Loma 1:12 - KNTP

¹² Ko kuuba amba, anweba ne amiwa bonse twitundaike atweba bene na bene, bonse na lwitabilo lwenu ne lwami pamo.

Loma 1:12 Iomraidhean Croise

Byubilo 11:23

Aye pakufikako ne kumona bupe bwa Lesa, wasekejile kabiji wibatundaikile bonse amba, balamachile kwi Nkambo na michima yabo yonse.

Loma 1:11

Mambo nasakishatu kwimumona, namba nemupe kya bupe kya bumupashi kya kwimukosesha.

Loma 1:13

Anweba bakwetu, nasaka namba muyuke amba nafukwile javula kwiya ko muji, bino ko biji bimo byankayinye kwiya. Pakuba amba ngitabizhepo bamo ba mwi anweba byonka byo nsapwila mu Bangentila.

Loma 15:24

naketekela namba, ponka pa kukayanga ku Sipeni, nkemumona pa lwendo lwami, ne kutambula bukwasho kufuma kwi anweba bwa pa lwendo lwami, patanshi nkekala nenu bang'ondo bacheche.

Loma 15:32

Namba nkeye ko muji na lusekelo monka mu kyaswa muchima wa Lesa, ne kukokoloka nenu pamo.

2 kolinda 7:13

Onkao mambo twakwashiwa. Kabiji ne mu kukwashiwa kwetu twasekejile bingi kyakila na mambo a lusekelo lwa Titusa, mambo mwayikizhe muchima wanji anweba bonse.

Efisesa 4:5

Nkambo umo ne lwitabilo lumo ne lubatizhilo lumo.

2 Timoti 1:4

Kasa nsakisha ku kumona pa kulanguluka mipolo yobe, namba ngyulwe na lusekelo.

Titusa 1:4

Kwi Titusa, mwanami wa kine wa mu lwitabilo lumo ne amiwa. Bupe ne mutende, bifuma kwi Lesa Taata ne kwi Kilishitu Yesu Mupulushi wetu, bikale ne obewa.

2 Petelo 1:1

Shimona Petelo, kalume ne mutumwa wa Yesu Kilishitu. Kwi abo batambula lwitabilo lwa bololoke pamo ne lwetu lwa monka mu bololoke bwa Lesa wetu ne Mupulushi Yesu Kilishitu.

2 Yoano 1:4

Amiwa nasekejile bingi byo nataaine baana benu bamo kasa benda mu bukine, byonka byoetukambizhizhe aye Taata.

Yuda 1:3

Anweba batemwe, nangwa natesheshekotu muchima kwimunembela na mambo a lupulukilo lwetu atweba bonse, nekimwene namba kyamfwainwa kwimunembela byambo bya kwimutundaika namba, mwibilwile na muchima yense abya byonse bya lwitabilo byo apaine Lesa ku bazhijikwa banji.