Loma 13:8 - KNTP

⁸ Kechi mwikale na kikoloto nangwa kya muntu umotu ne, poso kwitemwa anweba bene na bene, mambo awa watemwa mukwabo ye wafikizha Mizhilo.

Loma 13:8 Iomraidhean Croise

Mateo 7:12

“Byonkabyo, bintu byonse byo musaka anweba amba, bantu bemubile, ne anweba kasa mwibobila byonkabyo, mambo muno mo mwayila mabuku a mizhilo ne a bangauzhi.”

Yoano 13:34

Mukambizho mupya ye nemupa anweba, namba mwitemwe anweba bene na bene, byonka byo nemutemwa amiwa, ne anweba mwitemwe anweba bene na bene.

Loma 13:10

Butemwe kechi buba byatama ku mukwabo ne; onkao mambo butemwe bo bufikizha Mizhilo.

Loma 13:7

Kasa mupana ku bonse byonse bibafwainwa; musonko mupane ku bamusonko, kashitomo naye mupane ku ba kashitomo, ubai mushingi ku bafwainwa kubilwa mushingi, ne munema naye mupane ku bafwainwa munema.

Ngalatiya 5:14

Mambo mizhilo yonse yapwila mu kyambo kimo, kyokyo kino amba, “Ukamutemwa mukwenu byonka byo witemwa obewa mwine.”

Kolose 3:14

Kabiji kyakila pa bino byonse vwalai butemwe, ye mukwato ulumbulula byonse.

1 Timoti 1:5

Uno mukambizho wayila mu butemwe bufuma mu muchima watoka, ne mu muchima ubula kwizhachisha, ne mu lwitabilo lwabula bujimbijimbi.

Yakoba 2:8

Byonkabyo umvwe mwalama awa muzhilo wa bufumu, monka mwayila kinembelo amba, “Ukatemwa mukwenu pamo byonka byowitemwa obewa mwine,” abyo mwauba bulongo.

1 Yoano 3:10

Mukino mo mwayukanyikilwa baana ba Lesa, ne baana ba Diabola, bonse babula kuuba bololoke kechi bo bakwa Lesa ne, nangwa aye wabula kutemwa mulongo wanji ne.