Kolose 3:25 - KNTP

²⁵ Mambo aye uba kyatama ukatambwila monka mu kyatama kyanji kyo aubile, kabiji kechi kuji kutala ku bilungi ne.

Kolose 3:25 Iomraidhean Croise

Mateo 16:27

Mambo Mwana Muntu ukeya mu lukumo lwa ba Shanji na bamalaika banji, po po akafweta muntu yense monka mwayila mingilo yanji.

Luka 20:21

Byonkabyo abo bamwipwizhe amba, “Mufunjishi, twayuka byo mwamba ne kufunjisha byaoloka, kabiji kechi mutala ku kilungi kya muntu ne, pakuba kine mufunjisha jishinda ja Lesa.

Byubilo 10:34

Ponkapo Petelo watatwile kwamba amba, “Kine pano nayuka namba aye Lesa kechi utala ku bilungi bya bantu ne.

Loma 2:11

Mambo Lesa kechi utala ku bilungi bya bantu ne.

2 kolinda 5:10

Mambo atweba bonse tukamweka konka ku kipona kya kije kya Kilishitu, amba bonse pa muntu pa muntu, tukatambule mfweto ya bintu bya mu mibiji, monka mo twaubijile, nangwa byawama nangwa byatama.

Efisesa 6:8

Byo mwayuka amba, byonse byawama byuba muntu, byo byonka byo akatambula kwi Nkambo, nangwa ye muzha, nangwa ye mwana bene.

Efisesa 6:9

Kabiji anweba bankambo yabo, bobilai byonkabyo, mutekanye ne kwibapingila ne. Byo mwayuka amba, Nkambo wa bonse, ne wabo ne wenu pamo, uji mwiulu, kabiji aye kechi utala ku bilungi bya bantu ne.

Kolose 4:1

Anweba bankambo yaabo, mwibobile ba kalume benu kyonka kyaoloka ne kya esakana. Byo mwayuka amba, ne anweba muji na Nkambo yenu mwiulu.

Tesalonika 4:6

Kabiji kechi pekale muntu nangwa umo, azhilulule muzhilo ne kumuba bibi mulongo wanji mu ano mambo ne. Mambo aye Nkambo ye ushinkanya mu bino bintu byonse, byonka byo twimujimwine ne kwimubujisha.

2 Tesalonika 1:6

Mambo kyo kyaoloka kwi Lesa kwibalubwila bya malwa aba bemumwesha malwa,

Filemonyi 1:18

Pakuba umvwe aye wimubile kyatama, nangwa wakongwele kintu nangwa kya byepi, munembelemo amiwa.

Bahebelu 2:2

Pakuba mambo o baambile bamalaika ajinga akine, ne mizhilulwila yonse nangwa milengulwila yatambwile mfweto yafwainwa.

1 Petelo 1:17

Kabiji umvwe mumwita aye amba Taata, yenkaye ukebachibila mambo bonse monka mwayila mingilo yabo kwakubula kutala ku kilungi kya muntu ne, ikalai na kwakamwa mu bimye byo mwa kikala bwenyi pano pantanda.

Yuda 1:16

Bano bo bantu banyinyita, ne kutamauka, kasa balondela monka mu bya lwiso lwabo, ne tunwa twabo kasa twamba byambo bikatampe bya kwitota, ne kwamba bya mulambisha ku bantu amba bamwenemo.