Kolose 3:5 - KNTP

⁵ Onkao mambo ipayai bya ku mibiji yenu biji pano pantanda, bulalelale ne bubipisho ne kusakasaka kubindankanya muchima ne kusakasaka kubi konse ne lunkumbwa, alo ko kupopwela bankishi.

Kolose 3:5 Iomraidhean Croise

Mateo 15:19

Mambo mukachi mu michima ya bantu mo mulupuka milanguluko yatama, ne kwipayang'ana, ne bukende, ne bulalelale, ne bwivi, ne bubela, ne bya mwenga.

Loma 1:26

Onkao mambo Lesa wibapaine ku muchima wa kusakisha kuuba byatamisha bya bumvu. Mambo banabakazhi babo balekele mobobila bantu na kwikuna.

Loma 1:29

Kasa bayula na bumbulwa koloka bonse, ne bubi, ne lunkumbwa, ne nshiji, ne kuyula na kikonkoma, ne bumbanzhi, ne lutoobo, ne bujimbijimbi, ne bulwanyi, bo ba miyebe,

Loma 6:13

Nangwa kupanapana bya mibiji yenu ku bundengamambo amba bikale bya kwingilako bya bubi ne. Poso mwipane kwi Lesa nobe bomi basanguka mu bafu, ne bya mibiji yenu nabyo mwibipane kwi Lesa bikale bya kwingilako bya bololoke.

Loma 6:6

Kasa twayuka kino, amba buntu bwetu bwakala bwapopelwe nanji, amba mubiji wa bundengamambo angatwe bulume, kabiji amba kechi tukikale mu buzha bwa bundengamambo ne.

Loma 7:23

Bino namona mu bya mubiji wami muzhilo mukwabo ungi ubena kulwa na muzhilo wa mu muchima wami ne kuntwala mu buzha bwa muzhilo wa bundengamambo waikala mu bya mubiji wami.

Loma 7:5

Mambo byo twakijinga mu buntunshi, bya kusakasaka byetu bya bundengamambo byo bebibushishe ku Mizhilo, byaingijilenga mu bya mibiji yetu na kupanga bipangwa bileta lufu.

Loma 8:13

Mambo umvwe mwalonda bya buntunshi mukafwa. Pakuba umvwe mwaipaya na Mupashi byubilo bya mubiji, mukekala na bumi.

1 Kolinda 5:1

Kine kyaumvwanyika amba, mwi anweba muji bulalelale, naye musango wa bulalelale wabulwa mu Bangentila. Amba umo mukwenu uji na muka shanji!

1 Kolinda 6:11

Ne anweba bamo byobyo mwajinga, bino pano bemovwa, bemuzhijika ne kwimubingisha monka mu jizhina ja Nkambo Yesu Kilishitu, ne na Mupashi wa Lesa wetu.

1 Kolinda 6:13

“Kajo ko ka munda, ne munda namo momwa kajo” bino aye Lesa ukebizhimang'anya byonse bibiji. Mubiji kechi ye wa bulalelale ne, ye wa kwa Nkambo, ne Nkambo ye wa mubiji.

1 Kolinda 6:18

Chiinai bulalelale. Mambo onse o alenga muntu aji pangye ya mubiji; pakuba awa uba bulalelale umulenga mambo mubiji wanji mwine.

2 kolinda 12:21

Kabiji ne byo nkeya jibiji Lesa wami wakandengesha bumvu ku meso enu, kabiji nkajila na mambo a bavula balengele kala mambo, ne kulapila ku bubipisho, ne bulalelale, ne bya bunya byo baubile ne.

Ngalatiya 5:24

Kabiji abo bakwa Kilishitu Yesu bapopa kala pa musalabu buntunshi bwabo ne bya kusakasaka kwabo ne bya lwiso lwabo byonse pamo.

Efisesa 4:19

Abo, byo babula bumvu, bepana mu kulondalonda bya bunya, mu kwingila bubipisho bonse na lwiso.

Kolose 2:11

Mwi aye Kilishitu momo mwaubilwa mukanda, kechi mukanda waubiwa na maboko ne, ye wa kuvujijila kwa mubiji wa buntunshi, mu mukanda wa Kilishitu.

Tesalonika 4:3

Mambo kino kyo kyaswa muchima wa Lesa amba mwikale bazhila, muzhile bulalelale.

Tesalonika 4:5

kechi mu kusakasaka kwa lwiso ne kwa lunkumbwa pamo na Bangentila babula kuyuka Lesa ne.

1 Timoti 6:10

Mambo kutemwa mali ye muzhazhi wa misango yonse ya bubi. Bino bamo byo beakumbilwe ebasendwile kufuma ku lwitabilo, ne kwiasa bene na bya bulanda byavula.

Bahebelu 12:16

Amba kechi kwikale nangwa umo wa bulalelale nangwa wabula kuzhila nobe Isao ne, yenka wapoteshe bubeji bwanji na kijiilo kimo kya kajo.

Bahebelu 13:4

Masongola ekale a mushingi ku bonse, ne baji mu masongola bekale bakishinka mu masongola abo. Mambo Lesa ukebazhachisha ba bulalelale ne bankende.

Bahebelu 13:5

Mwikale babula kutemwa mali, sekelai na byonka byo muji naabyo. Mambo aye mwine wa amba amba, “kechi nkakusha nangwa pachechetu ne, ne kukulekelela nangwa pachechetu ne.”

Yakoba 4:1

Nanchi makondo ne bulwi bifuma paka mwi anweba? Bifuma monka mu bya kusakasaka byenu bilwa na bya mibiji yenu.

1 Petelo 2:11

Anweba batemwe, amiwa ne musashijila byo muji benyi ne bakang'enda namba muzhile bya lwiso lwa buntunshi, bilwa na muchima.

Lumwekesho 21:8

Pakuba ba moyo, ne bamilengulwila, ne boba bya bunya, ne bambanzhi, ne ba bulalelale, ne bang'anga ba lubuko, ne bapopwela bankishi, ne ba bubela bonse, paabo po pa kizhiba kiteema mujilo ne kibiliki, lo lufu lwa bubiji.”

Lumwekesho 22:15

Pangye ya muzhi paji bakabwa, ne bang'anga ba lubuko, ne ba bulalelale, ne bambanzhi, ne bapopwela bankishi, ne bonse batemwa kwamba ne kuuba bya bubela.