Kolose 3:14 - KNTP

¹⁴ Kabiji kyakila pa bino byonse vwalai butemwe, ye mukwato ulumbulula byonse.

Kolose 3:14 Iomraidhean Croise

Yoano 13:34

Mukambizho mupya ye nemupa anweba, namba mwitemwe anweba bene na bene, byonka byo nemutemwa amiwa, ne anweba mwitemwe anweba bene na bene.

Yoano 15:12

Uno ye mukambizho wami, namba mwitemwe anweba bene na bene, byonka byo nemutemwa amiwa.

Yoano 17:23

Amiwa monka mwi abo, ne anweba mwi amiwa, namba balumbuluke ke umo, namba ba pano pantanda bayuke amba, yenu mwantumine, ne kwibatemwa abo byonka byo mwantemwa amiwa.

Loma 13:8

Kechi mwikale na kikoloto nangwa kya muntu umotu ne, poso kwitemwa anweba bene na bene, mambo awa watemwa mukwabo ye wafikizha Mizhilo.

Efisesa 1:4

Monka mo etusalulwijile mwi aye pano pantanda kasa pakyangye kulengwa, amba twikale bazhila, babula bulema ku meso anji, mu butemwe bwanji.

Efisesa 4:3

Ne kuteshako muchima kulama bu muchima umo wa Mupashi mu lufungwa wa mutende.

Efisesa 5:2

Ne kwenda monka mu butemwe, byonka byo etutemenwe Kilishitu, ne kwipana mwine na mambo a atweba, ke mulambo ne kitapisho kwi Lesa, bikale bwema bwawama.

Kolose 2:2

Namba michima yabo itundaikwe bulongo bakwatankane ke umo mu butemwe, kabiji bekale na bunonshi bonse bwa maana a kukwatankanya ne kuyukisha kyafyamika kya Lesa, ye Kilishitu.

Tesalonika 4:9

Pano na mambo a butemwe bwa kutemwa balongo kechi musake muntu emunembele ne. Mambo anweba bene mwafunjishiwa kwi Lesa kwitemwa anweba bene na bene.

1 Timoti 1:5

Uno mukambizho wayila mu butemwe bufuma mu muchima watoka, ne mu muchima ubula kwizhachisha, ne mu lwitabilo lwabula bujimbijimbi.

Bahebelu 6:1

Onkao mambo nanchi tuleke mafunjisho atanshi a pa bintu bya Kilishitu, tuyenga kulutwe tufike ku bukulumpe. Kechi twale jibiji kitendekesho kya lulapilo lwa ku mingilo ifu nangwa kya lwitabilo lwa kwi Lesa ne;

1 Petelo 4:8

Kyakila byonse itemwishai anweba bene na bene. Mambo butemwe buvweta pa mambo avula.

2 Petelo 1:7

ne mu kunemeka Lesa kwenu namo mu mwenemo butemwe bwa kutemwa balongo, ne mu butemwe bwa kutemwa balongo namo mu mwenemo butemwe bwa kutemwa bonse.

1 Yoano 3:10

Mukino mo mwayukanyikilwa baana ba Lesa, ne baana ba Diabola, bonse babula kuuba bololoke kechi bo bakwa Lesa ne, nangwa aye wabula kutemwa mulongo wanji ne.

1 Yoano 3:23

Kabiji uno ye mukambizho wanji, amba twitabile mu jizhina ja Mwananji Yesu Kilishitu, ne kwitemwa atweba bene na bene, byonka byo etu kambizha aye mwine.

1 Yoano 4:21

Kabiji uno ye mukambizho wafuma kwi aye, amba aye watemwa Lesa wafwainwa kutemwa ne mulongo wanji pamo.