Kolose 1:23 - KNTP

²³ Umvwe kine mukelwe mu lwitabilo, ne kwikajikwa pa kosa ne kushikamatu ponka, ne kubula kufumapo pa luketekelo lwa Mambo Awama o mwaumvwine. O asapwijilwe mu bantu bonse ba pano panshi. O naikajile ke wa kwiengijila amiwa Paulo.

Kolose 1:23 Iomraidhean Croise

Mako 16:15

Ne aye wibambijile amba, “Yainga pantanda ponse, mukasapwile Mambo Awama ku bilengwa byonse.

Luka 22:32

Bino amiwa nakulombelela obewa namba, lwitabilo lobe kechi lupwe ne. Ne obewa, pa kwaluluka jibiji, ukoseshe bakwenu.”

Luka 6:48

Wapashang'ana na muntu ushimika nzubo, wapoyile mwazhika ne kwala kitendekesho pa jibwe. Ne muyulo byo aishile, ne mikwe yapomokele ku yoya nzubo ne kukonsha kwiisunkenya ne, mambo yashimikilwe bulongo.

Yoano 15:6

Inge muntu ne kwikala mwi amiwa ne, utaiwa nobe musampi, ne kuma wauma, kabiji beibungizha pamo, ne kwiitaya mu mujilo, ne kupya yapya.

Byubilo 1:17

Mambo wabajilwe pamo ne atweba, kabiji watambwile mwingilo wanji wa mu ino mingilo.”

Byubilo 1:25

wa kupingakena mu uno mwingilo, ne mu butumwa, moafumine Yudasa, ne kuya kwa mufwainwa mwine.”

Byubilo 1:8

Pakuba anweba mukatambula bulume, byo ake mwikijila Mupashi Wazhila, kepo mukekala batumonyi bami ba kunshimuna mu Yelusalema, ne monse mu Yudea, ne mu Samaliya, ne monse mwapela ntanda.”

Byubilo 11:23

Aye pakufikako ne kumona bupe bwa Lesa, wasekejile kabiji wibatundaikile bonse amba, balamachile kwi Nkambo na michima yabo yonse.

Byubilo 14:22

Kasa bakosesha michima ya baana babwanga, ne kwibatundaika kwikala bakishinka mu lwitabilo amba, “Mu bya malwa byavula mo motutwelela mu bufumu bwa Lesa.”

Byubilo 2:5

Bino mu Yelusalema mwaikajilenga Bayudea, banemeka Lesa, bafumine mu mikoka yonse ya muno munshi.

Byubilo 20:24

Pakuba amiwa kechi nataako muchima ku mweo wami nobe kyo kintu kyanema kwi amiwa ne, poso mpwishe kikonkwanyi kyami, ne mwingilo ye natambwile kwi Nkambo Yesu, wa kusapwila Mambo Awama a bupe bwa Lesa.

Byubilo 26:16

Pano buukapo wimane. Mambo na kumwekela namba nkutongole wikale ke wamwingilo, ne kamonyi wa abya bintu byo wamona mwi amiwa, kabiji ne wabyobya byo nkakumwesha kulutwe.

Byubilo 4:12

“Kabiji lupulukilo lujitu monka mwi aye, pakuba kechi paji jizhina jikwabo muno munshi japewa mu bantu jo twafwainwa kupulukilamo ne.”

Loma 10:18

Bino amiwa naipuzha namba, nanchi kechi ba umvwine nenyi? Ee, kine ba umvwine, “Jiwi jabo jakumbana pano pantanda ponse, ne byambo byabo nabyo byafika ne kwapela ntanda.”

Loma 15:16

amba ngikale ke wamwingilo wa Kilishitu Yesu ku Bangentila, kasa ng'ingila mu Mambo Awama a Lesa, namba kulambulwa kwa Bangentila kwitabilwe, byo kwazhijikwa na Mupashi Wazhila.

Loma 2:7

Kuboba batekanya na kuuba byawama na kukeba lukumo ne buneme ne bumbulwa kubola, ukebapa bumi bwa myaka.

