Kolose 3:1 - KNTP

¹ Byo mwasangwilwe pamo ne Kilishitu, kebai biji mwiulu, monka muji Kilishitu kasa aikala ku kilujo kya Lesa.

Kolose 3:1 Iomraidhean Croise

Mateo 22:44

“Nkambo waambila Nkambo yami amba, ikala ku kilujo kyami, poso mbiike balwanyi bobe munshi ya maulu obe?”

Mateo 26:64

Kumvwa Yesu amba, “Wafikilapotu. Nanchi nemwambila namba, palutwe mukamona Mwana Muntu kasa aikala ku kilujo kya Bulume, kasa eya mu makumbi a mwiulu.”

Mateo 6:20

Kabiji itujilai nsabo mwiulu, mwabula bilongolo ne ndalabwa byonauna, ne bangivi kechi basaba mazubo ne kwiba ne.

Mateo 6:33

Nanchi kebeshai bufumu bwanji, ne bololoke bwanji; ne bino bintu byonse bikemubikilwapo.

Mako 12:36

Davida mwine, wa ambile na Mupashi Wazhila amba, “‘Nkambo wa ambijile Nkambo yami amba, Ikala ku kilujo kyami, Poso ngalule balwanyi bobe munshi ya maulu obe.’

Mako 14:62

Kumvwa Yesu amba, “Ye amiwa bano, kabiji mukamona Mwana Muntu kasa aikala ku kuboko kwa kilujo kwa Bulume, kasa eya mu makumbi a mwiulu!”

Mako 16:19

Byo apwishishe Nkambo Yesu kwamba naabo, watwajilwe mwiulu ne kwikala waikajile ku kilujo kya Lesa.

Luka 12:33

Kapoteshai byo muji naabyo, ne kupana ku balanda. Imwenai bafukuta babula kufwa, ne nsabo ya mwiulu ibula kupwa, mo mu bula kufika ngivi, nangwa kilongolo kechi kyonauna ne.

Luka 20:42

Mambo aye mwine Davida mu Buku wa Masalamo wa amba amba, “Nkambo wa ambijile Nkambo yami amba, Ikala ku kilujo kyami,

Luka 22:69

Pakuba kufuma pa kino kimye Mwana Muntu ukekala ku kuboko kwa kilujo kya bulume bwa Lesa.”

Byubilo 2:34

Mambo Davida kechi wakanjijile mwiulu ne, bino aye mwine wa ambile amba, “Nkambo wa ambijile Nkambo yami amba, ikala ku kilujo kyami

Byubilo 7:55

Pakuba aye, byo ayujile na Mupashi Wazhila, watajile mwiulu ne kumona lukumo lwa Lesa ne Yesu kasa aimana ku kilujo kya Lesa.

Loma 8:34

Ing'anyi uzhachisha? Ye Kilishitu Yesu wafwile, kabiji ye wasangwilwe mu bafu, ye waikala ku kilujo kya Lesa, na kwitulombelela.

Loma 8:6

Mambo kuta muchima ku buntunshi lo lufu; pakuba kuta muchima ku Mupashi bo bumi ne mutende.

2 kolinda 4:18

Byo tubula kutala ku bintu bimweka, kana ku bibula kumweka. Mambo bintu bimweka byo bya bimye byapelelela, pakuba abya bibula kumweka byo bya myaka.

Efisesa 4:10

Aye waikijile ye yenka wakanjijile kupitaila meulu onse, amba ayuzhe bintu byonse.

Efisesa 5:22

Anweba banabakazhi basongolwa, nekenenai bamwata wenu, nobe Nkambo.

Kolose 2:20

Byo mwafwile pamo ne Kilishitu ku bya bwanyike bya pano pantanda, mambo ka o mwakookela tumizhilo nobe mwi ba pano pantanda?

Kolose 3:2

Teshai michima yenu ku bintu biji mwiulu, kechi ku bintu biji pano pantanda ne.

Bahebelu 1:13

Lesa kechi wa ambilepo nangwa ku umo malaika wanji amba, “Ikala ku kilujo kyami poso ngalule balwanyi bobe ke kyakutulapo maulu obe”

Bahebelu 1:3

Mwanji ye kusaama kwa lukumo lwanji, ye kipasha kya musango wanji, kabiji ye ulama bintu byonse na jiwi ja bulume bwanji. Kabiji byo apwishishe kutokesha bubi bwa bantu, waikajile ku kuboko kwa kilujo kya Mwine Mfumu wa mwiulu.

Bahebelu 10:12

Bino Kilishitu byo alambwile kitapisho kimo kyonka kya bubi kya myaka, waikajile ku kilujo kya Lesa.

Bahebelu 12:2

Kasa tutala kwi Yesu, ntangi ne kalumbulula wa lwitabilo lwetu, ye wakosejilemo mu bya kumanama pa musalabu na mambo alusekelo lwamutujilwe kulutwe ne kutaako muchima ku bumvu ne, kabiji pano waikala konka ku kuboko kwa kilujo kya jitanda ja Lesa.

Bahebelu 8:1

Kine kintu kikatampe kyo tubena kwamba kyo kino amba atweba tuji na Ng'anga Mukatampe, umo waikala ku kilujo kya jitanda ja Mfumu wa mwiulu.

1 Petelo 3:22

Aye waya mwiulu, kabiji uji ku kilujo kya Lesa, ne bamalaika ne ba luusa, ne ba bulume kasa bamunekenena.