Loma 10:3 - KNTP

³ Mambo byo babula kuyuka bololoke bufuma kwi Lesa, ne kukeba kwimika bwabo abo bene, kechi bakookela bololoke bwa Lesa ne.

Loma 10:3 Iomraidhean Croise

Luka 10:29

Pakuba aye, mambo a kusaka kwibingisha mwine, wamwambijile Yesu amba, “Nanchi mukwetu ye ng'anyi?”

Luka 16:15

Ne aye wibambijile amba, “Anweba mwi boba bebingisha abo bene ku meso a bantu, bino Lesa wayuka michima yenu. Mambo akya kyanemekwa ku bantu kyokya bunya ku meso a Lesa.”

Loma 1:17

Mambo mo mumwekela bololoke bwa Lesa bwa mu lwitabilo ku lwitabilo, monka mo kyanembelwa amba, “Mololoke ukamwena bumi ku lwitabilo.”

Loma 10:2

Amiwa nebashimuna namba baji nalupata lwa kusaka Lesa, bino kechi mwayila maana ne.

Loma 10:20

Byonkabyo ne Isaya naye wa ambishatu na kuchinchika amba, “Natanwa na aba babujile kunkeba; Nemwesha kuboba babujile kunkeba.”

Loma 11:7

Pano nanchi kiji byepi? Akya kyo bakebelenga bena Isalela kechi bekimwene ne. Pakuba basalululwa bo bekimwene. Bino bakwabo bakoseshiwe michima.

Loma 3:22

Bonkabwa bololoke bwa Lesa bwa mu lwitabilo lwa mwi Yesu Kilishitu ku bonse baitabila. Mambo kafwako wapusana ne.

Loma 3:26

Naamba namba mambo a kumwesha bololoke bwanji pa kyo kino kimye, amba mwine ekale waoloka, ne wakumubingisha awa waitabila mwi Yesu.

Loma 5:19

Mambo bavula byo ba alukile ke bandengamambo mu milengulwila ya umo, byonkabyo ne bavula ba kaluuka ke baoloka mu lukookelo lwa umo.

2 kolinda 5:21

Aye wabujile kuyuka bundengamambo bamwalwile ke bundengamambo na mambo a atweba, amba atweba twaluke ke bololoke bwa Lesa mwi aye.

Filipai 3:9

ne kutanwa mwi aye, kasa nabula bololoke bwami amiwa mwine bwishila mu mizhilo. Poso bonkabwa bwishila mu lwitabilo lwa mwi Kilishitu, bo bololoke bufuma kwi Lesa na lwitabilo.

2 Petelo 1:1

Shimona Petelo, kalume ne mutumwa wa Yesu Kilishitu. Kwi abo batambula lwitabilo lwa bololoke pamo ne lwetu lwa monka mu bololoke bwa Lesa wetu ne Mupulushi Yesu Kilishitu.