Loma 2:1 - KNTP

¹ Onkao mambo obewa muntu uzhachisha mukwenu, wi wa byepi? Wabula ne mwa kwibingishisha obewa mwine. Pakuba monka mo umuzhachishisha mukwenu, wifwisha nao obewa mwine, mambo ne obewa umuzhachisha, wibyuba abya byonka bimotu.

Loma 2:1 Iomraidhean Croise

Luka 12:14

Kumvwa aye wamwipwizhe amba, “Obewa muntu, ng'anyi wantongola kwimuchibila mambo, nangwa kwimwabenya bintu anweba?”

Luka 19:22

Ne aye wamwambijile amba, ‘Obewa kalume watama! Nkakuchibila mambo obe monka mwayila byambo byobe. Obewa wayukile amba amiwa nashinta, nsenda byo nabujile kufya ne kunowa byo nabujile kubyala.

Luka 6:37

“Kechi muchibe mambo ne, ne anweba kechi bakemuchibilao ne; kuzhachisha ne, ne anweba kechi bakemuzhachisha ne, lekelai mambo, ne anweba bakemulekelao.

Loma 14:22

Alwa lwitabilo louji naalo, ikala naalo obewa mwine ku meso a Lesa. Ye watokwa ubula kwizhachisha mwine mu bintu byo aitaba amba, byawama.

Loma 2:2

Twayuka namba, aye Lesa moachibila mambo a bantu boba bintu bya byonkabye, mo mwaoloka.

Loma 2:3

Bino, obewa muntu wibazhachisha boba bibye, ne obewa mwine kasa wibyuba pamo! Walanguluka amba, ukapuluka ku luzhachisho lwa Lesa nyi?

Loma 3:9

Nanchi byepi? Atweba Bayudea twibakila mu kuwama nyi? Ine, nangwa pachechetu ne! Mambo twibashiina kala bonse Bayudea, ne Bagiliki pamo amba bonsetu baji mu mambo.

Loma 9:20

Ine, nanchi obewa muntu wi ng'anyi, wishinawina na Lesa? Kyo babumba kimwambile wikibumba amba, “Mambo ka kyo wambumbila bibye nyi?”

1 Kolinda 4:5

Onkao mambo kechi muchibe mambo kimye kasa kikyangye kufika ne, poso Nkambo waiya. Ye ukasolola patoka bintu byafyamika bya mu mfishi, ne kumwesha bulongo milanguluko ya mu michima, kabiji muntu yense ukamona kutotwa kwi Lesa.

1 Kolinda 7:16

Mambo obewa mwanamukazhi wayuka byepi kana ukamupulusha mwata obe? Nangwa obewa mwanamulume wayuka byepi kana ukamupulusha mukazhobe?

Yakoba 2:20

Bino obewa kilubi wasaka kuyuka amba, lwitabilo lwabula mingilo lo lwatu nyi?

Yakoba 4:11

Anweba bakwetu, kechi mwineene bibi anweba bene na bene ne. Awa umuneena bibi mulongo wanji, nangwa kumuzhachisha mulongo wanji, wiineena bibi Mizhilo, ne kwiizhachisha Mizhilo. Bino umvwe uzhachisha Mizhilo, kechi wiulama Mizhilo ne, wiuchiba mambo.