Kolose 2:11 - KNTP

¹¹ Mwi aye Kilishitu momo mwaubilwa mukanda, kechi mukanda waubiwa na maboko ne, ye wa kuvujijila kwa mubiji wa buntunshi, mu mukanda wa Kilishitu.

Kolose 2:11 Iomraidhean Croise

Mako 14:58

“Twamumvwine kasa amba amba, ‘Nakonsha ku kundula ino nzubo ya Lesa ya shimikwa na maboko, ne mu moba asatu nkashimika ikwabo, ya kubula kushimika na maboko.’ ”

Luka 2:21

Ne pakupita moba atanu na asatu, byo bamuubile kisela kya mukanda, ne abo bamutumbile jizhina amba Yesu, jizhina jo bamutumbile kwi malaika kasa bakyangye kumwimita munda.

Byubilo 17:24

Lesa yenkaye walengele ntanda ne byonsetu bijimo, byo aji Nkambo wa mwiulu ne panshi, kechi wikala mu mazubo o bashimika na maboko a bantu ne.

Byubilo 7:48

“Byonkabyo Aye Mwine kechi wikala mu mazubo obatunga na maboko ne; monka mwa ambijile ngauzhi amba,”

Loma 2:29

pakuba mwine mwina yudea ye yenkawa uji naabo ne mu muchima, ne mukanda wa kine ye wa muchima, wa ku Mupashi, kechi wa mu byambotu ne, ye batota kechi ku bantu ne, kana kwi Lesa.

Loma 6:6

Kasa twayuka kino, amba buntu bwetu bwakala bwapopelwe nanji, amba mubiji wa bundengamambo angatwe bulume, kabiji amba kechi tukikale mu buzha bwa bundengamambo ne.

Loma 7:24

Mama ami kalanda! Ne muntu wa malwa! Ing'anyi ukampokolola ku uno mubiji wa lufu?

2 kolinda 5:1

Mambo twayuka namba umvwe tente wetu wa pano pantanda ye twaikalamo wapopololwa, tuji na kishimikwa kifuma kwi Lesa, yo nzubo yabulwa kushimikwa na maboko, ya myaka, ya mwiulu.

2 kolinda 5:17

Onkao mambo umvwe muntu uji mwi Kilishitu, aye ke mulengwa mupya, bintu bya kala byapichijila, bya aluka ke bipya.

Ngalatiya 2:20

kabiji amiwa kechi nakiikala na bumi ne, kana Kilishitu ye waikala na bumi mwi amiwa. Kabiji ne abwa bumi bonaikala naabo pano mu mubiji, naikala naabo monka mu lwitabilo lwa mu Mwana Lesa, yenkaye wantemenwe ne kwipana mwine na mambo a amiwa.

Ngalatiya 5:24

Kabiji abo bakwa Kilishitu Yesu bapopa kala pa musalabu buntunshi bwabo ne bya kusakasaka kwabo ne bya lwiso lwabo byonse pamo.

Efisesa 4:22

Amba, muvuule mwayila awa musango wa bwikalo bwenu butanshi, abwa bumuntu bwa kala bubena kuya na konaika monka mwayila lwiso lwa bujimbijimbi bwabo.

Filipai 3:3

Atweba, yetu bene baji na mukanda wa kine, tupopwela na Mupashi wa Lesa ne kwitotela mwi Kilishitu Yesu ne kubika nangwa pacheche luketekelo mu buntunshi ne.

Kolose 3:5

Onkao mambo ipayai bya ku mibiji yenu biji pano pantanda, bulalelale ne bubipisho ne kusakasaka kubindankanya muchima ne kusakasaka kubi konse ne lunkumbwa, alo ko kupopwela bankishi.

Bahebelu 9:11

Bino Kilishitu wamwekele ke Ng'anga Mukatampe wa bintu byawama byaiya. Ubena kwingijila mutente wakila bukata ne kulumbuluka; kechi walengwa na maboko ne, kokuuba amba kechi walengwa pamo na bya panontanda ne.

Bahebelu 9:24

Mambo Kilishitu kechi watwelele Mwazhila mwalengwa na maboko ne, mwapashang'ana na mwa kine ne. Kana mwiulu mwine, mo etumwekela ku meso a Lesa.