Loma 5:5

Ne luketekelo kechi luleeta bumvu ne, mambo butemwe bwa Lesa bebwitulwila mu michima yetu na Mupashi Wazhila, ye twapewa.

1 Kolinda 15:58

Onkao mambo, balongo bami batemwe, ikalai bashikamatu, kutelengela ne, kasa mukelwa kwingila kyakosa mwingilo wa Nkambo, byo mwayuka amba, mwingilo wetu wa mwi Nkambo kechi ye watu ne.

1 Kolinda 3:5

Lelo kabiji Apolosa ye ng'anyi? Ne Paulo naye ye ng'anyi? Bo bamwingilo wa Lesa bo mwaitabijileko, monka mo ebapelejile Nkambo pa muntu pa muntu.

2 kolinda 10:1

Pano, amiwa mwine Paulo, nemusashijila na bukimote bwa Kilishitu ne na kukooka muchima kwanji, yenka amiwa napeela pakumweka ku meso enu, pakuba nchinchika kwi anweba umvwe nji kungi!

2 kolinda 11:23

Umvwe bo bamingilo ya Kilishitu (naamba nobe nakonya kala) amiwa nebakila, mu mingilo yakosa yakila mu kuvula, ne mu tuleya twakila mu kuvula, ne mu bipumo byavula kechi bya kubala ne, ne mu bya lufu javula.

2 kolinda 3:6

ye witulenga amba tukonshe kwikala ke bamingilo ba mu lulayang'ano lupya, kechi ba binembelotu ne, nanchi na Mupashi wa Lesa. Mambo binembelotu bipayang'ana, pakuba Mupashi upana bumi.

2 kolinda 4:1

Onkao mambo byo tuji na ye uno mwingilo, monka mo twaubijilwe lusa, kechi tupungila ne.

2 kolinda 6:1

Kabiji byo twingila pamo ne Lesa, twimusashijila namba, kechi mutambule bupe bwa Lesa ke bwatu ne.

Ngalatiya 4:11

Nji na moyo na mambo a anweba, namba kampe mingilo yami yo naingijilenga mwi anweba ya aluka ke yaatu.

Ngalatiya 5:5

Mambo atweba mo mu Mupashi mo tutengela na lwitabilo akya kyo twaketekela kumona, kikeshila mu bololoke.

Ngalatiya 5:7

Mwaendelenga bulongo! Ng'anyi wimukanya kukookela bya bukine?

Ngalatiya 6:9

Kabiji kechi tukooke mukuuba byawama ne. Mambo mu kimye kyafwainwa tukanowa umvwe ne kukooka ne.

Efisesa 1:18

Meso a michima yenu alabe, muyuke mwayila luketekelo lwa lwito lwanji, ne mwayila bunonshi bwa lukumo lwa buswanyi bwanji bwa mu bazhijikwa.

Efisesa 2:21

Monka mwi aye mo mwanungankena kishimikwa kyonse, kasa kikoma ke nzubo yazhila ya Lesa mwi Nkambo.

Efisesa 3:17

namba Kilishitu ekale monka mu michima yenu na lwitabilo. Pa kutabilamo ne kushimikwa ponka pa butemwe bwa Lesa,

Efisesa 4:16

Mwi aye mubiji yense, wanungankana pamo ne kusambakana ke umo konka ku abya bipaana manungi onse. Pa kwingila bulongo byonse pa kintu pa kintu, mubiji wikomesha mwine monka mu butemwe.

Kolose 1:25

Kyo natongwejilwe amba, ngikale wa kwikingijila monka mwayila bukalama bwa Lesa bo bampele na mambo a anweba mu kwi mufikizhizha mambo a Lesa,

Kolose 2:7

Kasa mwatabilamo ne kushimikwa monka mwi Aye, ne kukoselamo mu lwitabilo lwenu, monka mo bemufunjishishe. Kasa muvuzha kusanta.

Tesalonika 3:3

amba muntu nangwa umo kechi asunkene ku bino bya malwa ne, mambo anweba bene mwayuka amba bitutongwelwa.

