Loma 1:18 - KNTP

¹⁸ Mambo bukaji bwa Lesa bwamweka kufuma mwiulu, bwibumwekela bumbulwa kwakamwa Lesa ne bumbulwa koloka bonse bwa bantu, bavulang'anya bukine na bumbulwa koloka.

Loma 1:18 Iomraidhean Croise

Loma 1:19

Mambo akya kyayukanyikwa kya Lesa kyamweka mu michima yabo; mambo Lesa wibamweshakyo.

Loma 1:28

Kabiji byonka byo bakaine kwikala na maana a kuyuka Lesa, Lesa naye wibapaine ku muchima wa bubi, bobenga byo babula kufwainwa kuuba.

Loma 1:32

Abo nangwa bayuka koloka kwa bunchiba mambo bwa Lesa amba, boba bibye bo bafwainwa lufu. Nangwa byonkabyo abo kasa bebyubatu, kabiji ne kikwabo bebetabizha ne kwibatota aba bebyuba.

Loma 2:3

Bino, obewa muntu wibazhachisha boba bibye, ne obewa mwine kasa wibyuba pamo! Walanguluka amba, ukapuluka ku luzhachisho lwa Lesa nyi?

Loma 3:9

Nanchi byepi? Atweba Bayudea twibakila mu kuwama nyi? Ine, nangwa pachechetu ne! Mambo twibashiina kala bonse Bayudea, ne Bagiliki pamo amba bonsetu baji mu mambo.

Loma 4:15

Mambo Mizhilo yo yileta bukaji bwa Lesa, kabiji pabula Mizhilo kechi paji kuzhilulula Mizhilo ne.

Loma 5:6

Mambo byo twakijinga banekena, mu kimye kyafwainwa Kilishitu wibafwijile babula kwakamwa Lesa.

Loma 5:9

Mambo pano, byo twabingishiwa na mashi anji, kine kabiji tukapulukila mwi aye ku bukaji bwa Lesa.

Loma 6:13

Nangwa kupanapana bya mibiji yenu ku bundengamambo amba bikale bya kwingilako bya bubi ne. Poso mwipane kwi Lesa nobe bomi basanguka mu bafu, ne bya mibiji yenu nabyo mwibipane kwi Lesa bikale bya kwingilako bya bololoke.

Efisesa 5:6

Kechi muleke muntu emujimbaike na byambo byatu ne, mambo na mambo a byonka bino bintu bukaji bwa Lesa bukebafikila bantu bamilengulwila.

Kolose 3:6

Na mambo a bino bintu bukaji bwa Lesa bubena kwiya pa bantu bamilengulwila.

2 Tesalonika 2:10

kabiji ne na bujimbijimbi bwa misango yonse yabipa bwa kujimbaika aba babena konaika, mambo bakaine kutemwa bukine amba bapuluke.

2 Tesalonika 2:6

Kabiji anweba mwayuka, akya kibena kumukanya. Amba akamweke mu kimye kyanji.