Kolose 3:17 - KNTP

¹⁷ Kabiji byonse byo muuba, nangwa byo mwamba, byubai mu jizhina ja Nkambo Yesu, kasa musanta kwi Lesa Taata monka mwi aye.

Kolose 3:17 Iomraidhean Croise

Mateo 28:19

Onkao mambo yainga na kulenga baana babwanga muba mikoka yonse ya bantu, muke babatizhenga mu jizhina ja Taata ne ja Mwana ne ja Mupashi Wazhila,

Byubilo 19:17

Ne bino byayukanyikilwe ku bonse, ne ku Bayudea ne ku Bagiliki baikajilenga mu Efisesa. Kabiji moyo wibakwachile bonse, ne jizhina ja Nkambo Yesu jatumbalele.

Byubilo 4:30

Mutanyike kuboko kwenu ne kwibabuka bantu, kabiji ne biyukilo ne bya kukumya byubiwe mu jizhina ja wamwingilo wenu wazhila Yesu.”

Loma 1:8

Patanshi, napika sante kwi Lesa wami mwi Yesu Kilishitu na mambo a anweba bonse, mambo lwitabilo lwenu lwaya nkuwa pano pantanda ponse.

1 Kolinda 10:31

Byonkabyo nangwa muja, nangwa mutoma, nangwa muuba kya byepi, byonse kasa mwibyubila lukumo lwa Lesa.

Efisesa 1:17

namba Lesa wa Nkambo yetu Yesu Kilishitu, Shanja lukumo, emupe Mupashi wa maana ne wa lumwekesho lwa kumuyukisha aye mwine.

Efisesa 5:20

Kasa mwibisanchila byonse moba onse mu jizhina ja Nkambo yetu Yesu Kilishitu kwi Lesa Taata.

Filipai 1:11

Bwikalo bwenu buyule bipangwa bya bololoke bifuma kwi Yesu Kilishitu mukuleeta lukumo ne lutotelo kwi Lesa.

Filipai 2:11

Ne majimi onse aketabe amba Yesu Kilishitu ye Nkambo, mu kumuletela lukumo Lesa Taata.

Kolose 1:12

Kasa musanta kwi aye Taata, ye witwalwile ke bantu bafwainwa kutambula bya mu buswanyi bwa bazhijikwa bwa mu kyeya.

Kolose 2:7

Kasa mwatabilamo ne kushimikwa monka mwi Aye, ne kukoselamo mu lwitabilo lwenu, monka mo bemufunjishishe. Kasa muvuzha kusanta.

Kolose 3:15

Kabiji lekai mutende wa Kilishitu ekale wa kwimulama mu michima yenu; ye ye mwaichilwa mu mubiji umo. Kabiji ikalai na michima ya kusanta.

Kolose 3:23

Byonse byo muuba, byubai na muchima yense, nobe kwi Nkambo kechi ku bantu ne.

Tesalonika 1:1

Paulo, ne Silivanusa ne Timoti. Ku kipwilo kya bena Tesalonika kya mwi Lesa Taata ne mwi Nkambo Yesu Kilishitu. Bupe ne mutende bikale ne anweba.

Tesalonika 5:18

mu byonse santai, kyo kyaswa muchima wa Lesa mwi Kilishitu Yesu kwi anweba.

2 Tesalonika 2:17

akoseshe michima yenu ne kwiikajika mu mingilo yonse yawama ne mu byambo byonse byawama.

Bahebelu 1:5

Mambo ng'anyi malaika ye a ambijile nangwa jimotu amba, “Obewa wi Mwanami; ja lelo jino jo nakusema?” Kabiji nangwa amba, “Amiwa nkekala ke Shanji, ne aye ukekala ke Mwanami?”

Bahebelu 13:15

Monka mwi aye tuletenga kitapisho kya kutota Lesa moba onse, kokuuba amba bipangwa bya pa byatunwa byetu bitaba jizhina janji.

1 Petelo 2:5

Kabiji ne anweba pamo nobe mabwe omi, mubena kushimikwa ke nzubo ya bumupashi amba, mwikale bung'anga bwazhila, bwa kulambula bitapisho bya bumupashi, byaitabilwa kwi Lesa mwi Yesu Kilishitu.

1 Petelo 2:9

Pakuba anweba mwi kisemi kyasalululwa, mwi ba bung'anga bwa bufumu, mwi mukoka wazhila, mwi bantu banonkwa kwi Lesa mwine amba, mulondolole byanji bya wamisha, yenka aye wimwichile kufuma mu mfishi kwiya mu kyeya kyanji kya ku kumya.

1 Petelo 4:11

Awa wamba, ambe kyafwainwa byambo bya Lesa; awa wingila engile na bulume boapana Lesa, amba mu byonse aye Lesa atumbijikilwe monka mwi Yesu Kilishitu, kwi aye kwikale lukumo ne bulume myaka ne myaka. Amena.

1 Yoano 2:23

Mambo bonse bakana Mwana bakana ne Taata; abo bamwitabila Mwana baji ne Taata pamo.

1 Yoano 3:18

Anweba twana, kechi tutemwetu na byambo byonka ne, nangwa na lujimi yenka ine, kana mu byubilo ne mu bukine.