Kolose 3:3 - KNTP

³ Mambo mwafwile, ne bumi bwenu bebufya pamo ne Kilishitu mwi Lesa.

Kolose 3:3 Iomraidhean Croise

Mateo 11:25

Pa kyonkakya kimye Yesu wa ambile amba, “Nemutota anweba Taata, Nkambo wa mwiulu ne wa pano panshi, mambo mwibifiile bino bintu ku bamaana ne ku bamilangwe, ne kwibisolola ku baana ba bacheche.

Yoano 14:19

Kwashala ka kimye kacheche ba pano pantanda kechi bakammona jibiji ne, pakuba anweba mukammonanga, byo naikala na bumi amiwa, ne anweba mukekalanga naabo.”

Yoano 3:16

Mambo Lesa byo ebatemwishe ba pano pantanda, wapaine Mwananji yenkawa umo amba, bonse bamwitabila kechi bonaike ne, poso amba bekale na bumi bwa myaka.

Yoano 4:14

pakuba awa ukatoma mema o nkamupa amiwa, kechi ukomvwa kilaka myaka ne myaka ne. Mambo aa mema o nkamupa akaaluka munda mwanji ke nsulo ya mema, kasa atupauka ne ku bumi bwa myaka.”

Yoano 5:21

Mambo byonka byo asangula Shanji bafu, ne kwibapa bumi, byonkabyo ne Mwana naye upana bumi ku bo aswa.

Yoano 5:24

“Kine, kine nemwambila namba, aye waumvwa mambo ami, ne kumwitabila aye wantuma uji na bumi bwa myaka, kechi ukeya mukije ne, pakuba mu lufu wafumamo, wapitaila ku bumi.

Yoano 5:40

Pakuba anweba kechi mwaswa kwiya kwi amiwa amba, mumone bumi, ne.

Loma 5:10

Mambo umvwe byo twakijinga balwanyi, twapwainwe ne Lesa mu lufu lwa Mwananji. Pano byo twapwana, kine kabiji tukapulukila mu bumi bwanji!

Loma 5:21

Amba, bundengamambo, byonka byo bwaikajile mu bufumu bwa lufu, byonkabyo ne bupe nabo, bwikale mu bufumu mu kupana bololoke buleeta bumi bwa myaka mwi Yesu Kilishitu Nkambo yetu.

Loma 6:11

Byonkabyo ne anweba mwafwainwa kulanguluka amba, mwi bafu ku bundengamambo, kabiji mwi bomi kwi Lesa mwi Kilishitu Yesu.

Loma 6:2

Ine kabiji, akyo ne! Atweba twafwile ku bundengamambo tukikalemo byepi?

Loma 8:2

Mambo muzhilo wa aye Mupashi wa bumi wankasulula mwi Kilishitu Yesu kuyewa muzhilo wa bundengamambo ne wa lufu.

1 Kolinda 15:45

Mambo kinembelo kyaamba amba, “Muntu mutanshi, Adama, waalukile ke muntu mumi.” Bino Adama wapelaako waalukile ke mupashi upana bumi.

1 Kolinda 2:14

Kabiji muntu wabula Mupashi, kechi utambula bya Mupashi wa Lesa ne, mambo kechi byo bya maana kwi aye ne. Kabiji kechi wakonsha kwibiyuka ne, mambo kumvwisha kukebewa na bukwasho bwa Mupashi wa Lesa.

2 kolinda 5:14

Mambo butemwe bwa Kilishitu bo bwitwingijisha, mambo twayuka namba, umo byo afwijile bonse, nanchi bonse bafwile.

2 kolinda 5:7

Mambo twenda mu lwitabilo kechi na kumona na meso ne.

Ngalatiya 2:20

kabiji amiwa kechi nakiikala na bumi ne, kana Kilishitu ye waikala na bumi mwi amiwa. Kabiji ne abwa bumi bonaikala naabo pano mu mubiji, naikala naabo monka mu lwitabilo lwa mu Mwana Lesa, yenkaye wantemenwe ne kwipana mwine na mambo a amiwa.

Efisesa 3:9

ne bwa kumwesha ku bantu bonse mo kwayila akwa kwingila kwa akya kyafyamika kyafyamikile myaka ne myaka mwi Lesa yenka walengele byonse,

Filipai 4:7

Kabiji mutende wa Lesa ubula kuyukanyikwa ukalama michima ne milanguluko yenu mwi Kilishitu Yesu.

Kolose 1:5

Na mambo a kya luketekelo kimutujilwa mwiulu, kyo mwaumvwine kala mu byambo bya bukine kiji mu Mambo Awama.

Kolose 2:20

Byo mwafwile pamo ne Kilishitu ku bya bwanyike bya pano pantanda, mambo ka o mwakookela tumizhilo nobe mwi ba pano pantanda?

Kolose 2:3

Monka mwi Aye mo byafyamikila bya buneme byonse ne bya milangwe ne bya maana.

Kolose 3:4

Kilishitu, aye bumi bwetu byo akamweka, ponkapo ne anweba mukamweka nanji mu lukumo.

Bahebelu 7:25

Onkao mambo aye wakonsha kwi bapulusha kya kine abo bafwenya kwipi na Lesa mwi aye, mambo waikala myaka na kwibalombelela.

1 Petelo 3:4

Nanchi kwikale kwa muntu wafyamika wa mu muchima, kyo kivwalo kibula kubola, ye muchima wa bukimote ne wazhindama, ye wa buneme ku meso a Lesa.

1 Petelo 4:2

Amba pano mu bimye byenu bya bumi byashalaako bya mu mubiji kechi mukisakenga bya lwiso lwa buntunshi ne, poso kulondela kyaswa muchima wa Lesa.

1 Yoano 3:2

Anweba batemwe, pano twi baana ba Lesa, kabiji kikyangye kumwekesha byo tukekala. Bino twayuka namba byo akamweka Aye, tukapashang'ana nanji, mambo tukamumona byonka byo aji.

Lumwekesho 2:17

“Aye uji na matwi, omvwe byamba Mupashi ku bipwilo. Kwi aye ushinda, nkamupapo manna afyamika. Kabiji nkamupa jibwe jitoka, panembwa jizhina jipya, jo babula kuyuka bonse kana yenkaye wijitambula.”