Loma 16:2 - KNTP

² Namba mu mutambule bulongo mwi Nkambo mwafwainwa bazhijikwa, ne kumukwasha mu byonse byo akakajilwa, mambo ne aye naye wibakwashishenga bavula, ne amiwa mwine pamo.

Loma 16:2 Iomraidhean Croise

Mateo 25:40

Kabiji Mfumu pa kwibakumbula, ukebambila amba, ‘Kine nemwambila namba, monka mo mwamubijile umo wapelaako wa bano balongo bami, mo mwangubile ne amiwa.’

Byubilo 9:13

Bino aye Ananyasa wakumbwile amba, “Nkambo, namumvwa ku bantu bavula uno muntu, byoeboba byatama byavujisha bazhijikwa benu ba ku Yelusalema.

Byubilo 9:15

Bino Nkambo wamwambijile amba, “Yangatu, mambo aye kyo kintu kyami kyo nasalulula, kya kutwala jizhina jami ku Bangentila, ne ku ba mfumu, ne kubena Isalela.

Byubilo 9:36

Kabiji mu Yopa mwajinga mwana wabwanga umo wamukazhi, jizhina janji Tabita, (pa kulumbulula ko kuuba amba Dokasi.) Aye wavujile mingilo yawama ne kupana bya bupe byavula ku balanda.

Byubilo 9:39

Ponkapo Petelo waimene, kaye ne naabo. Pakufikako bamutwajile mu nzubo ya peulu. Ne bonse banabakazhi bafwilwa baimene ko ajinga kasa bajila, ne kumumwesha mikangyo ne bivwalo bikwabo byo asonene Dokasi, byo akijinga naabo.

Byubilo 9:41

Ponkapo Petelo wamutambikile kuboko, wamwimenye; ne kwita waichile bazhijikwa ne banabakazhi bafwilwa, wibapeleye ke mumi.

Loma 15:7

Onkao mambo itambulai anweba bene na bene byonka byoemutambula Kilishitu mambo a lukumo lwa Lesa.

Loma 16:15

Imunai ba Filologusa, ne Yulya, ne Neleusa, ne nyenga yanji, ne Olimpasa, ne bazhijikwa bonse bo baji naabo.

Loma 16:23

Ngayusa, mwine ye nafikilako, ne kipwilo kyonse pamo, bemwimuna. Elasatusa, kalama wa muzhi, wimwimuna, ne Kwalitusa mulongo wetu pamo.

Loma 16:6

Imunai ne Maliya, yenka wimwingijilenga kyakosa.

Loma 16:9

Imunai Ulabanusa mukwetu mu mwingilo wa mwi Kilishitu, ne Satakisa mutemwe wami.

Efisesa 5:3

Pakuba bulalelale ne bubipisho bonse, ne lunkumbwa, kechi mwibiswe nangwa kwibiteelatu mwenu mo muji ne, mo mwafwainwa bazhijikwa.

Filipai 1:27

Bino lekai bwikalo bwenu bwikale bwafwainwa Mambo Awama a Kilishitu, namba nangwa nkeya na kwimumona, nangwa nji kungi, nkemumvwe amba, mwakosela mu mupashi umo, kasa mwibilwila na muchima umo abya byaitabilwa bya Mambo Awama.

Filipai 2:29

Byonkabyo mutambulai mwi Nkambo na lusekelo ne kwibanemeka bantu ba byonkabye,

Kolose 4:10

Alisatakusa, mukwetu kaili, wimwimuna, ne Mako, muvyala wanji Banabasa. (Mwatambwile kala mukambizho amba, umvwe aye waiya ko muji, mutambulai.)

1 Timoti 2:10

poso na mingilo yawama, byafwainwa banabakazhi beteela amba, boba kunemeka Lesa.

2 Timoti 1:18

Aye Nkambo amupe kya kumona lusa mu aja juba! Kabiji ne obewa mwine wayukisha bulongo aya mingilo yavula yo ankwashishenga amiwa ku Efisesa.

Titusa 2:3

Ne banabakazhi bakulumpe nabo pamo, wibambile bekale byafwainwa bazhijikwa, kechi babang'ana ne, nangwa banonkwa buzha ku binyu ne, bekale ba kufunjisha byawama,

Filemonyi 1:12

Ye mbena kubwezha pano ko muji, ye wauba nobe muchima wami amiwa mwine.

Filemonyi 1:17

Kabiji inge anweba muntela amba mukwetu, mu mutambule byonka byo mwakonsha kuntambula amiwa.

2 Yoano 1:10

Umvwe umo waiya ko muji ne kuleeta luno lufunjisho ne, kechi mumutambule mu nzubo yenu ne, nangwa kumwimuna ne.