololoke konka kwi yewa muntu ye atongola. Kabiji byo akooba byonkabyo aye wibapa bonse kiyukilo kya kwibayukishako, byo amusangwile awa muntu mu bafu!

Loma 16:25

Pano kwi aye wakonsha kwimukosesha monka mwayila Mambo ami Awama ne kusapwila kwa Yesu Kilishitu, mwayila lumwekesho lwa akya kyafyamikile myaka ya kala.

Loma 2:5

Nanchi monka mwayila kukosa kobe ne muchima wobe ubula kulapila, ubena kwitujila obewa mwine bukaji bwa mu juba ja bukaji ne ja lumwekesho lwa bunchiba mambo bwaoloka bwa Lesa.

Loma 3:6

Abyo ne! Mambo umvwe byonkabyo aye Lesa ukachiba byepi mambo aba pano pantanda?

1 Kolinda 15:1

Anweba bakwetu, pano nasaka kwimuvulula Mambo Awama o nemusapwijile, o mwatambwile, kabiji o emwimika ne kwimukosesha.

1 Kolinda 4:5

Onkao mambo kechi muchibe mambo kimye kasa kikyangye kufika ne, poso Nkambo waiya. Ye ukasolola patoka bintu byafyamika bya mu mfishi, ne kumwesha bulongo milanguluko ya mu michima, kabiji muntu yense ukamona kutotwa kwi Lesa.

2 kolinda 5:10

Mambo atweba bonse tukamweka konka ku kipona kya kije kya Kilishitu, amba bonse pa muntu pa muntu, tukatambule mfweto ya bintu bya mu mibiji, monka mo twaubijile, nangwa byawama nangwa byatama.

Ngalatiya 1:11

Kabiji anweba balongo bami, nasaka namba muyuke amba, Mambo Awama ona sapwijile amiwa, kechi afumine ku bantu ne.

1 Timoti 1:11

Monka mwayila Mambo Awama a lukumo lwa Lesa wa bibusa, o ampele amiwa.

2 Timoti 2:8

Kasa uvuluka Kilishitu Yesu, wasangukile mu bafu, wa mu lukunwa wa Davida, monka mwayila Mambo Awama ami.

2 Timoti 4:1

Na kukambizha ku meso a Lesa, ne ku meso a Kilishitu Yesu, ye ukebachibila mambo bomi ne bafu, ne na mambo a kwiya kwanji, ne na mambo a bufumu bwanji,

2 Timoti 4:8

Pano bantujila kala munchinya wa bololoke, yeakampa mu joja juba aye Nkambo, mutonyi waoloka, kabiji kechi amiwa yenkatu ne, pakuba ne bonse batemwa kumweka kwanji.

Bahebelu 9:27

Kabiji byonka byo kibatongwelwa bantu kufwa jimo jonka bino palutwe kuya ku kije.

1 Petelo 4:5

Bino abo bene baketotolwela kwi aye winengezhezha jimo kala kwibachibila mambo bomi ne bafu.

2 Petelo 2:9

Aye Nkambo wayuka bya kwibapokolola banemeka Lesa mu lweseko, ne kwibalama babula koloka mu lukabisho, kupembela juba ja kije,