Kolose 3:10 - KNTP

¹⁰ kabiji mwavwala bu muntu bupya, bo bubena kusangulwa ke bupya mu kumona maana monka mwayila kipasha kya yewa wibulengele.

Kolose 3:10 Iomraidhean Croise

Yoano 17:3

Kabiji buno bo bumi bwa myaka, amba bemuyuke anweba, Lesa yenka wa kine, ne Yesu Kilishitu ye mwatumine.

Loma 12:2

Kabiji kechi mwipashang'anyenga na ba pano pantanda ne, poso mwalulukenga ke bangi na kusangulwa kwa michima yenu, namba mukayukenga kyaswa muchima wa Lesa, akya kyawama ne kyaitabilwa ne kyalumbuluka.

Loma 13:12

Bufuku bwapita kala; ke buye na kukya. Nanchi tuvuule mingilo ya mu mfishi ne kuvwala bya nkondo bya mute.

Loma 13:14

Bino anweba vwalai Nkambo Yesu Kilishitu, kechi mwimwene jimo nangwa mucheche mwakuubila bya lwiso lwa buntunshi ne.

Loma 6:4

Byonkabyo twazhiikilwe nanji mu lufu monka mu lubatizhilo, amba byonka byo a sangwilwe Kilishitu mu bafu ku lukumo lwa Shanji, byonkabyo ne atweba twendenga mu bumi bupya.

Loma 8:29

Mambo abo boayukijile jimo, ibo bo atongwejile jimo amba bakapashang'ane pamo na Mwananji, aye aluuke ke mubeji mu balongo banji bavula.

2 kolinda 3:18

Pakuba atweba bonse, bilungi kasa byavwetulwa, kasa tumona lukumo lwa Nkambo nobe mu katajilo, tubena kwalulwa mu kipasha kimo kyonka ne aye mwine, kufuma mu lukumo lumo kufika ne mu lukumo lukwabo, monka mo lufumina kwi Nkambo Mupashi wa Lesa.

2 kolinda 4:16

Onkao mambo kechi tupungila ne. Pakuba nangwa bumuntu bwetu bwa mubiji bubena kuya na konaika, bumuntu bwetu bwa mukachi bubena kusangulwa pa juba pa juba.

2 kolinda 4:6

Mambo yenkaye Lesa wa ambile amba, “Kyeya kisamine mu mfishi!” Ye wasaamijile mu michima yetu, mu kupana kyeya kya maana a kuyuka lukumo lwa Lesa lwa mu kilungi kya Yesu Kilishitu.

2 kolinda 5:17

Onkao mambo umvwe muntu uji mwi Kilishitu, aye ke mulengwa mupya, bintu bya kala byapichijila, bya aluka ke bipya.

Ngalatiya 3:27

Mambo anweba bonse monka mo mwavujila mwabatizhilwe mwi Kilishitu, mwavwala Kilishitu.

Ngalatiya 6:15

Mambo mukanda yewatu. Nangwa kubulwa mukanda nako ko kwatu. Kana kulengwa kupya kyo kine kintu.

Efisesa 2:10

Mambo atweba twi ba mubusendwe bwanji, twalengwa mwi Kilishitu Yesu amba tukengilenga mingilo yawama, yo atongwejile jimo Lesa amba tukendenga monka.

Efisesa 2:15

Byo azhimang'enye na mubiji wanji mizhilo ya mikambizho ya mu byatongolwa amba, alengelemo mwi aye mwine aba babiji ke muntu umo mupya, aleete mutende.

Kolose 3:12

Onkao mambo byo muji basalululwa bakwa Lesa, bazhila, batemwe, vwalai bu muchima wanekena, ne lusa ne kwipelula ne bukimote ne kukooka muchima.

Kolose 3:14

Kabiji kyakila pa bino byonse vwalai butemwe, ye mukwato ulumbulula byonse.

Filemonyi 1:6

Nalomba namba kukwashang'ana kwa mu lwitabilo lwenu kwikale ke kwa kwibayukisha bantu byonse byawama byo tuji naabyo mwi Kilishitu.

Bahebelu 6:6

Kabiji umvwe ba pondoka! Kechi kyakosheka kwibabwezha jibiji ku lulapilo ne, mambo babena kumupopa pa musalabu jibiji Mwana Lesa, ne kumumwesha bumvu patoka.

1 Yoano 2:3

Kabiji monka muno mo twayukila namba twamuyuka, umvwe twalama mikambizho yanji.

1 Yoano 2:5

Pakuba awa ulama byambo byanji, kine mwi aye butemwe bwa Lesa bwalumbuluka. Monka muno motwayukila namba tuji mwi Kilishitu,

Lumwekesho 21:5

Ne aye waikala pa jitanda wa ambile amba, “Tala, na alula bintu byonse ke bipya!” Kabiji wa ambile amba, “Nemba bino, mambo byo byambo bya kishinka ne bya kine.”