Kolose 2:4 - KNTP

⁴ Nemwambila kino mambo a kuuba amba, kafwako nangwa umo emujimbaike na byambo bya mulambisha ne.

Kolose 2:4 Iomraidhean Croise

Mateo 24:24

Mambo kukamweka ba kilishitu ba bubela, ne bangauzhi ba bubela, kabiji bakamwesha biyukilo bikatampe ne bya kukumya, mu kwibatwala mungi basalululwa, umvwe kyakonsheka kuubiwa.

Mateo 24:4

Kumvwa Yesu amba, “Jimukai kuchiina amba nangwa umo wakemutwala mungi.

Mako 13:22

Mambo kukamweka ba kilishitu ba bubela ne bangauzhi ba bubela. Kabiji bakamwesha biyukilo ne bya kukumya, mu kwibatwala mungi basalululwa, umvwe kyakonsheka kuubiwa.

Byubilo 20:30

Kabiji ne mwi anweba bene namo, mukemana bantu, bakambanga bintu byaluwankana, bya kwibakokamo baana babwanga amba bebalondele.

1 Kolinda 2:4

kabiji kwamba kwami ne kusapwila kwami kechi kwajinga mu byambo bya maana nangwa bya mulambisha ne, kwajinga mu kumweka kwa Mupashi wa Lesa ne mu bulume.

2 kolinda 11:3

Kabiji nachiina namba, nangwa na kya byepi, michima yenu yakabipishiwa ne kufuma kuyewa muchima umo ne wawama wata kwi Kilishitu, byonka byo amujimbaikile Evwa aye mulolo mu bujimuku bwanji.

Ngalatiya 2:4

bino kwajinga bamo basakile amba kyafwainwe kubiwa, balongo ba bubela batwelele kumbaji bonka befwanyikizhatu nobe balongo betu mwi Nkambo, mambo a kusakatu kumona byotwaikala mu bwana bwa bene botuji naabo mwi Kilishitu Yesu amba, betutwale mu buzha.

Efisesa 4:14

Amba kechi tukikale banyike ne, kasa tukumpaulwa ne kulelaulwa na luvula lonse lwa mafunjisho a bantu mu bujimuku bubi, bo bebajimukila bantu mu kwibatwala mungi.

Efisesa 4:17

Byonkabyo naamba kino ne kwimubuujisha mwi Nkambo, namba kechi mukyendenga monka mobendela Bangentila, mwayila milanguluko yabo yatu ne,

Efisesa 5:6

Kechi muleke muntu emujimbaike na byambo byatu ne, mambo na mambo a byonka bino bintu bukaji bwa Lesa bukebafikila bantu bamilengulwila.

Kolose 2:18

Kechi muleke muntu emulengeshe kubulwa mpasela ne, na mambo a kwipelula kwanji ne kupopwela bamalaika. Kasa akoselapotu pa bimwesho byo amwene, ne kwilundumika na muchima wanji wa buntunshi

Kolose 2:8

Jimukai kuchiina amba, bakemukwata buzha ku muntu nangwa umo na buntemwa maana bwanji, monka mwayila lufunjisho lwatu lwa bantutu, mwayila bya bwanyike bya pano pantanda, kechi mwayila Kilishitu ne.

2 Timoti 2:16

Chiina bya bu kyambeambe, mambo ba byobyo bayangatu mu bumbulwa kwakamwa Lesa.

2 Timoti 3:13

Kabiji bantu baatama ne ba bujimbijimbi bakayangatu na kutama, kasa bajimbaika ne kujimbaikwa.

1 Yoano 2:18

Anweba baana, kino kyo kimye kyapelaako! Kabiji byonka byo mwaumvwine amba anti kilishitu ubena kwiya, ne pano ba anti kilishitu ba mweka kala bavula, po po twayukila namba kino kyo kimye kyapelaako.

1 Yoano 2:26

Bino bintu ne munembela anweba na mambo aboba babena kweseka kwi mujimbaika.

1 Yoano 4:1

Anweba batemwe kechi mwitabe mipashi yonse ne, ipimai mipashi kana yafuma kwi Lesa, mambo bangauzhi ba bubela bavula bapalang'ena pano pantanda.

2 Yoano 1:7

Mambo bajimbijimbi bavula bapalang'ena pano pantanda, bonkaba babula kwitaba kwiya kwa Yesu mu mubiji. Uno ye awa mujimbijimbi ne anti kilishitu.

Lumwekesho 12:9

Ne aye nsung'unyi mukatampe waelelwe panshi, yenkaye mulolo wa kala, yebateela amba Diabola ne Satana, mujimbijimbi wa pantanda ponse waelelwe pantanda, ne bamalaika banji nabo baelelwe nanji panshi.

Lumwekesho 13:8

Ne bonse bekala pano pantanda bakamupopwela, bonse babulwa kunembwa mazhina abo, kufuma ku ntendekelo ya pano pantanda, mu buku wa bumi wa aye Mwana Mukooko, yenkaye waipayilwe.

Lumwekesho 20:3

Ne kumutaya mu kalengwa kabula kupela, washinkilepo ne kubikapo kateetesho peulu ya kalengwa, amba kechi ajimbaike mikoka ya bantu jibiji ne, poso aya myaka 1,000 ikapwe. Pakupita ino myaka kyafwainwa akakasululwe kakimye kacheche.

Lumwekesho 20:8

kabiji ukalupuka mu kwiijimbaika mikoka ya bantu ba ku makonka ana a pantanda, ko kuuba amba, Gogi ne Magogi. Mu kwibapwizha pamo ku nkondo, nambala yabo iji pamo nobe musenga wa ku kalunga.