Loma 1:8 - KNTP

⁸ Patanshi, napika sante kwi Lesa wami mwi Yesu Kilishitu na mambo a anweba bonse, mambo lwitabilo lwenu lwaya nkuwa pano pantanda ponse.

Loma 1:8 Iomraidhean Croise

Mateo 24:14

Kabiji ano Mambo Awama a bufumu aka sapwilwa pano pantanda ponse mwa kwibashiina ba mu mikoka yonse ya bantu, bino mpelo ikafike.”

Luka 2:1

Kabiji mu oa moba kwafumine mukambizho kwa Kesala Augusatusa, amba bantu bonse ba mu ntanda banembwe.

Byubilo 11:28

Kabiji mwaimene umo jizhina janji Agabusa, ka ambe mu Mupashi amba kukeya kipowe kikatampe kikakumbana pano pantanda ponse. Ne akyo kyaishile mu moba a kwa Kaludiusa.

Byubilo 28:22

Byonkabyo atweba tubenakusaka kumvwa momwalangulukila, mambo twayuka namba luno lwipatulo lubena kunenwa bibi konse, konse.”

Loma 10:18

Bino amiwa naipuzha namba, nanchi kechi ba umvwine nenyi? Ee, kine ba umvwine, “Jiwi jabo jakumbana pano pantanda ponse, ne byambo byabo nabyo byafika ne kwapela ntanda.”

Loma 16:19

Mambo lukookelo lwenu lwaya nkuwa ku bantu bonse, byonkabyo nasekela bingi na mambo anweba. Kabiji nasaka namba mwikale bamaana mu byawama, kabiji mwikale babula bujimuku mu byatama.

Loma 6:17

Bino sante ekale kwi Lesa! Mambo anweba nangwa mwajinga bazha ba bundengamambo pano mwakookela na muchima yense awa musango wa lufunjisho lo mwatambwile.

1 Kolinda 1:4

Nsanta kwi Lesa moba onse mambo anweba mwapewa bupe bwa Lesa mwi Kilishitu Yesu.

2 kolinda 2:14

Bino sante ekale kwi Lesa! Ye witutangijila mu lushinjilo mwi Kilishitu moba onse, ne kusolwela mwi atweba bwema bwawama bwa maana a kumuyuka aye konse, konse.

Efisesa 1:15

Na onka ano mambo, amiwa byo naumvwa mambo a lwitabilo lwenu lwa mwi Nkambo Yesu, ne butemwe bomumwesha ku bazhijikwa bonse,

Efisesa 1:16

kechi nzhikilwa kusanta na mambo a anweba ne. Kasa nemutela mu milombelo yami

Efisesa 3:21

kwi aye kwikale lukumo mu kipwilo ne mwi Kilishitu Yesu kufika ne ku nkulo yonse ya myaka ne myaka. Amena.

Efisesa 5:20

Kasa mwibisanchila byonse moba onse mu jizhina ja Nkambo yetu Yesu Kilishitu kwi Lesa Taata.

Filipai 1:11

Bwikalo bwenu buyule bipangwa bya bololoke bifuma kwi Yesu Kilishitu mukuleeta lukumo ne lutotelo kwi Lesa.

Filipai 1:3

Namusanchila Lesa wami bimye byonse byo nemuvuluka;

Kolose 1:3

Tusanta kwi Lesa, Shanja Nkambo yetu Yesu Kilishitu, moba onse byo twimulombelela anweba.

Tesalonika 1:2

Tusanta kwi Lesa moba onse na mambo a anweba bonse kasa twimuteela mu milombelo yetu.

Tesalonika 2:13

Kabiji na mambo a ano mambo o nsanchila kwi Lesa kwakubula kuzhikilwa. Mambo byo mwatambwile kwi amiwa mambo a Lesa, kechi mwiatambwile nobe mambo a bantu ne, poso byonka byo aji kine mambo a Lesa. Kabiji oengila mwi anweba baitabila.

2 Tesalonika 1:3

Anweba bakwetu, atweba twafwainwatu kusanta kwi Lesa moba onse na mambo a anweba. Mambo kyo kituwamina kuuba, mambo lwitabilo lwenu lubena kukoma bingi, kabiji ne butemwe bwenu bo mwitemwa anweba bene na bene nabo bubena kuvula.

2 Timoti 1:3

Namusanchila Lesa ye ng'ingijila na muchima watoka, byonka byaubilenga bashakulu bami. Byo mbena ku kuvuluka mu milombelo yami moba onse, bufuku ne mute.

Filemonyi 1:4

Namusanchila Lesa wami moba onse, kasa nemutela mu milombelo yami.

Bahebelu 13:15

Monka mwi aye tuletenga kitapisho kya kutota Lesa moba onse, kokuuba amba bipangwa bya pa byatunwa byetu bitaba jizhina janji.

1 Petelo 2:5

Kabiji ne anweba pamo nobe mabwe omi, mubena kushimikwa ke nzubo ya bumupashi amba, mwikale bung'anga bwazhila, bwa kulambula bitapisho bya bumupashi, byaitabilwa kwi Lesa mwi Yesu Kilishitu.

1 Petelo 4:11

Awa wamba, ambe kyafwainwa byambo bya Lesa; awa wingila engile na bulume boapana Lesa, amba mu byonse aye Lesa atumbijikilwe monka mwi Yesu Kilishitu, kwi aye kwikale lukumo ne bulume myaka ne myaka. Amena.