Loma 13:12 - KNTP

¹² Bufuku bwapita kala; ke buye na kukya. Nanchi tuvuule mingilo ya mu mfishi ne kuvwala bya nkondo bya mute.

Loma 13:12 Iomraidhean Croise

Loma 13:14

Bino anweba vwalai Nkambo Yesu Kilishitu, kechi mwimwene jimo nangwa mucheche mwakuubila bya lwiso lwa buntunshi ne.

1 Kolinda 10:11

Kabiji bino bintu bibamwekejile amba bikale ke bya kumwenako bakwabo, kabiji byanembejilwe kufundwa kwetu atweba bo yafikila mpelo ya myaka.

1 Kolinda 7:29

Balongo bami, naamba kino namba, kimye kyakepa kala, amba kufuma ku kino kimye aba baji na bakazhi bekale nobe bafwabo;

2 kolinda 10:4

Mambo byela bya bulwi bwetu kechi byo bya buntunshi ne, nanchi byo bya bulume bukatampe bufuma kwi Lesa bwa kukundula masakwa akosa. Tukundula mapata a bubela;

2 kolinda 6:7

ne mu mambo a bukine ne mu bulume bwa Lesa, ne na byela bya nkondo bya bololoke mu kuboko kwa kilujo ne kwa kipiko.

Efisesa 4:22

Amba, muvuule mwayila awa musango wa bwikalo bwenu butanshi, abwa bumuntu bwa kala bubena kuya na konaika monka mwayila lwiso lwa bujimbijimbi bwabo.

Efisesa 5:11

Kabiji kechi mumvwang'ane nayo mingilo yatu ya mfishi ne, poso konka kwibilengulula.

Efisesa 5:8

Mambo kala mwajinga mfishi, pakuba pano mwi kyeya mwi Nkambo. Endainga mwafwainwa baana ba kyeya,

Bahebelu 10:25

Kechi tuleke kupwila pamo, byo boba bamo ne. Poso kwikosesha atweba bene na bene, byo mwamona aja Juba kasa jibena kufwenya pepi.

Bahebelu 12:1

Onkao mambo atweba byo twazhokolokwa na jibumba jikatampe ja batumonyi ja byonka bino. Tutaye byonse bitunemena, ne abwa bundengamambo bupelawizha kwitukasankanya, tunyeme kapeela na mukoyo konka ko betutujila kulutwe.

Yakoba 1:21

Onkao mambo fumyai byonse byatama ne kuvula kwa nshiji. Ne kutambula na michima yanekena ao mambo abyalwamo, akonsha kupulusha myeo yenu.

Yakoba 5:8

Ne anweba tekanyai. Koseshai michima yenu, mambo kwiya kwa Nkambo kwafwenya kala ke pepi.

1 Petelo 2:1

Byonkabyo tayai nshiji yonse, ne bujimbijimbi bonse, ne bukamfutumfutu, ne kichima, ne kwineena bibi konse.

1 Petelo 4:7

Kabiji mpelo ya byonse iji kwipi. Onkao mambo ikalai na michima ya kwikanya, ne kutekanya, mwikale ba milombelo.

2 Petelo 3:11

Bino bintu, byo bikasunguluka byonse, mwafwainwa kwikala bantu ba byepi? Mwikale mu bwikalo bwa buzhile ne bwa kunemeka Lesa,

2 Petelo 3:9

Aye Nkambo kechi wabanda ku mulaye wanji, byo balanguluka bamo mambo a kubanda ne. Pakuba wimutekenya muchima, byo abula kusaka nangwa umo amba onaike ne, poso amba bonse balapile.

1 Yoano 2:18

Anweba baana, kino kyo kimye kyapelaako! Kabiji byonka byo mwaumvwine amba anti kilishitu ubena kwiya, ne pano ba anti kilishitu ba mweka kala bavula, po po twayukila namba kino kyo kimye kyapelaako.

Lumwekesho 1:3

Watokwa awa utanga, ne aba bomvwa byambo bya mu uno buku wa bungauzhi, ne kwibikookela abya byanembwamo! Mambo kimye kyafwenya ke pepi.

Lumwekesho 22:10

Kabiji wang'ambijile amba, kechi ushinke na kateetesho byambo bya bungauzhi bwa mu ye uno buku ne, mambo kimye kya kumpelo ke kiji pepi.