Loma 16:3 - KNTP

³ Bemunai ba Pilisila ne Akwila, bakwetu bo ng'ingila naabo ba mwi Kilishitu Yesu;

Loma 16:3 Iomraidhean Croise

Byubilo 18:26

Watatwile kwamba na kuchinchika mu shinagoga. Kabiji byo bamumvwine ba Pilisila ne Akwila, bamutwajile kwabo, ne kumulumbulwila bulongo mwayila jishinda ja Lesa.

Loma 16:10

Imunai Apelesa ye waitabilwa mwi Kilishitu. Imunai ne ba munzubo ya Alisatobulusa.

Loma 16:4

bo baswile kutapwa na mambo a mweo wami. Kechi amiwa yenka mbena kusanta ne, nanchi ne bipwilo byonse bya Bangentila pamo.

Loma 16:7

Bemunai ne ba Andelonyikusa ne Yunyiasa, balongo bami, botwakashilwe naabo pamo, bo bayukanyikwa bulongo ku batumwa, bo batanshi baitabijile mwi Kilishitu, amiwa kasa nkyangye.

Loma 16:9

Imunai Ulabanusa mukwetu mu mwingilo wa mwi Kilishitu, ne Satakisa mutemwe wami.

Loma 8:1

Onkao mambo pano kechi kuji luzhachisho nangwa pacheche kwi boba baji mwi Kilishitu Yesu ne.

Loma 8:11

Mambo umvwe Mupashi wa yewa wasangwile Yesu mu bafu waikala mwi anweba, yenkawa wasangwile Kilishitu Yesu mu bafu ye ukapana bumi ku mibiji yenu ya lufu kupichila mu Mupashi wanji waikala mwi anweba.

Loma 8:2

Mambo muzhilo wa aye Mupashi wa bumi wankasulula mwi Kilishitu Yesu kuyewa muzhilo wa bundengamambo ne wa lufu.

1 Kolinda 16:16

nemusashijila namba mwibanekenene ba byonkabyo, ne bonse bakwasha mu mwingilo ne kwingila.

1 Kolinda 16:19

Bipwilo bya mu Asha bimwimuna, ne Akwila, ne Pilisila ne kipwilo kipwila mu nzubo yabo, nabo bemwimuna kya kine, kine!

2 kolinda 12:2

Namuyuka muntu wa mwi Kilishitu, pano papita myaka jikumi na ina, (kana waji mu mubiji, kechi nayuka ne, nangwa wabujilwe mu mubiji, kechi nayuka ne, Lesa yewayuka) ao muntu washikwilwe mu jiulu ja busatu.

2 kolinda 5:17

Onkao mambo umvwe muntu uji mwi Kilishitu, aye ke mulengwa mupya, bintu bya kala byapichijila, bya aluka ke bipya.

Ngalatiya 1:22

kabiji na kibujilwe kuyukanyikwa pa kilungi ku bipwilo bya mu Yudea bya mwi Kilishitu.

Filipai 2:25

Nalanguluka namba kyafwainwa kwimutumina Epafulodita mulongo wami mu mwingilo, kabiji mukwetu mu bushilikale, ye muluwe wenu kabiji aye unkwasha mu bya kukajilwa kwami.

Kolose 4:11

Ne Yoshua yebateela amba, Yusutusa wimwimuna. Bano bo bonka bakwetu bamukanda bengila ne amiwa na mambo a bufumu bwa Lesa, bo baana balume bankwasha amiwa.

2 Timoti 4:19

Imuna Pilisila ne Akwila, ne ba munzubo ya Onesifolusa.