Kolose 1:18 - KNTP

¹⁸ Aye Kilishitu ye mutwe wa mubiji, kyo kipwilo, ye ntendekelo, ye mubeji wa kusanguka mu bafu amba, mu bintu byonse akekale ke mwine wakilaamo.

Kolose 1:18 Iomraidhean Croise

Mateo 23:8

Kabiji anweba kechi mutelwe amba ‘Laabi’ ne, mambo mufunjishi wenu umotu, ne anweba bonse mwi balongo na balongo.

Mateo 28:18

Kabiji Yesu waishile ko baji ne kwibambila amba, “Luusa lonse napewalo, lwa mwiulu ne lwa pano panshi.

Yoano 1:1

Mu ntendekelo mwajinga ao Mambo, ne ao Mambo ajinga na Lesa, ne ao Mambo ajinga Lesa.

Yoano 1:16

Pakuba mo mu kuyula kwanji mo twatambwijile atweba bonse, bupe pa bupe bukwabo.

Yoano 1:27

ye yewa undondela panyuma, mikanda ya makwabilo anji kechi nafwainwa kwiikasulula ne.”

Byubilo 26:23

Byo kyafwainwe aye Kilishitu kumanama, kabiji pa kwikala mutanshi kusanguka mu bafu ekale wa kusapwila mambo a kyeya ku bantu bena Isalela ne ku Bangentila.”

Loma 8:29

Mambo abo boayukijile jimo, ibo bo atongwejile jimo amba bakapashang'ane pamo na Mwananji, aye aluuke ke mubeji mu balongo banji bavula.

1 Kolinda 11:3

Bino nasaka namba muyuke amba, Kilishitu ye mutwe wa banabalume bonse, kabiji mwanamulume ye mutwe wa mukazhanji, ne Lesa ye mutwe wa Kilishitu.

1 Kolinda 12:27

Anweba mwi bya mubiji wa Kilishitu, ne bonse pa muntu pa muntu mwi bya mubiji wanji.

1 Kolinda 15:25

Mambo kyafwainwa aye kwikala mfumu poso bakabiike balwanyi banji bonse munshi ya maulu anji.

Efisesa 1:10

Amba akekajike bukalama bwa pa byonse ponka pa kukafikila myaka yoatongola, ne kwibikonkenya bintu byonse mwi Kilishitu, biji mwiulu ne biji pano pantanda.

Efisesa 5:23

Mambo mulume ye mutwe wa mukazhanji, byonka biji Kilishitu ye mutwe wa kipwilo, ye mwine upulusha kipwilo, ye mubiji wanji.

Kolose 1:24

Pano nasekela mu bya kumanama byami na mambo a anweba, kabiji mbena kuyuzha kwashajile ku bya kumanama bya Kilishitu mu mubiji wami na mambo a mubiji wanji, kyo kipwilo.

Kolose 2:19

ne kukakachila ku mwine Kilishitu ne, mwi aye Kilishitu, moayila na kukoma mubiji yense na bukomo bufuma kwi Lesa, kasa bamukosesha ne kumunungakanya na manungi ne mishipe yonse.

1 Yoano 1:1

Akya kyajinga mu ntendekelo, kyo twaumvwine, kyo twamwene na meso etu, kyo twatajishishe, ne kukwatako na maboko etu, kya Mambo a bumi.

Lumwekesho 1:18

Ne wa bumi! Bino nafwiile, kabiji tala, ne mumi wa myaka ne myaka, kabiji nji na bakii ba lufu ne ba kalunga ka bafu.

Lumwekesho 1:5

kabiji bifuma ne kwi Yesu Kilishitu, kamonyi wakishinka, mutanshi kusanguka mu bafu, ye mwine mfumu wa bamfumu ba pano pantanda. Kwi aye witutemwa, ne kwitukasulula ku mambo etu na mashi anji,

Lumwekesho 1:8

Amiwa ne Alefwa ne Omega, byo a amba Nkambo Lesa, ujiipo, wajingapo, ye ukeya, wa bulume bonse.

Lumwekesho 11:15

Ponkapo ne aye malaika wa butanu na bubiji naye waimbile, kabiji kwajinga mawi akatampe mwiulu kasa aamba amba, “Bufumu bwa pantanda bwa aluka ke bufumu bwa Nkambo yetu, ne bwa Kilishitu wanji, ne aye ukekala mfumu myaka ne myaka!”

Lumwekesho 21:6

Kabiji wang'ambijile amba, “Byamweka kala! Amiwa ne Alefwa ne Omega, ne ntendekelo ne mpelo. Aye waumvwa kilaka amiwa nkamupapo kutoma ku nsulo ya mema a bumi atupauka a bupetu.

Lumwekesho 22:13

Amiwa ne Alefwa ne Omega, ne mutanshi ne wapelaako, ne ntendekelo ne mpelo.”

Lumwekesho 3:14

“Kabiji kwi aye malaika wa mu kipwilo kya mu Laodikea unembe amba: “Aye Amena, kamonyi wakishinka ne wa kine, ye ntendekelo ya bilengwa bya Lesa, wa amba bino amba,