Loma 10:2 - KNTP

² Amiwa nebashimuna namba baji nalupata lwa kusaka Lesa, bino kechi mwayila maana ne.

Loma 10:2 Iomraidhean Croise

Yoano 16:2

Bakemupanga mu mashinagoga, kine ne juba jibena kwiya jo bakalanguluka bonse bemwipaya amba babena kwingijila Lesa.

Byubilo 21:20

Ne abo byo bebyumvwine, bamutumbijikile Mwine Lesa. Kabiji ba mwambijile amba, “Mulongo wetu, mwamona byo baji biumbi ne biumbi bya Bayudea baitabila, ne bonse batesha michima ku Mizhilo.

Byubilo 21:28

Kasa babijika amba, “Anweba bena Isalela! Tukwashaiko, uno i ye muntu ufunjisha bonse bantu konse kasa etuneena atweba Bayudea, ne Mizhilo nayo, ne pano pantu pamo, kabiji ne kikwabo waletele Bagiliki mu nzubo ya Lesa, ne kuzhilulula pano pantu pazhila.”

Byubilo 22:22

Kabiji baswile kumumvwa poso byo afikile pa kino kyambo; ponkapo basanswile mawi abo ne kwamba amba, “Mufumyaipo ao muntu pano pantanda! Mambo kechi kyamufwainwa amba ekale na bumi ne!”

Byubilo 22:3

“Amiwa ne mu Yudea, nasemenwe mu Talasusa mu Kilikya, kabiji nakomejile mu ye uno muzhi, ku maulu a Ngamaliela. Nafunjishiwe monka mwayilatu musango wa Mizhilo ya bashakulu betu, kasa naikala na muchima wauba lupata mu bya Lesa, pamo byonka byo muji anweba leelo.

Loma 10:1

Anweba bakwetu, kyo nasakisha mu muchima wami ne kyo nebalombelela kwi Lesa, kyokya kuuba namba bapuluke!

Loma 10:3

Mambo byo babula kuyuka bololoke bufuma kwi Lesa, ne kukeba kwimika bwabo abo bene, kechi bakookela bololoke bwa Lesa ne.

2 kolinda 4:4

Mwi abo lesa wa pano pantanda wiipofula michima ya babula kwitabila kuchiina amba, bakamona kyeya kya Mambo Awama a lukumo lwa Kilishitu, aye kipasha kya Lesa.

2 kolinda 4:6

Mambo yenkaye Lesa wa ambile amba, “Kyeya kisamine mu mfishi!” Ye wasaamijile mu michima yetu, mu kupana kyeya kya maana a kuyuka lukumo lwa Lesa lwa mu kilungi kya Yesu Kilishitu.

2 kolinda 8:3

Mambo bapaine monka mwayila bulume bwabo, amiwa ne kamonyi, kine ne kukila pa bulume bwabo. Bapaine monka mobakasulukila bene,

Ngalatiya 1:14

Kabiji mu kupandawila kwa Bayudea amiwa ne bakijile bakwetu bavula bona esakene naabo bamu mukoka wetu, byo naubishetu mukoyo wa ku bisela bya bashakulu betu.

Ngalatiya 4:15

Lelo kabiji alwa lusekelo lwenu lujipi? Mambo amiwa ne mushimuna namba, inge kyakonshekele kubiwa, inge mwalobwele meso enu ne kumpa amiwa.

Filipai 1:9

Kabiji ndomba ne kino namba butemwe bwenu buyenga na kukomenako, pamo ne maana a kwibiyukisha bintu byonse,

Filipai 3:6

mwayila lupata, namanyikile kipwilo. Mwayila bololoke bwa mu mizhilo nabujilwe mambo.

Kolose 4:13

Mambo amiwa na mushimuna namba, aye uji na mingilo yavula yakosa na mambo a anweba, ne na mambo a abo baji mu Laodikea, ne abo baji mu Hilapolisa.