Kolose 2:18 - KNTP

¹⁸ Kechi muleke muntu emulengeshe kubulwa mpasela ne, na mambo a kwipelula kwanji ne kupopwela bamalaika. Kasa akoselapotu pa bimwesho byo amwene, ne kwilundumika na muchima wanji wa buntunshi

Kolose 2:18 Iomraidhean Croise

Mateo 24:24

Mambo kukamweka ba kilishitu ba bubela, ne bangauzhi ba bubela, kabiji bakamwesha biyukilo bikatampe ne bya kukumya, mu kwibatwala mungi basalululwa, umvwe kyakonsheka kuubiwa.

Loma 1:25

Mambo abo bapimpwile bya bukine bya Lesa na bya bubela, ke bapopwele ne kwikingijila kilengwa ne kuleka Shakapanga, utotwa myaka yonse! Amena.

Loma 16:18

Mambo ba byonkabyo kechi bamwingijila Nkambo yetu Kilishitu ne, bengijila munda mwabo abo bene, kabiji na byambo byabo bya mulambisha ne kuwama beyongola michima ya babula kujimuka.

1 Kolinda 13:4

Butemwe butekanyatu kasa buba lusa, butemwe kechi buba kichima ne, nangwa kwitota ne, kechi bwilundumika ne;

1 Kolinda 3:3

mambo mukiji mu bwikalo bwa buntunshi. Mambo byo mukiji na kichima ne lutobo mukachi kenu, nanchi kino kechi kyamwesha amba mukiji mu bwikalo bwa buntunshi nenyi? Kechi mubena kuba monka mwendela bantu babula kwitabila nenyi?

1 Kolinda 4:18

Anweba bamo mwilundumika nobe amiwa kechi nkeya ko muji ne.

1 Kolinda 4:6

Anweba bakwetu, bino bintu amiwa mwine pamo ne aye Apolosa twaikala ke ba kumwenako, na mambo a anweba, namba monka mwi atweba mufunde kino amba, kechi mupitaile pa byanembwa ne, namba kafwako nangwa umo wa mwi anweba elundumikile mu umo ne kupelulako mukwabo ne.

1 Kolinda 8:1

Mwayila kajo ko batapisha ku bankishi. Twayuka namba atweba bonse tuji na maana, bino maana alengela kwilundumika, pakuba butemwe bukomesha bantu.

1 Kolinda 9:24

Kechi mwayuka nenyi amba, banyema kapeela banyema bonse, pakuba umotu yeutambula mpasela? Byonkabyo nyemai mukeitambule.

2 kolinda 11:3

Kabiji nachiina namba, nangwa na kya byepi, michima yenu yakabipishiwa ne kufuma kuyewa muchima umo ne wawama wata kwi Kilishitu, byonka byo amujimbaikile Evwa aye mulolo mu bujimuku bwanji.

2 kolinda 12:20

Mambo nachiina namba, apo kampe byo nkeya, nkemutaana kasa mwaikala na monabula kusakila, ne amiwa mwine nkataanwa kwi anweba na momwabula kusakila, kabiji nachiina namba kampe kukekala lutoobo, ne kichima, ne bukaji, ne bya bongozhi, ne miyebe, ne bya kutepeta, ne bya kwilundumika, ne biwowo.

Efisesa 4:17

Byonkabyo naamba kino ne kwimubuujisha mwi Nkambo, namba kechi mukyendenga monka mobendela Bangentila, mwayila milanguluko yabo yatu ne,

Efisesa 5:6

Kechi muleke muntu emujimbaike na byambo byatu ne, mambo na mambo a byonka bino bintu bukaji bwa Lesa bukebafikila bantu bamilengulwila.

Filipai 3:14

Kasa nebikishakotu kunanga kikonkwanyi kya mpasela ya lwito lwa mwiulu lwa Lesa mwi Kilishitu Yesu.

Kolose 2:23

Bya byonkabyo kine, bimweka nobe bya maana mu kupopwela kwa kwitongwela bene mu kwipelula, ne mu kukatazhatu mubiji, abino bintu byo byatu kechi bikanya bya lwiso lwa buntunshi ne.

Kolose 2:4

Nemwambila kino mambo a kuuba amba, kafwako nangwa umo emujimbaike na byambo bya mulambisha ne.

Kolose 2:8

Jimukai kuchiina amba, bakemukwata buzha ku muntu nangwa umo na buntemwa maana bwanji, monka mwayila lufunjisho lwatu lwa bantutu, mwayila bya bwanyike bya pano pantanda, kechi mwayila Kilishitu ne.

1 Timoti 1:7

Basaka kwikala bafunjishi ba Mizhilo, bino kechi bomvwa nangwatu byambo byobamba bene ne, nangwa kumvwa mwayila bintu byo basumininwa na kwamba ne.

1 Timoti 4:1

Pakuba aye Mupashi wa ambishatu bulongo amba, mu bimye bya kulutwe bamo bakapondoka ku lwitabilo, ne kuteesha michima ku mipashi ya bujimbijimbi ne ku mafunjisho a bademona.

2 Petelo 2:14

Baji na meso ayuula bukende, abula kutondwa kulenga mambo. Bakokola ba michima yanekena, baji na michima yaubisha lunkumbwa, bo baana bafingwa.

1 Yoano 2:26

Bino bintu ne munembela anweba na mambo aboba babena kweseka kwi mujimbaika.

Lumwekesho 12:9

Ne aye nsung'unyi mukatampe waelelwe panshi, yenkaye mulolo wa kala, yebateela amba Diabola ne Satana, mujimbijimbi wa pantanda ponse waelelwe pantanda, ne bamalaika banji nabo baelelwe nanji panshi.

Lumwekesho 13:14

Ne aye wibajimbaikile bekala pantanda na biyukilo byo bamupele amba obe ku meso a yewa lukinyama mutanshi. Ne kwibambila bekala pano pantanda amba, mulengelai kinkishi kyapashang'ana nanji awa lukinyama wajinga na mutotole wa mpoko, kabiji waikala na bumi.

Lumwekesho 13:8

Ne bonse bekala pano pantanda bakamupopwela, bonse babulwa kunembwa mazhina abo, kufuma ku ntendekelo ya pano pantanda, mu buku wa bumi wa aye Mwana Mukooko, yenkaye waipayilwe.

Lumwekesho 19:10

Ponkapo naponene panshi ku maulu anji, namba namupopwele, bino aye wang'ambijile amba, “Kileke! Amiwa ne mukwenu wa mu mwingilo umo pamo na bakwenu balama bukamonyi bwa Yesu. Popwela Lesa!” Mambo bungauzhi bwa Lesa bwaimena pa kusolola bukamonyi bwa Yesu.

Lumwekesho 3:11

Abo ngiya bukiji. Kwachisha akya kyo uji naakyo, namba kafwako nangwa umo akwangate munchinya wobe ne.