Tesalonika 3:5

Onkao mambo ne amiwa byo nabujile kumona mwa kwikizhizha muchima bulongo, natumine muntu namba ngyuke lwitabilo lwenu, kuchiina amba, wa kwimweseka apo kampe wimweseka, ne mwingilo wetu wakaaluka ke watu.

Tesalonika 5:8

Kabiji atweba byotuji bamute, twikale batekanya, tuvwale kyela kya pa kyaji kya lwitabilo ne butemwe, ne kya ku mutwe kya luketekelo lwa lupulukilo.

2 Tesalonika 2:16

Pano aye mwine Nkambo yetu Yesu Kilishitu ne Lesa Taata wetu, aye witutemenwe ne kwitupa kya kwitukosesha kya myaka ne luketekelo lwawama monka mu bupe bwanji,

1 Timoti 1:12

Namusanchila, yenkaye Kilishitu Yesu Nkambo yetu, aye wankosesha mambo wandangulukile amba, ne wakishinka, ne kuntongwela uno mwingilo,

1 Timoti 2:7

Oo natongwejilwe amba, ngikale musapwishi ne mutumwa (Naamba bya kine, kechi nabepa ne,) wa kufunjisha Bangentila mu lwitabilo ne mu bukine.

1 Timoti 3:16

Kabiji kyaitabilwatu amba, kyafyamika kya mu kunemeka Lesa kwetu kyo kikatampe. Aye wamwekele mu bumuntu, Walumbulwilwe amba waoloka mu Mupashi, bamumwene ku bamalaika. Wasapwijilwe mu mikoka ya bantu, waitabilwe pano pantanda, kabiji watambwilwe mwiulu mu lukumo.

Titusa 3:7

amba byo twabingishiwa mu bupe bwanji, twaluke ke banswanyi monka mwayila luketekelo lwa bumi bwa myaka.

Bahebelu 10:38

Bino mololoke wami ukamwena bumi mu lwitabilo; kabiji umvwe wabwela mu nyuma, muchima wami kechi ukamwenamo lusekelo mwi aye ne.”

Bahebelu 3:14

Mambo atweba twaikala ke ba kushilang'ana nanji pamo Kilishitu, umvwve twalama bulongo ntendekelo ya luketekelo lwetu kasa twakoselamo kufika ne kumpelo.

Bahebelu 3:6

Bino Kilishitu ye wakishinka pa nzubo yanji byo aji Mwana. Kabiji atweba twi nzubo ya Lesa inge kine twakwachisha kuchinchika kwetu ne kwitotela mu luketekelo lwetu.

Bahebelu 4:14

Byo tuji na Ng'anga mwine mukatampe watwelele mwiulu, Yesu Mwana Lesa, tukwachishetu ku kwitabila kwetu.

Bahebelu 6:19

Tuji na kino nobe kine kintu kyakosa kya mu muchima. Luketekelo lwakutwela kunyuma ya kipembe.

1 Petelo 1:3

Atotwe Lesa Shanja Nkambo yetu Yesu Kilishitu, ye witusemene jibiji monka mu lusa lwanji lukatampe, mambo a kusanguka kwa Yesu Kilishitu mu bafu, pano twaikala na luketekelo lumi,

1 Petelo 1:5

Anweba mwalamwa na bulume bwa Lesa monka mu lwitabilo lwenu amba, mukamone lupulukilo lwanengezhiwa jimo lukasoloka mu juba jikapelaako.

1 Yoano 2:27

Pakuba akwa kushingwa ko mwatambwile kwi Aye kwaikala mwi anweba, kabiji anweba kechi musaka nangwa umo kwi mufunjisha ne. Bino akwa kushingwa byo kubena kwi mufunjisha mu byonse amba byo bya kine kabiji kechi muji bubela ne, byonka byo kwi mufunjisha. Ikalai mwi Aye.

Lumwekesho 2:10

Kechi wakamwe byo waya umaname ne. Umvwai! Aye Diabola waya emutaye anweba bamo mu kaleya amba mwesekwe, kabiji mukamona bya malwa moba jikumi. Wikale wakishinka kufika ne ku lufu, ne amiwa nkakupa munchinya wa bumi.”