Kolose 3:4 - KNTP

⁴ Kilishitu, aye bumi bwetu byo akamweka, ponkapo ne anweba mukamweka nanji mu lukumo.

Kolose 3:4 Iomraidhean Croise

Mateo 13:43

Pakuba baoloka bakasaama pamo nobe juba mu bufumu bwa Shabo, uji na matwi a kumvwa omvwe!”

Luka 17:30

Byo byo kikekala ne mu juba ja Mwana Muntu byo akamweka.”

Yoano 11:25

Kumvwa Yesu wamwambijile amba, “Amiwa yami lusanguko ne bumi. Awa wangitabila amiwa, nangwa afwe, ukamona bumi,

Yoano 14:3

Kabiji inge naya na kwimunengezhezha mpunzha, nkabwela jibiji, ne kwimutwala kwami amiwa mwine, namba akwa konji amiwa, ne anweba mukekale konka.

Yoano 14:6

Yesu wamukumbwile amba, “Amiwa ne jishinda, ne bukine, ne bumi, kafwako wakonsha kwiya kwi Bataata ne, poso pe amiwa.

Yoano 17:24

“Taata! Aba bomwampele, nasaka namba, konji amiwa, ne abo nabo bakekale ne amiwa, namba bakamone lukumo lwami, lo mwampele mambo anweba mwantemenwe amiwa ne ntanda kasa ikyangye kulengwa.

Yoano 20:31

Pakuba bino byanembwa amba, mwitabile amba, Yesu ye Kilishitu, Mwana Lesa, kabiji amba, pa kwitabila, mwikale na bumi mu jizhina janji.

Byubilo 3:15

ne kwipaya mwaipayile Upana bumi, ye asangwile Lesa mu bafu, ne atweba twi batumonyi banji.

Loma 8:18

Mambo nalanguluka namba bya kumanama bya pa kino kimye kechi byafwainwa kwibyesakanya na lukumo loakamwesha kwi atweba ne.

Loma 8:19

Mambo bilengwa byonse bibena kutengela kasa byazanza meso na kupembelela kusoloka kwa baana ba Lesa.

1 Kolinda 1:7

Mambo anweba kechi pajipo kya bupe kyo mwabulwa kupewa ne, byo mubena kupembela lumwekesho lwa Nkambo yetu Yesu Kilishitu.

1 Kolinda 15:43

Wabyalwa wa bumvu wasangulwa wa lukumo, wabyalwa wanekena, wasangulwa wa bulume.

2 kolinda 4:17

Mambo malwa etu apeela, a kakimye kamotu, abena kwitwingijila lukumo lwakijishatu kunema, lwa myaka.

Ngalatiya 2:20

kabiji amiwa kechi nakiikala na bumi ne, kana Kilishitu ye waikala na bumi mwi amiwa. Kabiji ne abwa bumi bonaikala naabo pano mu mubiji, naikala naabo monka mu lwitabilo lwa mu Mwana Lesa, yenkaye wantemenwe ne kwipana mwine na mambo a amiwa.

Filipai 3:21

Ye ukapimpula mibiji ya bumvu bwetu ke ya lukumo amba, ikapashang'ane na mubiji wanji wa lukumo, monka mwayila bulume bwanji boakonsha kwi bikookesha bintu byonse kwi aye mwine.

Tesalonika 4:17

Ponkapo ne atweba tukatanwa bomi tukashikulwa naabo pamo mu makumbi, na kusambakana nanji Nkambo mwiulu. Byonkabyo tukekala ne Nkambo myaka ne myaka.

1 Timoti 6:14

namba ulame uno mukambizho kwa kubula biko, ne kwa kubula kaneneno kufika ne ku lumwekesho lwa Nkambo yetu Yesu Kilishitu.

2 Timoti 1:1

Paulo, mutumwa wa Kilishitu Yesu, monka mwaswila muchima wa Lesa, mwayila mulaye wa bobwa bumi bwa mwi Kilishitu Yesu.

2 Timoti 4:8

Pano bantujila kala munchinya wa bololoke, yeakampa mu joja juba aye Nkambo, mutonyi waoloka, kabiji kechi amiwa yenkatu ne, pakuba ne bonse batemwa kumweka kwanji.

Titusa 2:13

Kasa tutengela alwa luketekelo lwa lusekelo, ko kumweka kwa lukumo lwa Lesa mukatampe, ne Mupulushi wetu Yesu Kilishitu.

Bahebelu 9:28

Byonkabyo Kilishitu naye walambwilwe jimo jonka mu kusenda mambo a bavula. Ukamweka jibiji kechi na mambo a bundengamambo ne, poso na kuleeta lupulukilo kuboba babena kumutengela.

1 Petelo 1:13

Onkao mambo, nengezhai michima yenu mutekanye, mwilulanguluke bulongo luketekelo lwenu lwa bupe bukemuletelwa pa lumwekesho lwa Yesu Kilishitu.

1 Petelo 5:4

Kabiji byo akamweka Kafunga mwine mukatampe, mukatambula munchinya wa lukumo lubula kwaluka.

1 Yoano 2:28

Kabiji pano, anweba twana, ikalainga mwi aye, namba byo akamweka tukekale bachinchika ne kuuba bumvu ku meso anji byoakeya ne.

1 Yoano 3:2

Anweba batemwe, pano twi baana ba Lesa, kabiji kikyangye kumwekesha byo tukekala. Bino twayuka namba byo akamweka Aye, tukapashang'ana nanji, mambo tukamumona byonka byo aji.

1 Yoano 5:12

Awa uji na Mwana Lesa ye uji na bumi, kabiji aye wabula Mwana Lesa ye wabula bumi.

Yuda 1:24

Pano kwi aye wakonsha kwimulama ne kwimukanya kwituntula, ne kwimwikazha monka mu kyenyi kya lukumo lwanji, kwa kubula bulema, monka mu lusekelo lukatampe.

Lumwekesho 2:7

“Aye uji na matwi, omvwe byamba Mupashi ku bipwilo! “Kwi aye ushinda nkamuswisha kuja ku kichi kya bumi, kiji mu Paladisa wa Lesa.”

Lumwekesho 22:1

Kabiji aye wammwesheshe mukola wa mema a bumi, a kilola nobe kilishitala, kasa afuma mu jitanda ja Lesa ne ja Mwana Mukooko,

Lumwekesho 22:14

Batokwa bovwa bivwalo byabo, amba bekale na luusa lwa pa kuja ku kichi kya bumi, ne kutwela mu bibelo bya mu muzhi.