Kolose 3:16 - KNTP

¹⁶ Lekai mambo a Kilishitu ekajishetu avula mwi anweba. Mu maana onse kasa mwifunjisha anweba bene na bene na masalamo ne nyimbo ya kutota ne nyimbo ya bumupashi, kasa musanta mu michima yenu kwi Lesa.

Kolose 3:16 Iomraidhean Croise

Mateo 26:30

Kabiji byo baimbile lwimbo, balupukile ke baye ku Mutumba wa olivi.

Luka 2:51

Ponkapo aye wayile naabo ne kufika wafikile ku Nazala kasa ebanekenena. Ne inanji wibilamine bino bintu byonse mu muchima wanji.

Yoano 15:7

Inge mwaikala mwi amiwa, ne byambo byami byaikala mwi anweba, lombai kyo musaka nangwa ki ka, kabiji kikemubilwa.

Loma 10:17

Byonkabyo lwitabilo lwiya pakumvwa, kabiji kumvwa nako kwiya na byambo bya Kilishitu.

Loma 15:14

Anweba bakwetu, ne amiwa mwine muchina wami wimuketekela bulongo namba, ne anweba bene mwayula byawama, mwayuzhiwa na maana onse, ne kuyuka mwayuka kwifunda anweba bene na bene.

1 Kolinda 14:15

Nanchi ngube byepi? Nkalomba na mupashi, bino nkalomba na maana, nkemba na mupashi, bino nkemba na maana.

1 Kolinda 14:26

Balongo bami, nanchi tusa kwamba amba ka? Byo mupwila pamo, umo uji na lwimbo, mukwabo uji na lufunjisho, ne mukwabo uji na lumwekesho, mukwabo naye wamba mu njimi, kabiji mukwabo uji na kya kulumbulula byambo. Byonse byubiwe mu kwikomesha.

Efisesa 1:17

namba Lesa wa Nkambo yetu Yesu Kilishitu, Shanja lukumo, emupe Mupashi wa maana ne wa lumwekesho lwa kumuyukisha aye mwine.

Efisesa 5:17

Onkao mambo kechi mwikale bakosama ne, yukai mwayila kyaswa muchima wa Nkambo.

Efisesa 5:19

Kasa mwisamba anweba bene na bene mu masalamo ne nyimbo ya kutota ne nyimbo ya bumupashi, ne kwimba ne kuuba kimenge na muchima yense kwi aye Nkambo.

Efisesa 5:26

Amba ekizhijike, byo ekitokesha pa kwikyovwa na mema a mu byambo,

Kolose 1:28

Byonkabyo tusapwila mambo a Kilishitu, kasa tufunda bantu bonse mu maana onse. Namba tufikizhe bantu bonse kasa balumbuluka mwi Kilishitu.

Kolose 1:9

Na onkao mambo ne atweba kufuma ku joja juba jo twikyumvwine, kechi tuzhikilwa kwimulombelela ne. Twimulombelela namba muyulwe na maana a kuyukisha kyaswa muchima wa Lesa mu maana onse ne milangwe ya bumupashi.

Kolose 4:6

Byambo byenu bikale na bupe moba onse, byalungwa na mukele, muyuke mwafwainwa kwibakumbwila bonse, pa muntu pa muntu.

Tesalonika 1:8

Mambo konka kwi anweba mambo a Nkambo aya nkuwa, kechi mu Makedonya ne mu Akaya monkatu ne, pakuba lwitabilo lwenu lwa mwi Lesa lwakumbana monse monse. Onkao mambo kechi tuji na bya kwamba ne.

Tesalonika 4:18

Onkao mambo ikoseshainga anweba bene na bene na bino byambo.

2 Tesalonika 3:15

Bino kechi mu mumone nobe mulwanyi ne, poso kumufunda byafwainwa mulongo wetu.

1 Timoti 6:17

Banonshi wibakambizhe amba, kechi bekale na michima ya kwitumbijika ne, nangwa kubiika luketekelo lwabo mu bunonshi bwa pano pantanda ne, kana mwi Lesa, ye witupa bintu byavujisha bya kusekelamo.

2 Timoti 3:15

ne byo wayukile kufuma ne ku bwanyike bobe binembelo byazhila byakonsha kukupa maana a kumona lupulukilo lwa mu lwitabilo luji mwi Kilishitu Yesu.

Titusa 3:6

Ye etwitulwijile wavula mwi Yesu Kilishitu Mupulushi wetu,

Yakoba 1:5

Umvwe mwi anweba muji umo wabula maana epuzhe Lesa, kabiji ukapewao mambo Lesa upana ku bonse kwakubula kushintauka.

Yakoba 3:17

Pakuba maana afuma mwiulu, patanshi oa wamishatu, kabiji oa mutende, oa kooka, oa peela kusanshijilwa, oa yula lusa ne bipangwa byawama, oa bula misalululo, oa bula bujimbijimbi.

Yakoba 5:13

Kabiji umvwe mwi anweba muji umo wamanama, alombe. Umvwe muji umo wasangalala, embe ya kutota.

1 Yoano 2:14

Mbena kwimunembela anweba, bashaabo, mambo mwamuyuka wa ku ntendekelo. Mbena kwi munembela anweba, bansongwalume, mambo mwakosa, ne mambo a Lesa aikala mwi anweba, ne anweba mwamushinda aye mubi.

1 Yoano 2:24

Onkao mambo lekai akya kyo mwaumvwine kufuma mu ntendekelo kikale mwi anweba. Akya kyo mwaumvwine umvwe kyaikala mwi anweba, ne anweba mukekala mwi aye Mwana ne mwi Taata.

1 Yoano 2:27

Pakuba akwa kushingwa ko mwatambwile kwi Aye kwaikala mwi anweba, kabiji anweba kechi musaka nangwa umo kwi mufunjisha ne. Bino akwa kushingwa byo kubena kwi mufunjisha mu byonse amba byo bya kine kabiji kechi muji bubela ne, byonka byo kwi mufunjisha. Ikalai mwi Aye.

2 Yoano 1:2

na mambo a bukine bonka bwaikala mwi atweba, kabiji bukekalanga mwi atweba myaka yonse.

Lumwekesho 14:3

Kabiji baimbilenga lwimbo mupya ku meso a jitanda, ne ku meso a aba bomi bana ne aba bakulumpe, kafwako muntu nangwa umo wakonsheshe kufunda awa lwimbo ne poso aba ba 144,000, bakujilwe pano pantanda.

Lumwekesho 15:3

Kabiji ke bembe lwimbo wa Mosesa kalume wa Lesa, ne lwimbo wa Mwana Mukooko amba, “Anweba Nkambo Lesa, wa bulume bonse, mingilo yenu yo ikatampe ne ya kukumya! Anweba Mfumu wa mikoka yonse, mashinda enu aoloka kabiji a kine.

Lumwekesho 19:10

Ponkapo naponene panshi ku maulu anji, namba namupopwele, bino aye wang'ambijile amba, “Kileke! Amiwa ne mukwenu wa mu mwingilo umo pamo na bakwenu balama bukamonyi bwa Yesu. Popwela Lesa!” Mambo bungauzhi bwa Lesa bwaimena pa kusolola bukamonyi bwa Yesu.

Lumwekesho 5:9

Kabiji baimbile lwimbo mupya amba. “Anweba yenu mwafwainwa kutambula buku ne kushinkula tuteetesho tujipo. Mambo anweba mwaipayilwe, kabiji mwamupotejile Lesa na mashi enu bantu ba mu bisaka byonse, ne ba mu njimi yonse, ne ba mu mitundu yonse, ne ba mu mikoka yonse.