Kolose 2:9 - KNTP

⁹ Mambo mwi aye Kilishitu, mo mwaikala kuyula konse kwa Lesa monka mu mubiji wanji,

Kolose 2:9 Iomraidhean Croise

Mateo 1:23

“Talai! Muzhike wakishinka wabula kusambakanapo na mwanamulume ukemita jiimi, ukasema mwana wamulume, kabiji bakamutumba jizhina janji amba Emanuele.” (Kulumbulula, ko kuuba amba, “Lesa tuji nanji.”)

Luka 14:22

Ne kalume wamwambijile amba, ‘Nkambo, byo mwaji kunkambizha bya ubiwa kala, ne pano mpuzha koikiji.’

Luka 3:22

ne Mupashi Wazhila wa mwikijile mu musango wa mubiji wa bunkunda; ne jiwi jafumine mwiulu amba “Obewa yobe Mwanami ye natemwa, monamwena lusekelo.”

Yoano 1:14

Kabiji ao Mambo aalukile ke muntu, ne kwikala waikajilenga muno mwetu. Kabiji twamwene lukumo lwanji, lukumo nobe lwa yewa Mwana umo yenka wafuma kwi Shanji, kasa ayula bupe ne bukine.

Yoano 1:16

Pakuba mo mu kuyula kwanji mo twatambwijile atweba bonse, bupe pa bupe bukwabo.

Yoano 10:30

Amiwa ne bataata twi umo.”

Yoano 10:38

Kabiji inge neyuba nangwa kechi mwangitabila amiwa ne, nanchi itabilaiko mingilo yami, namba muyukishetu amba, bataata baji mwi amiwa, ne amiwa nji mwi bataata.”

Yoano 14:20

“Mu joja juba anweba mukayuka byo nji mwi bataata, ne anweba mwi amiwa, ne amiwa monka mwi anweba.”

Yoano 17:21

Namba bonse bekale ke umo. Taata! Byo muji mwi amiwa ne amiwa mwi anweba, byonkabyo ne abo nabo bekale mwi atweba, namba ba pano pantanda betabile amba, anweba yenu mwantumine.

Yoano 2:21

Nanchi aye watongwelenga nzubo yazhila ya mubiji wanji.

Byubilo 17:29

Byonkabyo byo tuji ba mukisemi kya Lesa, kechi twafwainwa kulanguluka amba, bu Lesa bwapashang'ana na ngolode, nangwa na siliva, nangwa na jibwe, byo basonga na busendwe ne maana a bu muntu ne.

2 kolinda 5:19

Ko kuuba amba, Lesa wapwaine na ba pano pantanda mwi Kilishitu ne aye mwine, ne kwibatelela mizhilulwila yabo ne, kabiji wafikizhe byambo bya lupwaino kwi atweba.

Kolose 1:19

Mambo kyamutokejile Shanji ku muchima amba kuyula konse kwa Lesa kwaikala monka mwi Kilishitu.

1 Timoti 3:16

Kabiji kyaitabilwatu amba, kyafyamika kya mu kunemeka Lesa kwetu kyo kikatampe. Aye wamwekele mu bumuntu, Walumbulwilwe amba waoloka mu Mupashi, bamumwene ku bamalaika. Wasapwijilwe mu mikoka ya bantu, waitabilwe pano pantanda, kabiji watambwilwe mwiulu mu lukumo.

Titusa 2:13

Kasa tutengela alwa luketekelo lwa lusekelo, ko kumweka kwa lukumo lwa Lesa mukatampe, ne Mupulushi wetu Yesu Kilishitu.

1 Yoano 5:20

Kabiji twayuka namba Mwana Lesa waiya kabiji witupa maana a kumuyuka Aye wa kine, ne atweba tuji mwi Aye wa kine, monka mwi aye Mwananji Yesu Kilishitu. Uno ye Lesa wa kine, kabiji buno bo bumi bwa myaka.

1 Yoano 5:7

Mambo kuji bisatu bishimuna;