Loma 12:3 - KNTP

³ Mambo amiwa naambila monka mwayila bupe bonapewa ku bonse ba mwi anweba. Namba kechi mwilanguluke kukilapo pomwafwainwa kwilangulukila ne. Poso mulangulukenga byonka byafwainwa kulanguluka, monka mo emupimina Lesa pa muntu pa muntu kipimo kya lwitabilo.

Loma 12:3 Iomraidhean Croise

Luka 18:11

Mufaliseo waimene ne kulombatu byanji mwine amba, ‘Lesa, nemusanchila, mambo amiwa kechi nji pamo na bantu bakwabo ne, bangata bya lunkanankana ne, nangwa na babuula koloka ne, nangwa na bankende ne, nangwa na ye uno musonkeshi ne.

Yoano 3:34

Mambo ye batuma kwi Lesa ye wamba byambo bya Lesa, mambo Lesa kechi upana Mupashi na kupima ne.

Loma 1:5

Kupichila mwi aye mo mo twatambwijile bupe ne butumwa, amba ba mu mikoka yonse ya bantu bakookele byambo bya lwitabilo na mambo a jizhina janji.

Loma 11:20

Ee, ibyo, byonkabyo beichimwineko na mambo a milengulwila yabo, bino obewa wakoselamo mambo onka a lwitabilo lobe. Byonkabyo kechi witote ne; wikale na moyo.

Loma 11:25

Anweba bakwetu, kechi nasaka namba mulube kino kyafyamika ne, kuchiina amba mwaketota mu maana enu anweba bene. Namba kukosa kwa michima ya bena Isalela bamo kwibaponena, poso kuvula kwa Bangentila kukafike.

Loma 12:16

Ikalai na muchima umo anweba bene na bene. Kechi muteshe michima yenu ku bya kwitumbijika ne, swai kutambula mingilo yasulwa. Kechi mwilanguluke anweba bene amba mwi bamaana ne.

1 Kolinda 15:10

Pakuba na bupe bwa Lesa, amiwa naikala byonji lelo, ne bupe bwanji bo ampele kechi bwaji bwatu ne, bino naingijilenga kwibakila bonse, byonkabyo kechi na bulume bwami ne, poso bupe bwa Lesa buji ne amiwa.

1 Kolinda 3:10

Monka mwayila bupe bo ampele aye Lesa, amiwa naajile kitendekesho pamo nobe mwine sendwe wayukisha kushimika, kabiji mukwabo naye ushimika ponka. Bino bonse bafwainwa kujimuka byo bashimikapo.

1 Kolinda 7:17

Bonse pa muntu pa muntu bekale bwikalo bwa monka moebapela aye Nkambo, ne monka mo baichilwa kwi Lesa. Byo byo mfunjisha mu bipwilo byonse.

2 kolinda 10:13

Pakuba atweba kechi tuketota kukila pa kipimo kyetu ne, poso monka mwayila bipimo byoetutongwejile Lesa, bifika ne ko muji anweba.

2 kolinda 12:13

Nanchi bemubile ng'anyi kintu kyatamine kyabujilwe kubiwa ku bipwilo bikwabo, kana mu kyonkakya kyo nabujile kwitwika pe anweba ne kwimunemena? Ndekelaiko ano mambo.

2 kolinda 12:7

Kabiji na mambo a kuchiina amba, naketumbijikisha na mambo a bukata bwine bwa lumwekesho, napeelwe mwiiba mu mubiji, ye muluwe wa Satana wa kumpumapuma, kuchiina amba naketumbijikisha.

Ngalatiya 6:3

Mambo umvwe muntu wilanguluka mwine amba ne wafwainwa kasa aji watu, wijimbaika mwine.

Efisesa 3:2

umvwe kine mwaumvwine mambo a bukalama bwa bupe bwa Lesa bonampelwe na mambo a anweba,

Efisesa 3:4

byo mukebitanga mukayuka maana ami a kuyuka kyafyamika kya Kilishitu.

