Kolose 2:15 - KNTP

¹⁵ Kabiji wibangachile bilwilo byabo byonse bapashi ba bulume ne ba luusa, ne kwibamwesha bumvu patoka ne kwi bashinjila ponka pa musalabu.

Kolose 2:15 Iomraidhean Croise

Mateo 12:29

“Nangwa muntu akakonshe byepi kutwela mu nzubo ya kilobo ne kupukula bintu byanji, poso patanshi wamukasa kilobo, bino akonshe kupukula bya mu nzubo yanji.”

Luka 10:18

Ne aye wibambijile amba, “Namwene Satana byo aponene kufuma mwiulu nobe kubeesha kwa mvula.

Luka 11:22

Bino umvwe wamukila bulume waiya ne kumushinda, wamwangata byela byanji byonse byo aketekejilemo kabiji wibyabanya bintu byanji.”

Yoano 16:11

na mambo a bunchiba mambo, mambo mfumu wa pano pantanda wachibilwao ne kuzhatwa.

Yoano 19:30

Ponkapo Yesu, byo atambwile binyu byasasa, wa ambile amba, “Kyapwa!” Wanyengekele mutwe wanji ne kuleka ku mweo.

1 Kolinda 15:24

Ponkapo ke kumpelo, Kilishitu byo akapwisha konauna bufumu bonse, ne luusa lonse, ne bulume bonse, ukafikizha bufumu kwi Lesa Taata.

2 kolinda 2:14

Bino sante ekale kwi Lesa! Ye witutangijila mu lushinjilo mwi Kilishitu moba onse, ne kusolwela mwi atweba bwema bwawama bwa maana a kumuyuka aye konse, konse.

2 kolinda 4:4

Mwi abo lesa wa pano pantanda wiipofula michima ya babula kwitabila kuchiina amba, bakamona kyeya kya Mambo Awama a lukumo lwa Kilishitu, aye kipasha kya Lesa.

Efisesa 3:10

amba pano na mambo a kipwilo maana a Lesa a misango ne misango asoloke ku bakatampe bene ne ba luusa ba mwiulu.

Efisesa 4:8

Onkao mambo aye wa amba amba, “Byo akanjijile mwiulu, wasendele jibumba ja ntundu, Kabiji wapaine bya bupetu ku bantu.”

Efisesa 6:12

Mambo kulwa kwetu kechi kwa kulwa na ba mibiji ya mashi ne, poso na bakatampe bene, ne ba luusa, ne bamfumu ba ino mfishi ya pano panshi, ne bapashi babiipa ba mwiulu.

Kolose 1:16

Mambo byonse byalengelwe kupichila mwi Aye, bya mwiulu ne bya pano pantanda, bimweka ne bibula kumweka, nangwa ba pa bipona bya bufumu, nangwa ba bunkambo, nangwa bene bapashi ba bulume, nangwa ba luusa. Byonse byalengelwe kwi Aye ne kulengwa byalengejilwe Aye yenka.

Kolose 2:10

kabiji mwi Aye momo mwayujila ne anweba. Aye ye wakila bonse bapashi ba bulume ne ba luusa.

Bahebelu 2:14

Mambo baana byo batambula mibiji ya mashi, byonkabyo ne aye mwine watambwile wa byonkabyo, amba monka mu lufu amonaune awa uji na bulume bwa lufu, ko kuuba amba Diabola,

Lumwekesho 12:9

Ne aye nsung'unyi mukatampe waelelwe panshi, yenkaye mulolo wa kala, yebateela amba Diabola ne Satana, mujimbijimbi wa pantanda ponse waelelwe pantanda, ne bamalaika banji nabo baelelwe nanji panshi.

Lumwekesho 20:10

Ne aye Diabola, yenkawa wibajimbaikile, waelelwe mu kizhiba kya mujilo ne kibiliki, monka muji aye lukinyama ne aye ngauzhi wa bubela ne abo bakamanyikwanga mute ne bufuku myaka ne myaka.