Kolose 3:15 - KNTP

¹⁵ Kabiji lekai mutende wa Kilishitu ekale wa kwimulama mu michima yenu; ye ye mwaichilwa mu mubiji umo. Kabiji ikalai na michima ya kusanta.

Kolose 3:15 Iomraidhean Croise

Yoano 14:27

“Nemushiila mutende, nemupa mutende wami. Kechi mpana byo bapana ba pano pantanda ne. Michima yenu kechi ilukute ne, nangwa kuuba moyo ne.”

Yoano 16:33

“Bino bintu nemwambila namba mumwene mutende mwi amiwa. Pano pantanda kumanama ko kwenu. Byonkabyo koseshai michima yenu, amiwa nepashinda pano pantanda.”

Loma 1:21

Mambo pa kumuyuka Lesa, kechi bamutumbijikile bu Lesa ne, nangwa kupika sante ne; kabiji ba alukile ke batu mu milanguluko yabo, ne michima yabo yabula maana yafichile.

Loma 14:17

Mambo bufumu bwa Lesa kechi buji mu bya kuja nangwa mu bya kutoma ne, poso mu bololoke ne mutende ne lusekelo mwi aye Mupashi Wazhila.

Loma 15:13

Kabiji aye Lesa nsulo ya luketekelo, emuyuzhe na lusekelo lonse ne mutende pa kwitabila, amba luketekelo lwenu luyenga na kukomenako, monka mu bulume bwa Mupashi Wazhila.

Loma 5:1

Onkao mambo byo twabingishiwa ku lwitabilo, tuji na mutende na mwine Lesa monka mwi Nkambo yetu Yesu Kilishitu.

1 Kolinda 10:17

Bino shinkwa byo aji umotu, atweba nangwa twavula, twi mubiji umo, mambo bonse tuja ku shinkwa umo.

1 Kolinda 7:15

Pakuba umvwe wabula kwitabila wasaka amba babane, kikale byonkabyo. Aye mulongo wetu nangwa nyenga yetu kechi wakaswa mu mambo a byonkabyo ne. Mambo Lesa wimwiita amba mwikale mu mutende.

2 kolinda 4:15

Mambo bintu byonse bimubilwa anweba, amba bupe pa kuvula mu baavula, buvuzhe sante mukuleeta lukumo kwi Lesa.

2 kolinda 9:11

Ne anweba mukekala na byavula mu bintu byonse, mwikale na bupanyi bonse, bo bukavuzha sante kwi Lesa mu mingilo yetu.

Efisesa 4:16

Mwi aye mubiji yense, wanungankana pamo ne kusambakana ke umo konka ku abya bipaana manungi onse. Pa kwingila bulongo byonse pa kintu pa kintu, mubiji wikomesha mwine monka mu butemwe.

Efisesa 4:4

Kuji mubiji umo ne Mupashi umo, byonka byo mwaichilwe mu luketekelo lumo lwa lwito lwenu.

Efisesa 5:1

Byonkabyo ikalai balondela Lesa, byafwainwa baana boatemwa.

Efisesa 5:20

Kasa mwibisanchila byonse moba onse mu jizhina ja Nkambo yetu Yesu Kilishitu kwi Lesa Taata.

Kolose 1:12

Kasa musanta kwi aye Taata, ye witwalwile ke bantu bafwainwa kutambula bya mu buswanyi bwa bazhijikwa bwa mu kyeya.

Kolose 2:7

Kasa mwatabilamo ne kushimikwa monka mwi Aye, ne kukoselamo mu lwitabilo lwenu, monka mo bemufunjishishe. Kasa muvuzha kusanta.

Kolose 3:17

Kabiji byonse byo muuba, nangwa byo mwamba, byubai mu jizhina ja Nkambo Yesu, kasa musanta kwi Lesa Taata monka mwi aye.

Tesalonika 5:18

mu byonse santai, kyo kyaswa muchima wa Lesa mwi Kilishitu Yesu kwi anweba.

1 Timoti 2:1

Byonkabyo patanshi, na kusashijila namba, misashijilo, ne milombelo, ne mapeesho, ne misanchilo, bibobilwe bantu bonse;

1 Timoti 6:12

Lwanga bulwi bwawama bwa lwitabilo. Kwachisha ku bumi bwa myaka, ko ko waichijilwe, byo wisolwele kwisolola kwawama ku meso a batumonyi bavula.

Bahebelu 13:15

Monka mwi aye tuletenga kitapisho kya kutota Lesa moba onse, kokuuba amba bipangwa bya pa byatunwa byetu bitaba jizhina janji.

Lumwekesho 7:12

amba, “Amena! Lutakaiko, ne lukumo, ne maana, ne sante, ne buneme, ne bulume, ne bulobo, bikale kwi Lesa wetu myaka ne myaka! Amena!”