Biblia Todo Logo
Bìoball air-loidhne

- Sanasan -




Kolose 1:14 - KNTP

14 mwi aye motwamwena bukuuzhi bwetu, lo lulekelo lwa mambo etu.

Faic an caibideil Dèan lethbhreac




Kolose 1:14
32 Iomraidhean Croise  

byonka byo aishile Mwana Muntu, kechi waishile amba, bamwingijile ne, poso amba ebengijile, ne kupana mweo wanji ke kya kukuula bavula.”


Ne Yesu byo amwene lwitabilo lwabo, wamwambijile awa muntu amba, “Mambo enu alekelwa.”


I ye yebashimuna ku bangauzhi bonsetu amba, mu jizhina janji bonse bamwitabila, bakatambula lulekelo lwa mambo.”


Ne Petelo wibambijile amba, “Lapilai, ne kubatizhiwa bonse mu jizhina ja Yesu Kilishitu mu kulekelwa mambo enu, kabiji mukatambula Mupashi Wazhila wa bupetu.


Iketai anweba bene, ne jitanga jonse, jo bemupejilepo bukulumpe kwi Mupashi Wazhila, amba mujishe kipwilo kya Lesa, kyoapotele na mashi anji mwine.


Na kwibalabisha meso abo bavundamine ku mfishi balulukile ku kyeya kabiji bavundamine ku luusa lwa Satana balulukile kwi Lesa, batambule lulekelo lwa mambo, ne buswanyi mwi abo bazhijikwa na lwitabilo lwa mwi amiwa.”


Mambo aye ye wimwikazha monka mwi Kilishitu Yesu, ye aalwile Lesa amba ekale ke maana etu, ne bololoke bwetu, ne kuzhijikwa kwetu, ne bukuuzhi bwetu.


Kilishitu witukuujile ku mafingo a Mizhilo, byo aalukile ke wafingwa na mambo a atweba, mambo kyanembwa amba, “Bafingwa mafingo bonse bo bakobeka ku bichi.”


Mwi Kilishitu mo muji bukuuzhi bwetu bwa mu mashi anji, lo lulekelo lwa mizhilulwila yetu, monka mwayila bunonshi bwa bupe bwanji,


Kabiji kasa mwiubila lusa anweba bene na bene, mwikale ba michima yanekena, ne kwilekela mambo anweba bene na bene, byonka byo emulekejile mambo aye Lesa mwi Kilishitu.


Ne kwenda monka mu butemwe, byonka byo etutemenwe Kilishitu, ne kwipana mwine na mambo a atweba, ke mulambo ne kitapisho kwi Lesa, bikale bwema bwawama.


Kabiji anweba mwajinga bafu mu mizhilulwila yenu ne mu bumbulwa mukanda bwa mibiji yenu. Naamba namba, aye Lesa wimusangwile anweba ke bomi pamo ne aye, byo etulekejile mizhilulwila yetu yonse.


Kasa mwitekenya anweba bene na bene, ne kwilekelako mambo, umvwe umo uji na mambo na mukwabo. Monka mo emulekejile mambo Nkambo, momo mwafwainwa kuubila ne anweba.


ye wipaine mwine na kwibakuula bonse. O mambo ashimunwa mu myaka yao yafwainwa.


Ye wipaine mwine pe atweba mu kwitukuula ku bubi bonse, ne kwitokeshesha aye mwine bantu banji mwine, bamukoyo mu kwingila mingilo yawama.


Aye watwelele jimo jonka kikupu amwa Mwazhijisha kechi na mashi a bambuzhi ne a twana twa ng'ombe ne, poso na mashi anji mwine, ne kwitumwena bukuuzhi bwa myaka.


Kine mwayila Mizhilo pepi bintu byonse bitokeshiwa na mashi, kabiji pakubula kwichila mashi lulekelo lwa mambo kafwako.


Mambo Kilishitu naye wiamanamijile mambo jimo jonka, aye waoloka na mambo a babula koloka, amba etufikizhe kwi Lesa, waipayilwe mu mubiji, bino waubilwe bumi mu mupashi,


Umvwe twisolola mambo etu, Aye ye wakishinka ne koloka mu kwitulekelako mambo etu ne kwitutokesha ku bumbulwa koloka bonse.


Mbena kwimunembela anweba twana, mambo bemulekela mambo enu na mambo a jizhina janji.


Aye ye mfuto ya mambo etu, kechi etu onka ne, ne aba pano pantanda ponse.


kabiji bifuma ne kwi Yesu Kilishitu, kamonyi wakishinka, mutanshi kusanguka mu bafu, ye mwine mfumu wa bamfumu ba pano pantanda. Kwi aye witutemwa, ne kwitukasulula ku mambo etu na mashi anji,


Bano bo boba babuula kwibipisha na banabakazhi, mambo bo bakatanda babuula kusambakanapo na wa mukazhi. Bano bo boba balondela aye Mwana Mukooko konse ko aya. Bakujilwe mu bantu, amba bekale ke bya nsomo kwi Lesa ne kwi aye Mwana Mukooko.


Kabiji baimbile lwimbo mupya amba. “Anweba yenu mwafwainwa kutambula buku ne kushinkula tuteetesho tujipo. Mambo anweba mwaipayilwe, kabiji mwamupotejile Lesa na mashi enu bantu ba mu bisaka byonse, ne ba mu njimi yonse, ne ba mu mitundu yonse, ne ba mu mikoka yonse.


Lean sinn:

Sanasan


Sanasan