Kolose 1:15 - KNTP

¹⁵ Kilishitu ye kipasha kya Lesa ubula kumweka. Ye mubeji wa bilengwa byonse.

Kolose 1:15 Iomraidhean Croise

Yoano 1:1

Mu ntendekelo mwajinga ao Mambo, ne ao Mambo ajinga na Lesa, ne ao Mambo ajinga Lesa.

Yoano 1:14

Kabiji ao Mambo aalukile ke muntu, ne kwikala waikajilenga muno mwetu. Kabiji twamwene lukumo lwanji, lukumo nobe lwa yewa Mwana umo yenka wafuma kwi Shanji, kasa ayula bupe ne bukine.

Yoano 1:18

Kafwako muntu wamwenepo Lesa ne. Yenkawa Mwana umo uji mu kyaji kya Shanji, ye wamulumbulwile.

Yoano 14:9

Kumvwa Yesu wamukumbwile amba, “Nabanda nenu byonkabye, ne anweba Filipa ne kungyuka nenyi? Awa wammona amiwa wamona ne bataata, ne anweba mwa ambilaka amba, ‘Tubulai bashenu’?

Yoano 15:24

Inge kechi naubile mwi abo mingilo ibula kuubapo mukwabo ne, inge kechi baji na mambo ne, pakuba pano amiwa ne bataata betumona ne kwitushikwa.

Yoano 3:16

Mambo Lesa byo ebatemwishe ba pano pantanda, wapaine Mwananji yenkawa umo amba, bonse bamwitabila kechi bonaike ne, poso amba bekale na bumi bwa myaka.

Loma 8:29

Mambo abo boayukijile jimo, ibo bo atongwejile jimo amba bakapashang'ane pamo na Mwananji, aye aluuke ke mubeji mu balongo banji bavula.

2 kolinda 4:4

Mwi abo lesa wa pano pantanda wiipofula michima ya babula kwitabila kuchiina amba, bakamona kyeya kya Mambo Awama a lukumo lwa Kilishitu, aye kipasha kya Lesa.

2 kolinda 4:6

Mambo yenkaye Lesa wa ambile amba, “Kyeya kisamine mu mfishi!” Ye wasaamijile mu michima yetu, mu kupana kyeya kya maana a kuyuka lukumo lwa Lesa lwa mu kilungi kya Yesu Kilishitu.

Filipai 2:6

Aye nangwa waikajile mu musango wa bu Lesa, kechi walangulukile amba, kwesakana na Lesa kyo kintu kya kukakachila ne.

Kolose 1:13

Aye witupokolwele mu luusa lwa mfishi ne kwitutuntulwila mu bufumu bwa Mwananji yeatemwisha,

1 Timoti 1:17

Pano kwi aye Mfumu wa myaka, ubula kufwa, ubula kumweka, yenkaye Lesa, kwikale buneme ne lukumo myaka ne myaka. Amena.

1 Timoti 6:16

Ye yenka ubula kufwa, waikala mu kyeya kya kubula kukonsha kufikako. Ye babula kumona ku muntu nangwa umo ne; nangwa kukonsha kumumona ne. Kwi aye kwikale buneme ne bulume bwa myaka. Amena.

Bahebelu 1:3

Mwanji ye kusaama kwa lukumo lwanji, ye kipasha kya musango wanji, kabiji ye ulama bintu byonse na jiwi ja bulume bwanji. Kabiji byo apwishishe kutokesha bubi bwa bantu, waikajile ku kuboko kwa kilujo kya Mwine Mfumu wa mwiulu.

Bahebelu 1:6

Kabiji byo a amba na mambo a kuleeta jibiji mubeji wanji pano pantanda, Aye wa amba amba, “Bamalaika bonse ba Lesa bamupopwele.”

Bahebelu 11:27

Ko ku lwitabilo koashiile ntanda ya Ijipita, ne kuchiina bukaji bwa mfumu ne, mambo aye wachinchikile nobe wamwene aye ubula kumweka.

Lumwekesho 3:14

“Kabiji kwi aye malaika wa mu kipwilo kya mu Laodikea unembe amba: “Aye Amena, kamonyi wakishinka ne wa kine, ye ntendekelo ya bilengwa bya Lesa, wa amba bino amba,