Efisesa 4:16

Mwi aye mubiji yense, wanungankana pamo ne kusambakana ke umo konka ku abya bipaana manungi onse. Pa kwingila bulongo byonse pa kintu pa kintu, mubiji wikomesha mwine monka mu butemwe.

Filipai 2:13

mambo ye Lesa wingila mwi anweba mu kwimusakisha kuuba, ne kwingila bintu byamutokela ku muchima wanji.

Kolose 1:29

Kyo kyo ng'ingijila kyakosa kasa na kolomokatu, monka mwayila kwingila kwa Kilishitu koengila mwi amiwa na bulume.

Kolose 2:13

Kabiji anweba mwajinga bafu mu mizhilulwila yenu ne mu bumbulwa mukanda bwa mibiji yenu. Naamba namba, aye Lesa wimusangwile anweba ke bomi pamo ne aye, byo etulekejile mizhilulwila yetu yonse.

1 Timoti 1:14

Kabiji aye Nkambo wampele bupe bwavula ne lwitabilo ne butemwe bwa mwi Kilishitu Yesu.

1 Timoti 2:15

Bino bakapuluka pa kusema baana umvwe, bakekalanga monka mu lwitabilo ne mu butemwe ne mu kuzhijikwa, ne kwikanya.

1 Timoti 2:9

Pamo byonkabyo ne banabakazhi nabo bavwale bibafwainwa na mushingi ne butekanye; kechi na nsuki ya kwichika ne, nangwa na bya ngolode ne, nangwa na ba mangalite ne, nangwa na bivwalo bya mutengo wabaya ne,

Titusa 2:12

Bwitufunjisha atweba amba, tukaane bumbulwa kwakamwa Lesa ne bya lwiso lwa pano pantanda, twikale ba kwikanya, baoloka, ne ba kunemeka Lesa pano pantanda.

Titusa 2:2

Wibambile banabalume bakulumpe bekale bashing'ama, ba kwikanya, balumbuluka mu lwitabilo, ne mu butemwe, ne mu butekanye.

Titusa 2:4

namba be bafunjishe banabakazhi banyike batemwe bamwata wabo, ne kutemwa baana babo.

Titusa 2:6

Bansongwalume nabo pamo, wibafunjishe bekale ba michima yatekanya.

Yakoba 4:6

Bino aye Lesa upana bupe bwavula. Monka mo kyanembelwa amba, “Lesa ukanya betota, pakuba upana bupe ku bepelula.”

1 Petelo 1:13

Onkao mambo, nengezhai michima yenu mutekanye, mwilulanguluke bulongo luketekelo lwenu lwa bupe bukemuletelwa pa lumwekesho lwa Yesu Kilishitu.

1 Petelo 4:11

Awa wamba, ambe kyafwainwa byambo bya Lesa; awa wingila engile na bulume boapana Lesa, amba mu byonse aye Lesa atumbijikilwe monka mwi Yesu Kilishitu, kwi aye kwikale lukumo ne bulume myaka ne myaka. Amena.

1 Petelo 4:7

Kabiji mpelo ya byonse iji kwipi. Onkao mambo ikalai na michima ya kwikanya, ne kutekanya, mwikale ba milombelo.

1 Petelo 5:5

Byonkabyo ne anweba banyike, kasa munekenena bakulumpe. Kine anweba bonse kasa muvwala michima ya kwipelula, anwe bene na bene. “Mambo Lesa wibakanya betota, bino upana bupe ku bepelula.”

1 Petelo 5:8

Tekanyai, mulabenga ne kukenkenta, mulwanyi wenu Diabola nobe bokwe ubuluma, upitang'ana na kusaka wa kuja.

3 Yoano 1:9

Nanemba bimo ku kipwilo, bino Diotelefesa, watemwa buntangi, kechi waswa byo naamba ne.