Loma 10:12 - KNTP

¹² Mambo Bayudea ne Bagiliki kechi bapusana ne; mambo Nkambo umo ye Nkambo wa bonse, kabiji Aye wibapesha bonse bamwita.

Loma 10:12 Iomraidhean Croise

Byubilo 7:59

Kabiji byo bamwashilenga mabwe Setepena wabijikile kwi Nkambo amba, “Nkambo Yesu, tambulai mupashi wami!”

Byubilo 9:14

Kabiji ne kuno nako uji na luusa loatambula ku bang'anga bakatampe lwa kukasa bonse batela jizhina jenu.”

Loma 14:9

Pakuba na onka ano mambo Kilishitu wafwile ne kusanguka ke mumi jibiji, amba ekale Nkambo wa bafu ne wa bomi.

Loma 15:12

Kabiji ne aye Isaya amba, “Wa mukisemi kya Yese naye ukeya ukebalama Bangentila, kabiji Bangentila bakaketekela mwi aye.”

Loma 2:4

Inyi wasulatu kuvula kwa lusa lwanji ne kutekanya kwanji ne kukooka muchima kwanji, ne kuyuka amba, lusa lwa Lesa lwayila mukuuba amba, ulapile nyi?

Loma 3:22

Bonkabwa bololoke bwa Lesa bwa mu lwitabilo lwa mwi Yesu Kilishitu ku bonse baitabila. Mambo kafwako wapusana ne.

1 Kolinda 1:2

Ku kipwilo kya Lesa kiji mu Kolinda, baitwa amba bekale bazhila mwi Kilishitu Yesu, ne ku bonse beta pa jizhina ja Nkambo Yesu Kilishitu konse konse, Nkambo yabo ne wetu pamo.

1 Kolinda 15:47

Muntu mutanshi walengelwe ku lukungu lwa panshi, muntu wa bubiji wafumine mwiulu.

2 kolinda 8:9

Mambo mwayuka bupe bwa Nkambo yetu Yesu Kilishitu, amba, nangwa wajinga munonshi, byonkabyo na mambo a anweba waalukile ke muyanji amba, anweba monka mu buyanji bwanji mwaluke ke banonshi.

Ngalatiya 3:28

Pano kechi kuji mu Yudea nangwa mugiliki ne. Kechi kuji muzha nangwa mwana bene ne, kechi kuji mwanamulume nangwa mwanamukazhi ne. Mambo bonse mwiumo mwi Kilishitu Yesu.

Efisesa 1:7

Mwi Kilishitu mo muji bukuuzhi bwetu bwa mu mashi anji, lo lulekelo lwa mizhilulwila yetu, monka mwayila bunonshi bwa bupe bwanji,

Efisesa 2:4

Kabiji Lesa byo aji na lusa lukatampe, na mambo a butemwe bwanji bukatampe bo etutemenwe,

Efisesa 2:7

Amba mu myaka ikeya akamweshe bunonshi bwine bwa bupe bwanji mu kwituubila lusa mwi Kilishitu Yesu.

Efisesa 3:16

Ndomba namba emukoseshe na bulume mu bumuntu bwenu bwa mukachi na Mupashi wanji, monka mwayila bunonshi bwa lukumo lwanji,

Efisesa 3:6

Amba Bangentila bo banswanyi pamo ne atweba, bo bamu mubiji umo ne atweba, bo ba kutambula mulaye pamo ne atweba mwi Kilishitu Yesu kupichila mu Mambo Awama.

Efisesa 3:8

Kwi amiwa yenka mucheeche mwine wa mu bazhijikwa bonse, ko bwapewa buno bupe bwa kusapwila ku Bangentila mambo a bya bunonshi bwa Kilishitu bwabulwa kukonsheka kwibuyuka,

Filipai 2:11

Ne majimi onse aketabe amba Yesu Kilishitu ye Nkambo, mu kumuletela lukumo Lesa Taata.

Filipai 4:19

Kabiji Lesa wami ukemumwena byonse byo mwakajilwa mwayila bunonshi bwanji bwa mu lukumo bwa mwi Kilishitu Yesu.

Kolose 1:27

Abo, boaswile Lesa kwibayukisha byo buji bukata bwa lukumo lwa mu Bangentila lwa ano mambo afyamikile. Kokuuba amba, Kilishitu uji mwi anweba lo luketekelo lwa lukumo.

Kolose 3:11

Amo kechi muji mugiliki, nangwa muyudea, nangwa wa mukanda, nangwa wabulwa mukanda, nangwa mwenyi, nangwa mwina Sikitya nangwa muzha, nangwa mwana bene, pakuba Kilishitu ye byonse, kabiji uji mu byonse.

1 Timoti 2:5

Mambo kujitu Lesa umo, kabiji kujitu ng'ambi umo, uji pakachi ka Lesa ne bantu, aye mwine ye muntu, yenkaye Kilishitu Yesu,

Lumwekesho 17:14

Bano bakalwa ne aye Mwana Mukooko, ne aye Mwana Mukooko ukebashinda, mambo aye ye Nkambo wa bankambo, ne Mfumu wa bamfumu. Ne abo boaji naabo pamo bo bantu baitwa, basalululwa, bakishinka.”

Lumwekesho 19:16

Kabiji pa kivwalo kyanji ne pa jimbwata janji panembelwe jizhina amba, “Mfumu wa ba mfumu ne Nkambo wa ba nkambo!”