Loma 1:16 - KNTP

¹⁶ Mambo amiwa kechi neobila bumvu Mambo Awama ne; mambo bo bulume bwa Lesa buleta lupulukilo ku bonse baitabila, kutatwila ku Bayudea kabiji ne ku Bagiliki nabo pamo.

Loma 1:16 Iomraidhean Croise

Mako 8:38

Mambo aye ukangubila bumvu amiwa ne mambo ami mu kino kisemi kya bukende ne kya bundengamambo, ne Mwana Muntu naye ukamubila bumvu byo akeya mu lukumo lwa Shanji na bamalaika bazhila.”

Luka 9:26

Mambo yense ukangubila bumvu amiwa ne mambo ami, aye naye Mwana Muntu ukamubila bumvu byo akeya mu lukumo lwanji ne mu lukumo lwa Shanji ne lwa bamalaika bazhila.

Yoano 7:35

Ponkapo Bayudea beipwezhe bene na bene amba, “Nanchi uno usakuya kwepi byo tukabula kumutaana? Usakuya kuboba bapalang'ena mu Bagiliki, na kufunjisha Bagiliki nyi?

Byubilo 3:26

Lesa byo amusangwile wamwingilo wanji, wamutumine kwi anweba patanshi, na kwimupesha, amba anweba bonse muvundamine ku bubi bwenu.”

Loma 10:17

Byonkabyo lwitabilo lwiya pakumvwa, kabiji kumvwa nako kwiya na byambo bya Kilishitu.

Loma 15:19

monka mu bulume bwa biyukilo, ne bwa bya kukumya, ne mubulume bwa Mupashi wa Lesa amba, byonkabyo kufuma ku Yelusalema, ne mumande azhokolokako, kukafika kwine ne ku Ililikuma, nasapwilako Mambo Awama a Kilishitu.

Loma 15:29

Kabiji nayuka namba byo nkemwendela kwenu, nkeya kasa nayula na mapesho a Kilishitu.

Loma 2:9

Kukekala bya malwa, ne bitanta, bikebafikila bantu bonse boba bibi, kutatwila ku Bayudea, bino ne ku Bagiliki pamo.

Loma 4:11

Aye watambwile mukanda ke kayukilo, nobe kateetesho ka bololoke bwa mu lwitabilo bo ajinga naabo, kasa akyangye kutwela mu mukanda. Amba ekale ke shanja bonse baitabila kwakubula mukanda, amba ebaswe ne abo pamo amba baoloka.

1 Kolinda 15:2

Onka emusapwijilwe mo mwamwena lupulukilo umvwe mwiakwachisha, kana umvwe mwaitabijile kyatuutu.

1 Kolinda 2:2

Mambo napwishishe mu muchima byo najinga ne anweba, namba kechi ngyuke kintu nangwa kimo ne, poso yenka Yesu Kilishitu ne byo apopelwe pa musalabu.

1 Kolinda 2:4

kabiji kwamba kwami ne kusapwila kwami kechi kwajinga mu byambo bya maana nangwa bya mulambisha ne, kwajinga mu kumweka kwa Mupashi wa Lesa ne mu bulume.

1 Kolinda 9:12

Umvwe bakwabo baji na luno luusa lwa byonkabyo pe anweba, atweba kechi yetu bene, bene nenyi? Nangwa byonkabyo kechi twimubijiile luno luusa ne. Bino atweba bene twimwenejile byonse kuchiina amba, twakashinkila Mambo Awama a Kilishitu.

1 Kolinda 9:18

Nanchi mfweto yami yo yika? Namba byo nsapwila Mambo Awama, neasapwile kwakubula mfweto amba kechi ngube byonse bya luusa lwami lwa mu Mambo Awama ne.

2 kolinda 2:12

Byo naishile ku Toloasa na kusapwila Mambo Awama a Kilishitu, aye Nkambo wanshinkwijile kibelo.

2 kolinda 4:4

Mwi abo lesa wa pano pantanda wiipofula michima ya babula kwitabila kuchiina amba, bakamona kyeya kya Mambo Awama a lukumo lwa Kilishitu, aye kipasha kya Lesa.

2 kolinda 9:13

Kabiji byo mwalumbulukila mu ye uno mwingilo bakatumbijika Lesa na mambo a kukookela kwa kwitabila kwenu mu Mambo Awama a Kilishitu, ne na mambo a bupanyi bwenu bwavula bwa kupana kwi abo ne ku bonse.

Ngalatiya 1:7

Bino kechi kuji Mambo Awama akwabo ne. Bino kobaji bamo bemukatazha, basaka kwalulula Mambo Awama a Kilishitu.

Tesalonika 2:13

Kabiji na mambo a ano mambo o nsanchila kwi Lesa kwakubula kuzhikilwa. Mambo byo mwatambwile kwi amiwa mambo a Lesa, kechi mwiatambwile nobe mambo a bantu ne, poso byonka byo aji kine mambo a Lesa. Kabiji oengila mwi anweba baitabila.

1 Timoti 1:11

Monka mwayila Mambo Awama a lukumo lwa Lesa wa bibusa, o ampele amiwa.

2 Timoti 1:12

na onka ano mambo o namanamina bino bintu. Bino kechi nji na bumvu ne, mambo namuyuka aye ye naitabila, kabiji nayukisha namba, aye wakonsha kulama kufika ku joja juba akya kyafikizhiwa kwi amiwa.

2 Timoti 1:16

Aye Nkambo ebobile lusa ba munzubo ya Onesifolusa, mambo aye wangikizhenga muchima javula, ne kumuubila bumvu munyololo wami ne.

2 Timoti 1:8

Byonkabyo obewa kechi wikuubile bumvu kushimuna ko umushimuna Nkambo yetu ne, nangwa kungubila bumvu amiwa kaili wanji ne. Bino manama pamo ne amiwa mu Mambo Awama monka mwayila bulume bwa Lesa.

Bahebelu 4:12

Pakuba mambo a Lesa o omi ne kwingila engila, atwisha kukila mapoko onse atwa kubiji, kabiji asaba kufika ne kukwabanya kwa muchima ne mupashi, ne kwa manungi ne mikolokofwa, kabiji alondalonda ne kupima milanguluko ya mumuchima ne mo yayila.

1 Petelo 4:16

Bino umvwe muntu wamanama na mambo a kwikala mwina Kilishitu, kechi obe bumvu ne, poso atumbijike Lesa mu jonka jino jizhina.