Kolose 1:9 - KNTP

⁹ Na onkao mambo ne atweba kufuma ku joja juba jo twikyumvwine, kechi tuzhikilwa kwimulombelela ne. Twimulombelela namba muyulwe na maana a kuyukisha kyaswa muchima wa Lesa mu maana onse ne milangwe ya bumupashi.

Kolose 1:9 Iomraidhean Croise

Yoano 7:17

Inge muntu waswa kuuba kyaswa muchima wanji, usakuyuka kufunjisha kwami, kana kwa Lesa, nangwa ng'ambila mu luusa lwami amiwa mwine.

Byubilo 12:5

Byonkabyo Petelo bamulamine mu kaleya, bino kipwilo kyamulombejilenga kwi Lesa na muchima yensetu.

Loma 12:2

Kabiji kechi mwipashang'anyenga na ba pano pantanda ne, poso mwalulukenga ke bangi na kusangulwa kwa michima yenu, namba mukayukenga kyaswa muchima wa Lesa, akya kyawama ne kyaitabilwa ne kyalumbuluka.

1 Kolinda 1:5

Mambo mwi aye mo mwamwena bunonshi bonse, ne bwa kwamba konse ne bwa maana onse.

Efisesa 1:8

bo etuvuzhizhe atweba na maana onse, ne na kuyuka konse.

Efisesa 5:10

ne kweseka kuyuka bimutokesha ku muchima aye Nkambo.

Efisesa 5:17

Onkao mambo kechi mwikale bakosama ne, yukai mwayila kyaswa muchima wa Nkambo.

Efisesa 6:6

Kechi ku meso konka nobe wasaka kwibatokeshatu bantu pa muchima ne, poso mwafwainwa bakalume ba Kilishitu, kasa muba kyaswa muchima wa Lesa na muchima yense.

Filipai 1:4

bimye byonse mu milombelo yami yo ne mulombelela anweba bonse, ne mulombelela na lusekelo

Kolose 1:6

Ao aishile kwi anweba monka mo aikajikilwa pano pantanda kasa apanga bipangwa ne kuya na kunanuka, byo auba ne mwi anweba, kufuma ku juba jitanshi jo mwiomvwine ne kwibuyukisha bupe bwa Lesa kya kine.

Kolose 3:16

Lekai mambo a Kilishitu ekajishetu avula mwi anweba. Mu maana onse kasa mwifunjisha anweba bene na bene na masalamo ne nyimbo ya kutota ne nyimbo ya bumupashi, kasa musanta mu michima yenu kwi Lesa.

Kolose 4:12

Epafalasa mulongo wenu, kalume wa Kilishitu Yesu, wimwimuna. Bimye byonse aye wimulukuchila mu milombelo yanji amba, mwikale bashikamatu, bakoma mu lwitabilo monse mwaswila muchima wa Lesa.

Kolose 4:5

Kasa muuba bintu byonse na maana kuboba babula kwitabila, ne kwingijisha bulongo bimye byenu.

Tesalonika 1:3

Kasa twimuvuluka ne kuvulama ne, konka ku meso a Lesa Taata wetu, mambo a mwingilo wenu wakosa wa butemwe ne butekanye bwenu bwa luketekelo lwa mwi Nkambo yetu Yesu Kilishitu.

Tesalonika 5:17

lombai na kubula kuzhikilwa,

2 Tesalonika 1:11

Onkao mambo kyo kyo twimulombelela moba onse. Amba Lesa wetu akemulanguluke amba mwilufwainwa lwito lwenu. Ne kufikizha kusaka kwenu konse kwa buwame ne mingilo yonse ya lwitabilo na bulume.

Filemonyi 1:4

Namusanchila Lesa wami moba onse, kasa nemutela mu milombelo yami.

Filemonyi 1:6

Nalomba namba kukwashang'ana kwa mu lwitabilo lwenu kwikale ke kwa kwibayukisha bantu byonse byawama byo tuji naabyo mwi Kilishitu.

Bahebelu 10:36

Mambo kimufwainwa kutekanya, amba pa kupwisha kuuba kyaswa muchima wa Lesa mukatambule kyalayilwe.

Bahebelu 13:21

emupe bintu byonse byawama, mube kyaswa muchima wanji, kasa engila mwi atweba kyonka kyawama ku meso anji, monka mwi Yesu Kilishitu. Kwi aye kwikale lukumo myaka ne myaka! Amena.

Yakoba 1:5

Umvwe mwi anweba muji umo wabula maana epuzhe Lesa, kabiji ukapewao mambo Lesa upana ku bonse kwakubula kushintauka.

Yakoba 3:17

Pakuba maana afuma mwiulu, patanshi oa wamishatu, kabiji oa mutende, oa kooka, oa peela kusanshijilwa, oa yula lusa ne bipangwa byawama, oa bula misalululo, oa bula bujimbijimbi.

1 Petelo 2:15

Mambo kino kyo kyaswa muchima wa Lesa amba, monka mukuuba byawama muzhindamike bumbulwa maana bwa ba bilubi.

1 Petelo 4:2

Amba pano mu bimye byenu bya bumi byashalaako bya mu mubiji kechi mukisakenga bya lwiso lwa buntunshi ne, poso kulondela kyaswa muchima wa Lesa.

1 Yoano 2:17

Kabiji panopantanda pabena kupita na lwiso lwapo, bino aye uba kyaswa muchima wa Lesa ukekala myaka ne myaka.

1 Yoano 5:20

Kabiji twayuka namba Mwana Lesa waiya kabiji witupa maana a kumuyuka Aye wa kine, ne atweba tuji mwi Aye wa kine, monka mwi aye Mwananji Yesu Kilishitu. Uno ye Lesa wa kine, kabiji buno bo bumi bwa myaka.