Kolose 3:8 - KNTP

⁸ Pakuba pano bitayai ne bino byonse; kubuuka bukaji ne bukaji ne nshiji ne kayebe ne mwenga mu kanwa kenu.

Kolose 3:8 Iomraidhean Croise

Mateo 5:22

Pakuba amiwa nemwambila namba, awa wamubukila bukaji mulongo wanji, aye naye wafwa nao a kuletwa mukije, kabiji awa wa mwambila mulongo wanji amba, wakosama, aye naye wafwa nao a kuletwa mukije kikatampe, pakuba awa wa amba bya kufing'ana wafwa nao a kutayiwa mu Ngehena ya mujilo.

Mako 7:22

ne bya lunkumbwa, ne bubipisho, ne bujimbijimbi, ne bya bunya, ne kichima, ne bubela, ne bwitote, ne ku kosama.

Loma 13:13

Twendenga bulongotu nobe mu mute, kechi mu kiwowo ne mu kupendwa ne, nangwa mu bya bulalelale ne bya bunya ne, kechi mu lutoobo ne mu kichima ne.

1 Kolinda 3:3

mambo mukiji mu bwikalo bwa buntunshi. Mambo byo mukiji na kichima ne lutobo mukachi kenu, nanchi kino kechi kyamwesha amba mukiji mu bwikalo bwa buntunshi nenyi? Kechi mubena kuba monka mwendela bantu babula kwitabila nenyi?

2 kolinda 12:20

Mambo nachiina namba, apo kampe byo nkeya, nkemutaana kasa mwaikala na monabula kusakila, ne amiwa mwine nkataanwa kwi anweba na momwabula kusakila, kabiji nachiina namba kampe kukekala lutoobo, ne kichima, ne bukaji, ne bya bongozhi, ne miyebe, ne bya kutepeta, ne bya kwilundumika, ne biwowo.

Ngalatiya 5:15

Pakuba umvwe mubena kwikozha ne kwiuba byatama, jimukai kuchiina amba mwakeonauna anweba bene na bene.

Ngalatiya 5:20

ne kupopwela bankishi ne bung'anga bwa lubuko ne mafika ne lutobo ne kichima ne bukaji ne bongozhi ne mabano ne mepatulo;

Ngalatiya 5:26

Kechi twikale ba bwitote bwatu, nangwa kwiteteka ne kwiumvwina kichima atweba bene na bene ne.

Efisesa 4:22

Amba, muvuule mwayila awa musango wa bwikalo bwenu butanshi, abwa bumuntu bwa kala bubena kuya na konaika monka mwayila lwiso lwa bujimbijimbi bwabo.

Efisesa 4:25

Onkao mambo muleke bubela, “Kasa mwiambila bya bukine anwe bene na bene” mambo atweba bene na bene twi bya mubiji umo.

Efisesa 4:26

“Nangwa mwazhingila kechi mulenge mambo ne” kechi muleke juba jizhike kasa mwazhingila ne.

Efisesa 4:29

Kechi muleke byambo byatama bifume mu kanwa kenu nangwa kimo ne, kana byonka byawama bibakomesha bantu, bibafwainwa mu kyonkakyo kimye, amba bibaleetele bibusa abo bebyumvwa.

Efisesa 5:4

Nangwa bya bunya, nangwa misambo ya kwendalala, nangwa miteleko ibi, abyo kechi byafwainwa ne, kana konka kusanta.

Kolose 3:5

Onkao mambo ipayai bya ku mibiji yenu biji pano pantanda, bulalelale ne bubipisho ne kusakasaka kubindankanya muchima ne kusakasaka kubi konse ne lunkumbwa, alo ko kupopwela bankishi.

Kolose 3:9

Kechi mwibepele anwe bene na bene ne, byo mwavujijila bumuntu bwenu bwa kala ne byubilo byabo

1 Timoti 1:13

nangwa kala amiwa najinga wa mwenga, wa lupato kabiji washiinta. Bino nangwa byonkabyo namwene lusa, mambo nebyubile mu bulubi monka mu kubula kwitabila kwami.

1 Timoti 1:20

Mwi abo muji ne ba Haiminusa ne Alekasanda, bo nafikizha kwi Satana; namba bafundwe baleke kumuuba mwenga Lesa.

Bahebelu 12:1

Onkao mambo atweba byo twazhokolokwa na jibumba jikatampe ja batumonyi ja byonka bino. Tutaye byonse bitunemena, ne abwa bundengamambo bupelawizha kwitukasankanya, tunyeme kapeela na mukoyo konka ko betutujila kulutwe.

Yakoba 2:7

Kechi ibo bejineena bya mwenga aja jizhina janeema jo mwatelwa nenyi?

1 Petelo 2:1

Byonkabyo tayai nshiji yonse, ne bujimbijimbi bonse, ne bukamfutumfutu, ne kichima, ne kwineena bibi konse.

2 Petelo 2:18

Mambo, bamba byambo bikatampe byatu, bya kwitota, bebongola bantu babena kupuluka kuboba baji mu bwikalo bwa bulubi.

2 Petelo 2:7

Kabiji wamupokolwele Lota waoloka, byo aubishe bulanda na mambo a bwikalo bwa bunya bwa babi.

Yuda 1:13

O manyaki akaji a kalunga auba ne kapofu ka bumvu bwabo, to tubangabanga tupitang'ana to balamina kufiita kwa mfishi ya myaka ne myaka.

Yuda 1:8

Ne bano bantu ba biloto nabo kasa boba pamotu ne kubipisha mibiji yabo, ne kusuula ba luusa, ne kwibanena bya mwenga ba lukumo.

Lumwekesho 16:9

Ponkapo bantu basokelwe butuchila na kyuya kikatampe, ke bejineene bya mwenga jizhina ja Lesa, yenka uji na luusa lwa pa ino myalo. Kabiji kechi balapijile amba, bamutumbijike ne.