Kolose 2:8 - KNTP

⁸ Jimukai kuchiina amba, bakemukwata buzha ku muntu nangwa umo na buntemwa maana bwanji, monka mwayila lufunjisho lwatu lwa bantutu, mwayila bya bwanyike bya pano pantanda, kechi mwayila Kilishitu ne.

Kolose 2:8 Iomraidhean Croise

Mateo 10:17

Kabiji jimukai na bantu, mambo bakemufikizha ku bije, ne kwimututaula mu mashinagoga.

Mateo 16:6

Kepo Yesu ebambijile amba, “Tekanyai, kabiji jimukai ku mbizho ya Bafaliseo ne ya Basadusea.”

Mateo 7:15

“Jimukai ku bangauzhi ba bubela, beya ko muji mu biseba bya mikooko, kabiji munda mwabo bo bamisuka bakaji.

Byubilo 17:18

Kabiji bamo bena Epikyulya ne bena Sitoiki batemwa maana, basambakene nanji. Kabiji bamo ba ambile amba, “Uno kyabauki ambe ka?” Bakwabo amba, “Wauba nobe usapwila balesa bangi.” Mambo aye wasapwijilenga Mambo Awama a Yesu ne lusanguko lwa bafu.

Byubilo 17:32

Kabiji byo ba umvwine mambo a lusanguko lwa mu bafu, bamo kebamuseke mwenga, kabiji bakwabo amba, “Twasaka kumvwa ne jikwabo ano mambo.”

Loma 16:17

Anweba bakwetu, ne musashijila namba, batajishai aba baleeta lwabano ne bintu byabula kwesakana na mafunjisho o mwafunjile; mwabane naabo.

1 Kolinda 10:12

Onkao mambo awa ulanguluka amba naimana ajimuke, kuchiina amba wakapona.

1 Kolinda 8:9

Jimukai kuchiina amba, luusa lwenu lwakebatuntwisha banekena.

2 kolinda 10:5

mambo tukundula milanguluko ingi, ne byonse byalepa byaimikwa mu kukanya maana a Lesa, kasa tuleeta milanguluko yonse mu buzha bwa kukookela Kilishitu.

Ngalatiya 1:14

Kabiji mu kupandawila kwa Bayudea amiwa ne bakijile bakwetu bavula bona esakene naabo bamu mukoka wetu, byo naubishetu mukoyo wa ku bisela bya bashakulu betu.

Ngalatiya 4:3

Po pamo ne atweba byo twakijinga banyike, twajinga mu buzha bwa mu bya bwanyike bya pano pantanda.

Ngalatiya 4:9

Pakuba pano byo mwamuyuka Lesa, nangwa amba byo mwayukanyikwa kwi Lesa, mwalulukile byepi jibiji ku bya bwanyike byabula buneme ne byatu, ne kusaka kwikala mu buzha bwabyo jibiji?

Ngalatiya 5:15

Pakuba umvwe mubena kwikozha ne kwiuba byatama, jimukai kuchiina amba mwakeonauna anweba bene na bene.

Efisesa 2:2

Mo mwaendelenga kala monka mwayila musango wa pano pantanda, monka mo asakila mfumu wa baluusa lwa mu mwela, ye mupashi wingila ne pano mu baana bamilengulwila.

Efisesa 4:20

Pakuba anweba kechi mwafunjile Kilishitu byonkabyo ne.

Efisesa 5:6

Kechi muleke muntu emujimbaike na byambo byatu ne, mambo na mambo a byonka bino bintu bukaji bwa Lesa bukebafikila bantu bamilengulwila.

Filipai 3:2

Jimukai ku aba bakabwa, jimukai kwi abo boba bibi, jimukai na boba bachiba byendelwa.

Kolose 2:18

Kechi muleke muntu emulengeshe kubulwa mpasela ne, na mambo a kwipelula kwanji ne kupopwela bamalaika. Kasa akoselapotu pa bimwesho byo amwene, ne kwilundumika na muchima wanji wa buntunshi

Kolose 2:20

Byo mwafwile pamo ne Kilishitu ku bya bwanyike bya pano pantanda, mambo ka o mwakookela tumizhilo nobe mwi ba pano pantanda?

Kolose 2:22

Abya bintu byonse byonaika pa kwingila naabyo; monka mwayila mizhilo ne mafunjisho a bumuntu.

Kolose 2:23

Bya byonkabyo kine, bimweka nobe bya maana mu kupopwela kwa kwitongwela bene mu kwipelula, ne mu kukatazhatu mubiji, abino bintu byo byatu kechi bikanya bya lwiso lwa buntunshi ne.

1 Timoti 6:20

Kine obewa Timoti, lama akya kyo wapelwe; vundamina ku bya kyambeambe byatu, ne ku lupata lwa ao o bateela mu bubela amba, “maana.”

2 Timoti 3:13

Kabiji bantu baatama ne ba bujimbijimbi bakayangatu na kutama, kasa bajimbaika ne kujimbaikwa.

Bahebelu 13:9

Kechi mutwalwe mungi ku mafunjisho a misango ne misango ne. Mambo kyo kintu kyawama amba muchima bamukoseshe na bupe, kechi na bya kuja ne; mambo abo bateele michima monka kechi bamwenejilemo kintu ne.

Bahebelu 3:12

Anweba bakwetu jimukai, kuchiina amba mwi anweba mwakekala nangwa mu umo uji na muchima mubi wamilengulwila, wa kupondoka kwi Lesa mumi.

1 Petelo 1:18

Byo mwayuka amba, mwakuujilwe ku bwikalo bwenu buncha bo mwatambwile ku bashakulu benu, kechi na bintu bibola pamo nobe siliva ne ngolode ne,

2 Petelo 3:17

Onkao mambo, anweba batemwe, byo mwayukila jimo bino bintu jimukai, mwakatwalwa mungi na mafunjisho angi a bampupabizhila ne kufuma pomwaina pa kosa.

2 Yoano 1:8

Kasa mwikenkenta anweba bene, kuchiina amba mwakataya abya bintu byotwaingijile, mukatambule mfweto yonse.