Kolose 2:7 - KNTP

⁷ Kasa mwatabilamo ne kushimikwa monka mwi Aye, ne kukoselamo mu lwitabilo lwenu, monka mo bemufunjishishe. Kasa muvuzha kusanta.

Kolose 2:7 Iomraidhean Croise

Luka 6:48

Wapashang'ana na muntu ushimika nzubo, wapoyile mwazhika ne kwala kitendekesho pa jibwe. Ne muyulo byo aishile, ne mikwe yapomokele ku yoya nzubo ne kukonsha kwiisunkenya ne, mambo yashimikilwe bulongo.

Loma 16:25

Pano kwi aye wakonsha kwimukosesha monka mwayila Mambo ami Awama ne kusapwila kwa Yesu Kilishitu, mwayila lumwekesho lwa akya kyafyamikile myaka ya kala.

1 Kolinda 1:8

Ye ukemukosesha kufika ne kumpelo, amba mukekale ba kubula mambo mu juba ja Nkambo yetu Yesu Kilishitu.

1 Kolinda 15:58

Onkao mambo, balongo bami batemwe, ikalai bashikamatu, kutelengela ne, kasa mukelwa kwingila kyakosa mwingilo wa Nkambo, byo mwayuka amba, mwingilo wetu wa mwi Nkambo kechi ye watu ne.

2 kolinda 1:21

Pano aye Lesa ye witwikajika bonse, atweba ne anweba mwi Kilishitu. Kabiji aye Lesa ye witushinga manyi,

Efisesa 3:17

namba Kilishitu ekale monka mu michima yenu na lwitabilo. Pa kutabilamo ne kushimikwa ponka pa butemwe bwa Lesa,

Efisesa 4:21

Inge kine iye ye mwaumvwine, ne kufunjishiwa mwi aye, monka mwayila bukine buji mwi Yesu.

Efisesa 5:20

Kasa mwibisanchila byonse moba onse mu jizhina ja Nkambo yetu Yesu Kilishitu kwi Lesa Taata.

Kolose 1:23

Umvwe kine mukelwe mu lwitabilo, ne kwikajikwa pa kosa ne kushikamatu ponka, ne kubula kufumapo pa luketekelo lwa Mambo Awama o mwaumvwine. O asapwijilwe mu bantu bonse ba pano panshi. O naikajile ke wa kwiengijila amiwa Paulo.

Kolose 3:17

Kabiji byonse byo muuba, nangwa byo mwamba, byubai mu jizhina ja Nkambo Yesu, kasa musanta kwi Lesa Taata monka mwi aye.

Tesalonika 5:18

mu byonse santai, kyo kyaswa muchima wa Lesa mwi Kilishitu Yesu kwi anweba.

2 Tesalonika 2:17

akoseshe michima yenu ne kwiikajika mu mingilo yonse yawama ne mu byambo byonse byawama.

Bahebelu 13:15

Monka mwi aye tuletenga kitapisho kya kutota Lesa moba onse, kokuuba amba bipangwa bya pa byatunwa byetu bitaba jizhina janji.

Bahebelu 13:9

Kechi mutwalwe mungi ku mafunjisho a misango ne misango ne. Mambo kyo kintu kyawama amba muchima bamukoseshe na bupe, kechi na bya kuja ne; mambo abo bateele michima monka kechi bamwenejilemo kintu ne.

1 Petelo 5:10

Kabiji aye Lesa wa bupe bonse, yenkaye wimwichile mwi Kilishitu ku lukumo lwanji lwa myaka, pakupwa kumanama ka kimye kacheche aye mwine ukemulumbulula, ne kwimwikajika ne kwimukosesha.

Yuda 1:12

Bano bantu yo mikunko yafyamika mu bijiilo byenu bya butemwe byo baja nenu, bo basaka kwijiisha bene kwakubula bumvu, o makumbi abula mema, atwalwa na mwela, byo bichi bya kisalo byabula bipangwa, byaumishatu, byazhujika ne mizhazhi.

Yuda 1:20

Pakuba anweba batemwe, kasa mwikomesha anweba bene mu lwitabilo lwenu lwazhila. Ne kulomba na Mupashi Wazhila,

Yuda 1:24

Pano kwi aye wakonsha kwimulama ne kwimukanya kwituntula, ne kwimwikazha monka mu kyenyi kya lukumo lwanji, kwa kubula bulema, monka mu lusekelo lukatampe.