Kolose 2:19 - KNTP

¹⁹ ne kukakachila ku mwine Kilishitu ne, mwi aye Kilishitu, moayila na kukoma mubiji yense na bukomo bufuma kwi Lesa, kasa bamukosesha ne kumunungakanya na manungi ne mishipe yonse.

Kolose 2:19 Iomraidhean Croise

Luka 5:38

Bino binyu bya katataaka byafwainwa kulongwa mu bafukuta bakatataaka.

Yoano 17:21

Namba bonse bekale ke umo. Taata! Byo muji mwi amiwa ne amiwa mwi anweba, byonkabyo ne abo nabo bekale mwi atweba, namba ba pano pantanda betabile amba, anweba yenu mwantumine.

Byubilo 4:32

Ne jibumba ja baitabila bajingatu na milanguluko imo ne na muchima umo. Kafwako nangwatu umo watelele kintu kya mu bunonshi bwanji amba kyami amiwa mwine ne, kabiji byonse byo bajinga naabyo byajinga bya bonse.

Loma 11:17

Bino umvwe misampi imo beichimunako, kabiji obewa byo uji kichi kya olivi kya mungye, ba kusokankanyamo mwi ayo kabiji pano ke uji wa kwabana nayo mema afuma mu muzhazhi wa kichi kine kya olivi.

1 Kolinda 1:10

Pano ne musashijila anweba bakwetu, monka mu jizhina ja Nkambo yetu Yesu Kilishitu, namba mwikale ba kuyila mumo, kechi mwikale lwabano mwi anweba ne. Poso mulamankane pamo na muchima umo ne milanguluko imo.

1 Kolinda 11:3

Bino nasaka namba muyuke amba, Kilishitu ye mutwe wa banabalume bonse, kabiji mwanamulume ye mutwe wa mukazhanji, ne Lesa ye mutwe wa Kilishitu.

1 Kolinda 3:6

Amiwa nabyajile, Apolosa watekezhepo, pakuba Lesa ye wiikomesha.

Efisesa 1:22

Kabiji wibikookesha bintu byonse munshi ya maulu anji, ne kumupana aye amba ekale mutwe wa byonse ku kipwilo.

Efisesa 1:23

Ne kipwilo ye mubiji wa Kilishitu, ye kukumbana kwanji, aye wa kumbana byonse, monse monse.

Efisesa 2:21

Monka mwi aye mo mwanungankena kishimikwa kyonse, kasa kikoma ke nzubo yazhila ya Lesa mwi Nkambo.

Efisesa 4:3

Ne kuteshako muchima kulama bu muchima umo wa Mupashi mu lufungwa wa mutende.

Efisesa 5:29

Mambo kafwako muntu nangwa umo washikwapo mubiji wanji mwine ne; kana kumujisha ne kumulela bulongo, byonka byo oba Kilishitu na kipwilo;

Filipai 1:27

Bino lekai bwikalo bwenu bwikale bwafwainwa Mambo Awama a Kilishitu, namba nangwa nkeya na kwimumona, nangwa nji kungi, nkemumvwe amba, mwakosela mu mupashi umo, kasa mwibilwila na muchima umo abya byaitabilwa bya Mambo Awama.

Kolose 1:10

Mwendenga mwafwainwa Nkambo na kumutokesha pa muchima. Kasa mupanga bipangwa mu mingilo yonse yawama ne kuya na kukoma mu maana a kumuyuka Lesa.

Kolose 1:18

Aye Kilishitu ye mutwe wa mubiji, kyo kipwilo, ye ntendekelo, ye mubeji wa kusanguka mu bafu amba, mu bintu byonse akekale ke mwine wakilaamo.

Kolose 2:2

Namba michima yabo itundaikwe bulongo bakwatankane ke umo mu butemwe, kabiji bekale na bunonshi bonse bwa maana a kukwatankanya ne kuyukisha kyafyamika kya Lesa, ye Kilishitu.

Tesalonika 3:12

Kabiji Nkambo ebuvuzhe butemwe bwenu buvujishe, bwa kwitemwa anweba bene na bene, ne bwa kutemwa bantu bonse, monka mo twimutemenwa atweba.

Tesalonika 4:10

Mambo kine mwibatemwa balongo bonse baji mu Makedonya monse. Kabiji anweba bakwetu twimufunda namba mukijishemo ne ku kijishamotu.

2 Tesalonika 1:3

Anweba bakwetu, atweba twafwainwatu kusanta kwi Lesa moba onse na mambo a anweba. Mambo kyo kituwamina kuuba, mambo lwitabilo lwenu lubena kukoma bingi, kabiji ne butemwe bwenu bo mwitemwa anweba bene na bene nabo bubena kuvula.

1 Petelo 3:8

Pano kyapelako: anweba bonse ikalai bamuchima umo, ba lusa, batemwang'ana byo muji balongo na balongo, ba michima yanekena, ne kwipelula.

2 Petelo 3:18

Bino kasa mukoma mu bupe ne mu maana a kumuyuka Nkambo ne Mupulushi wetu Yesu Kilishitu. Kwi aye kwikale lukumo ne pano ne myaka yonse. Amena.