Loma 15:2 - KNTP

² Kana atweba bonse pa muntu pa muntu tutokeshe mukwetu pa muchina ne kumubila byawama bya kumukomesha.

Loma 15:2 Iomraidhean Croise

Loma 14:19

Byonkabyo pano tulonde abya bintu bileta mutende ne bya kwikosesha atweba bene na bene.

1 Kolinda 10:23

“Bintu byonse byabula kuzhila kwi amiwa,” Bino kechi byonse biji na bukwasho ne. “Bintu byonse byabula kuzhila,” Bino kechi byonse bikomesha ne.

1 Kolinda 10:24

Kafwako nangwa umo ekebele byamuwamina mwine ne, kana byawamina bakwabo.

1 Kolinda 10:33

Byonka byongeseka ne amiwa kwibatokesha bantu bonse ku michima mu bintu byonse byo nguba, kechi nekebela byawama amiwa mwine ne, kana kwibakebela byawama bakwetu bavula namba bapuluke.

1 Kolinda 13:5

nangwa kwitota ne, kechi bwikebela bintu ne, kechi buzhingila ne, nangwa kutaako muchima pa kubiwa byatama ne,

1 Kolinda 14:26

Balongo bami, nanchi tusa kwamba amba ka? Byo mupwila pamo, umo uji na lwimbo, mukwabo uji na lufunjisho, ne mukwabo uji na lumwekesho, mukwabo naye wamba mu njimi, kabiji mukwabo uji na kya kulumbulula byambo. Byonse byubiwe mu kwikomesha.

1 Kolinda 14:3

Pakuba aye waula, wambila bantu mu kwibakomesha, ne kwibatundaika, ne kwibatekenesha.

2 kolinda 12:19

Apo anweba kampe mubena kulanguluka amba, tubena kwamba bya kwiwamisha atweba bene kwi anweba ne mu kino kimye? Kabiji ko ku meso a Lesa ko twambila mwi Kilishitu. Pakuba anweba batemwe, bintu byonse byo bya kwimukomesha.

2 kolinda 13:9

Atweba tusekela byo tuji banekena ne anweba byo muji bakosa. Kabiji twalomba ne kino nakyo namba, mulumbulukishe.

Efisesa 4:12

Na mambo a kwibanengezha bazhijikwa amba bekale ba kwingila mwingilo, wa kukomesha mubiji wa Kilishitu.

Efisesa 4:29

Kechi muleke byambo byatama bifume mu kanwa kenu nangwa kimo ne, kana byonka byawama bibakomesha bantu, bibafwainwa mu kyonkakyo kimye, amba bibaleetele bibusa abo bebyumvwa.