Loma 10:9 - KNTP

⁹ Pakuba umvwe witabe pa kanwa kobe amba, Yesu ye Nkambo, ne kwitabila mu muchima wobe amba, Lesa wamusangwile mu bafu, ukapuluka.

Loma 10:9 Iomraidhean Croise

Luka 12:8

“Nemwambila namba, awa ukangitabila ku meso a bantu, ne aye naye bakamwitaba ku Mwana Muntu ku meso a bamalaika ba Lesa.

Yoano 9:22

Bamusema ba ambiletu bino, mambo bachiine Bayudea, mambo Bayudea baitabanzhenye kala amba, inge muntu amutele amba, ye Kilishitu, tukamupanga mu shinagoga.

Byubilo 16:31

Kumvwa abo ba mukumbwile amba, “Itabilai Nkambo Yesu, musakupuluka anweba ne ba munzubo yenu pamo.”

Byubilo 2:24

Pakuba aye Lesa wamusangwile mu bafu byo apwishishe kumukasulula ku misongo ya lufu, mambo kechi kyakonshekele amba lufu lumulame ne.”

Byubilo 2:32

Uno Yesu bamusangwile kwi Lesa, ne atweba bonse twi batumonyi banji.

Byubilo 8:36

Ne byo bakiilenga mu jishinda, bafikile ne kwajinga mema, kumvwa aye ntungu amba, “Talai mema ao, kisakunkanya kubatizhiwa i kika?”

Loma 10:10

Mambo na muchima muntu witabila ne kumona bololoke; kabiji na kanwa nako witabila ne kumona lupulukilo.

Loma 14:11

Mambo kyanembwa amba, Aye Nkambo amba, “Byonka byo naikala na bumi, manungo onse aka mfukamina amiwa, ne njimi yonse iketaba amba amiwa ne Lesa.”

Loma 14:9

Pakuba na onka ano mambo Kilishitu wafwile ne kusanguka ke mumi jibiji, amba ekale Nkambo wa bafu ne wa bomi.

Loma 4:24

Bino byanembejilwe ne atweba pamo bakatelwa amba baoloka, atweba baitabila awa wamusangwile Yesu Nkambo yetu mu bafu.

Loma 8:34

Ing'anyi uzhachisha? Ye Kilishitu Yesu wafwile, kabiji ye wasangwilwe mu bafu, ye waikala ku kilujo kya Lesa, na kwitulombelela.

1 Kolinda 12:3

Onkao mambo nasaka muyuke amba, kafwako muntu wamba na Mupashi wa Lesa amba, “Yesu wafingwa mafingo ne,” Kabiji kafwako wakonsha kwamba amba, “Yesu ye Nkambo” ne, poso na Mupashi wa Wazhila.

Filipai 2:11

Ne majimi onse aketabe amba Yesu Kilishitu ye Nkambo, mu kumuletela lukumo Lesa Taata.

1 Petelo 1:21

Mwaitabila Lesa kupichila mwi aye, ye basangwile mu bafu ne kumupa lukumo, amba lwitabilo lwenu ne luketekelo lwenu lwikale mwi Lesa.

1 Yoano 4:15

Yense waitaba amba Yesu ye Mwana Lesa, Lesa waikala mwi aye, ne aye mwi Lesa.

2 Yoano 1:7

Mambo bajimbijimbi bavula bapalang'ena pano pantanda, bonkaba babula kwitaba kwiya kwa Yesu mu mubiji. Uno ye awa mujimbijimbi ne anti kilishitu.