Loma 2:12 - KNTP

¹² Mambo bonse mobavujila balenga mambo kwakubula Mizhilo bakonaika pamo kwakubula Mizhilo, kabiji bonse mobavujila balenga mambo mu Mizhilo bakachibilwa mambo monka mu Mizhilo.

Loma 2:12 Iomraidhean Croise

Mateo 11:22

Amiwa nemwambila namba, mu juba ja kije bya malwa, bya bena Tila ne Shidona bikakepako, kechi bikesakana na byenu ne!

Mateo 11:24

Kabiji nemwambila namba, mu juba ja kije bya malwa bya kyalo kya Sodoma bikakepako, kechi bikesakana na byenu ne!”

Yoano 19:11

Kumvwa Yesu wamwambijile amba, “Kechi uji na luusa pe amiwa ne, poso wapewalo kwiulu. Onkao mambo awa wamfikizha kwi anweba ye uji na mambo akila.”

Byubilo 2:23

aye uno Yesu, byo asolwelwe na mambo a kutongwela jimo ne kuyukila jimo kwanji aye Lesa, anweba yenu mwamupopele pa musalabu ne kumwipaya konka ku maboko a bampupabizhila.

Loma 1:32

Abo nangwa bayuka koloka kwa bunchiba mambo bwa Lesa amba, boba bibye bo bafwainwa lufu. Nangwa byonkabyo abo kasa bebyubatu, kabiji ne kikwabo bebetabizha ne kwibatota aba bebyuba.

Loma 4:15

Mambo Mizhilo yo yileta bukaji bwa Lesa, kabiji pabula Mizhilo kechi paji kuzhilulula Mizhilo ne.

Loma 8:3

Mambo Lesa wikyubile akya kyakankelwe kuuba Mizhilo na mambo a kunekena kwa mubiji wa buntunshi, byo atumine Mwananji mwine mu kipasha kya mubiji wa bundengamambo amba ekale ke kitapisho kya mambo, aye wibuzhachisha bundengamambo mu buntunshi.

1 Kolinda 9:21

Kabiji kwi abo babula mizhilo, naalukile nobe wabula mizhilo, bino kechi nabujile mizhilo kwi Lesa ne, najinga monka mu mizhilo ya Kilishitu, namba mmwenemo babula mizhilo.

Ngalatiya 3:10

Mambo bonse mobavujila baketekela mu mingilo ya mu Mizhilo bafingwa mafingo. Mambo kyanembwa amba, “Bafingwa mafingo bonse babula kukelwa mu byonse byanembwa mu buku wa Mizhilo ne kwibyuba.”

Ngalatiya 3:22

Bino kinembelo kibishinkila bintu byonse mu bundengamambo amba, akya kyalayilwe na lwitabilo lwa mwi Yesu Kilishitu kipanwe ku baitabila.

Yakoba 2:10

Mambo awa ulama mizhilo yonse ne kuzhilululapo umo, wazhilulula yonse.