Kolose 1:6 - KNTP

⁶ Ao aishile kwi anweba monka mo aikajikilwa pano pantanda kasa apanga bipangwa ne kuya na kunanuka, byo auba ne mwi anweba, kufuma ku juba jitanshi jo mwiomvwine ne kwibuyukisha bupe bwa Lesa kya kine.

Kolose 1:6 Iomraidhean Croise

Mateo 24:14

Kabiji ano Mambo Awama a bufumu aka sapwilwa pano pantanda ponse mwa kwibashiina ba mu mikoka yonse ya bantu, bino mpelo ikafike.”

Mateo 28:19

Onkao mambo yainga na kulenga baana babwanga muba mikoka yonse ya bantu, muke babatizhenga mu jizhina ja Taata ne ja Mwana ne ja Mupashi Wazhila,

Mako 16:15

Ne aye wibambijile amba, “Yainga pantanda ponse, mukasapwile Mambo Awama ku bilengwa byonse.

Mako 4:8

Ne nkunwa ikwabo yaponejile mu mushiji wawama ne kusema yasemenenga kasa ikoma ne kuya na kuvula, imo yasemene makumi asatu ne ikwabo makumi atanu na jimo ne ikwabo kitoota kimo.”

Yoano 15:16

Anweba kechi yenu mwansalulwile ne, pakuba amiwa yami nemusalulwile anweba, ne kwimutongola, namba muyenga na kupanga bipangwa, kabiji abya bipangwa byenu bikekajikwe. Namba umvwe mukalomba kintu kwi Bataata mu jizhina jami nangwa kya byepi, bakemupakyo.

Yoano 17:19

Kabiji nezhijika na mambo a abo, namba ne abo bene nabo bazhijikwe mu bukine.

Yoano 4:23

Kabiji kimye kibena kwiya, ne pano kyafika kala, kyo bakebapopwelanga Bataata ku bapopweshi bakine mu Mupashi ne mu bukine, mambo bo bo bakeba Bataata amba, bampopwele.

Byubilo 11:18

Byo ba umvwine bino, bazhindamine nzo, ke bamutumbijike Lesa amba, “Nanchi kine Lesa wibapa ne Bangentila nabo lulapilo lwa ku bumi!”

Byubilo 12:24

Pakuba mambo a Lesa ayilenga kulutwe na kukomenako.

Byubilo 16:14

Ne mwanamukazhi umo jizhina janji Lidiya wa ku Tiyatila, mupoteshi wa kisapi kyachiluluka, aye wapopwelanga Lesa witumvwinenga, ne Nkambo washinkwile muchima wanji amba omvwishe bya ambilenga Paulo.

Byubilo 26:18

Na kwibalabisha meso abo bavundamine ku mfishi balulukile ku kyeya kabiji bavundamine ku luusa lwa Satana balulukile kwi Lesa, batambule lulekelo lwa mambo, ne buswanyi mwi abo bazhijikwa na lwitabilo lwa mwi amiwa.”

Loma 1:13

Anweba bakwetu, nasaka namba muyuke amba nafukwile javula kwiya ko muji, bino ko biji bimo byankayinye kwiya. Pakuba amba ngitabizhepo bamo ba mwi anweba byonka byo nsapwila mu Bangentila.

Loma 15:19

monka mu bulume bwa biyukilo, ne bwa bya kukumya, ne mubulume bwa Mupashi wa Lesa amba, byonkabyo kufuma ku Yelusalema, ne mumande azhokolokako, kukafika kwine ne ku Ililikuma, nasapwilako Mambo Awama a Kilishitu.

Loma 15:28

Byonkabya byo nkapwisha kino, ne kwibafikizhizha bino bya bupe, po po nkapita kwenu byo nkayanga ku Sipeni.

Loma 16:26

Pakuba pano, kyasololwa, kabiji kyayukanyikwa mu binembelo bya bangauzhi, monka mwayila mukambizho wa Lesa wa myaka yonse, amba bonse Bangentila belukokele lwitabilo.

2 kolinda 10:14

Mambo kechi tubena kukila pa bipimo byetu nobe kechi twaishile ko muji ne; mambo atweba twajinga batanshi kufika ko muji anweba na Mambo Awama a Kilishitu.

2 kolinda 6:1

Kabiji byo twingila pamo ne Lesa, twimusashijila namba, kechi mutambule bupe bwa Lesa ke bwatu ne.

Efisesa 3:2

umvwe kine mwaumvwine mambo a bukalama bwa bupe bwa Lesa bonampelwe na mambo a anweba,

Efisesa 4:21

Inge kine iye ye mwaumvwine, ne kufunjishiwa mwi aye, monka mwayila bukine buji mwi Yesu.

Efisesa 4:23

Musangulwenga ke bapya mu mupashi wa michima yenu,

Efisesa 5:9

(mambo bipangwa bya kyeya biji mu buwame bonse ne bololoke ne bukine),

Filipai 1:11

Bwikalo bwenu buyule bipangwa bya bololoke bifuma kwi Yesu Kilishitu mukuleeta lukumo ne lutotelo kwi Lesa.

Filipai 4:17

Kabiji kechi naamba mambo nasakatu kutambula bya bupe ne, bino kine kyo nasaka namba anweba mwikale na bipangwa byavula.

Kolose 1:10

Mwendenga mwafwainwa Nkambo na kumutokesha pa muchima. Kasa mupanga bipangwa mu mingilo yonse yawama ne kuya na kukoma mu maana a kumuyuka Lesa.

Kolose 1:23

Umvwe kine mukelwe mu lwitabilo, ne kwikajikwa pa kosa ne kushikamatu ponka, ne kubula kufumapo pa luketekelo lwa Mambo Awama o mwaumvwine. O asapwijilwe mu bantu bonse ba pano panshi. O naikajile ke wa kwiengijila amiwa Paulo.

Tesalonika 1:5

Mambo etu awama kechi aishile kwi anweba mu byambo byonka ne, bino aishile mu bulume, ne mu Mupashi Wazhila, ne mu kuyukisha kwa kine kukatampe. Byonka byo mwayuka ne anweba bene musango yetwaikajilemo mwenu na mambo a anweba.

Tesalonika 2:13

Kabiji na mambo a ano mambo o nsanchila kwi Lesa kwakubula kuzhikilwa. Mambo byo mwatambwile kwi amiwa mambo a Lesa, kechi mwiatambwile nobe mambo a bantu ne, poso byonka byo aji kine mambo a Lesa. Kabiji oengila mwi anweba baitabila.

2 Tesalonika 2:13

Kabiji pano kitufwainwa kusanta kwi Lesa moba onse na mambo a anweba, batemwe ba Lesa. Mambo Lesa wimusalulwile anweba patanshi kwimupulusha, ne kwimuzhijika na Mupashi ne mu kwitabila bukine.

1 Petelo 5:12

Nemunembela bicheche kupichila mwi Silivanusa, mulongo wetu ye nalanguluka namba wakishinka, namba ne mukoseshe ne kwimutundaika ne kwimubujisha amba, buno bo bupe bwa Lesa bwa kine mwimanetu monka.