Loma 1:23 - KNTP

²³ kabiji bapimpwile lukumo lwa Lesa ubula kubola na bankishi bapashang'ana na muntu ubola, nangwa na bang'onyi, nangwa na ba nyama ba mikupa ina nangwa na bikalaba panshi.

Loma 1:23 Iomraidhean Croise

Byubilo 10:12

Mo mwajinga misango yonse ya banyama ba maulu ana, ne ya bikalaba panshi ne ya bang'onyi ba mwiulu.

Byubilo 17:29

Byonkabyo byo tuji ba mukisemi kya Lesa, kechi twafwainwa kulanguluka amba, bu Lesa bwapashang'ana na ngolode, nangwa na siliva, nangwa na jibwe, byo basonga na busendwe ne maana a bu muntu ne.

Loma 1:25

Mambo abo bapimpwile bya bukine bya Lesa na bya bubela, ke bapopwele ne kwikingijila kilengwa ne kuleka Shakapanga, utotwa myaka yonse! Amena.

1 Kolinda 12:2

Anweba mwayuka amba, byo mwajinga Bangentila, mwatwajilwe mungi mu kupopwela bankishi babula kwamba.

1 Petelo 4:3

Bimye byo mwapaine kala na kuuba byo batemwa Bangentila byapwa, byo mwalondelenga bya bunya, ne bya lwiso, ne bya kutomatoma binyu, ne bya kusangalala kubi, ne bya kupendwapendwa, ne byabipisha bya kupopwela bankishi.

Lumwekesho 9:20

Kabiji ne bantu bashajilepo, babujilwe kwipayiwa na ino myalo, kechi balapijile ku mingilo ya maboko abo amba, tuleke kupopwela bademona, ne bankishi ba ngolode, ne ba siliva, ne ba lubemba, ne ba mabwe, ne ba bichi bibula kumona, ne kumvwa nangwa kwenda ne.