Kolose 1:4 - KNTP

⁴ Mambo twaumvwa mambo a lwitabilo lwenu lwa mwi Kilishitu Yesu, ne butemwe bo muji naabo ku bazhijikwa bonse.

Kolose 1:4 Iomraidhean Croise

2 kolinda 7:7

Kabiji kechi kwiya kwanji konkatu ne, ne na lutekenesho lo amwene mwi anweba. Ne pa kwitubuula mambo a kunsakisha kwenu, ne kujila kwenu, ne lupata lwenu lwa kunkwasha amiwa; onkao mambo nasekejile bingi kyakila.

Ngalatiya 3:26

Mambo anweba bonse pano mwi baana ba Lesa monka mu lwitabilo lwa mwi Kilishitu Yesu.

Ngalatiya 3:28

Pano kechi kuji mu Yudea nangwa mugiliki ne. Kechi kuji muzha nangwa mwana bene ne, kechi kuji mwanamulume nangwa mwanamukazhi ne. Mambo bonse mwiumo mwi Kilishitu Yesu.

Ngalatiya 5:6

Mambo mwi Kilishitu Yesu mukanda yewatu, ne kubulwa mukanda nako ko kwatu, kana lwitabilo lwingila mu butemwe.

Efisesa 1:15

Na onka ano mambo, amiwa byo naumvwa mambo a lwitabilo lwenu lwa mwi Nkambo Yesu, ne butemwe bomumwesha ku bazhijikwa bonse,

Efisesa 6:18

Kasa mulomba mu bimye byonse na lulombelo lonse ne misashijilo monka mwi aye Mupashi, ne kwilutong'amina na mukoyo mukatampe ne misashijilo ya kwibalombelela bazhijikwa bonse.

Kolose 1:9

Na onkao mambo ne atweba kufuma ku joja juba jo twikyumvwine, kechi tuzhikilwa kwimulombelela ne. Twimulombelela namba muyulwe na maana a kuyukisha kyaswa muchima wa Lesa mu maana onse ne milangwe ya bumupashi.

Tesalonika 1:3

Kasa twimuvuluka ne kuvulama ne, konka ku meso a Lesa Taata wetu, mambo a mwingilo wenu wakosa wa butemwe ne butekanye bwenu bwa luketekelo lwa mwi Nkambo yetu Yesu Kilishitu.

Tesalonika 3:6

Pakuba byo abwelele Timoti kwi atweba kufuma kwi anweba, ne kwituletela mambo a lusekelo a lwitabilo lwenu ne a butemwe bwenu, ne byo mwitulanguluka bulongo moba onse, ne kusaka kwitumona na meso, byonka byotusaka kwimumona ne atweba.

2 Tesalonika 1:3

Anweba bakwetu, atweba twafwainwatu kusanta kwi Lesa moba onse na mambo a anweba. Mambo kyo kituwamina kuuba, mambo lwitabilo lwenu lubena kukoma bingi, kabiji ne butemwe bwenu bo mwitemwa anweba bene na bene nabo bubena kuvula.

Filemonyi 1:5

Byo naumvwa mambo a butemwe bwenu, ne lwitabilo lomuji naalo mwi Nkambo Yesu, ne ku bazhijikwa bonse.

Bahebelu 6:10

Mambo Lesa kechi wabula koloka amba avulame mwingilo wenu ne butemwe bo mwijimwesha jizhina janji byo mwibengijilenga bazhijikwa banji ne. Bino ne pano mukibengijila byonkabyo.

1 Yoano 3:14

Twayuka namba twafuma mu lufu twapitaila mu bumi, mambo twibatemwa balongo betu. Awa wabula kutemwa mulongo wanji waikala mu lufu.

1 Yoano 3:23

Kabiji uno ye mukambizho wanji, amba twitabile mu jizhina ja Mwananji Yesu Kilishitu, ne kwitemwa atweba bene na bene, byonka byo etu kambizha aye mwine.

1 Yoano 4:16

Kabiji atweba twayuka ne kwitaba butemwe bo etutemwa Lesa. Lesa ye butemwe, ne aye waikala mu butemwe ye waikala mwi Lesa, ne Lesa waikala mwi aye.