Kolose 1:13 - KNTP

¹³ Aye witupokolwele mu luusa lwa mfishi ne kwitutuntulwila mu bufumu bwa Mwananji yeatemwisha,

Kolose 1:13 Iomraidhean Croise

Mateo 17:5

Byo akyambilenga, ponkapo jikumbi jibembela jibazhikile, kabiji mu jikumbi mwafumine jiwi ja ambile amba, “Uno ye Mwanami ye natemwa, monamwena lusekelo, mukookelai aye!”

Mateo 25:34

Ponkapo Mfumu ukebambila ba ku kilujo kyanji amba iyai, anweba mwapeshiwa kwi Bataata! Swanai bufumu bo emutujila kufuma ku ntendekelo ya pano pantanda.

Mateo 3:17

Kepo jiwi jafumine mwiulu amba, “Uno ye mwanami ye natemwa, mo namwena lusekelo.”

Luka 13:24

“Kosakanai mutwele pa kibelo kyakepa. Mambo bavula, nemwambila namba bakasaka kutwela bino kechi bakakonsha ne.

Luka 22:53

Byo najinga nenu moba onse mu nzubo ya Lesa, kechi mwatanyikile maboko enu amba munkwate ne, pakuba pano kyo kimye kyenu ne kya luusa lwa mfishi.”

Yoano 17:24

“Taata! Aba bomwampele, nasaka namba, konji amiwa, ne abo nabo bakekale ne amiwa, namba bakamone lukumo lwami, lo mwampele mambo anweba mwantemenwe amiwa ne ntanda kasa ikyangye kulengwa.

Yoano 3:35

Shanji watemwa Mwananji, kabiji wabiika byonse mu maboko anji.

Yoano 5:24

“Kine, kine nemwambila namba, aye waumvwa mambo ami, ne kumwitabila aye wantuma uji na bumi bwa myaka, kechi ukeya mukije ne, pakuba mu lufu wafumamo, wapitaila ku bumi.

Byubilo 26:18

Na kwibalabisha meso abo bavundamine ku mfishi balulukile ku kyeya kabiji bavundamine ku luusa lwa Satana balulukile kwi Lesa, batambule lulekelo lwa mambo, ne buswanyi mwi abo bazhijikwa na lwitabilo lwa mwi amiwa.”

Loma 14:17

Mambo bufumu bwa Lesa kechi buji mu bya kuja nangwa mu bya kutoma ne, poso mu bololoke ne mutende ne lusekelo mwi aye Mupashi Wazhila.

2 kolinda 11:14

Kabiji kino kechi kyokya kukumya ne, mambo ne Satana naye wialula nobe malaika wa kyeya!

2 kolinda 4:4

Mwi abo lesa wa pano pantanda wiipofula michima ya babula kwitabila kuchiina amba, bakamona kyeya kya Mambo Awama a lukumo lwa Kilishitu, aye kipasha kya Lesa.

Efisesa 1:6

mukuleeta lutotelo lwa kutota lukumo lwa bupe bwanji, boetupeletu mwi aye Mutemwe.

Efisesa 4:18

mambo maana abo a aluka ke a mfishi, kabiji bebabanya ku bumi bwa Lesa na bulubi bo baji naabo na mambo a kukosa kwa michima yabo.

Efisesa 5:5

Mambo kino anweba mwi kiyukishatu kine amba, kafwako mulalelale, nangwa muntu wabiipa, nangwa wa lunkumbwa, (kokuuba amba upopwela bankishi), uji na buswanyi mu bufumu bwa Kilishitu ne Lesa ne.

Efisesa 5:8

Mambo kala mwajinga mfishi, pakuba pano mwi kyeya mwi Nkambo. Endainga mwafwainwa baana ba kyeya,

Efisesa 6:12

Mambo kulwa kwetu kechi kwa kulwa na ba mibiji ya mashi ne, poso na bakatampe bene, ne ba luusa, ne bamfumu ba ino mfishi ya pano panshi, ne bapashi babiipa ba mwiulu.

Tesalonika 2:12

Kasa twimufunda, ne kwimukosesha, ne kwimulaya namba mwendenga mwafwainwa kwi Lesa, yenkaye wimwita mu bufumu bwanji mwine ne mu lukumo.

Bahebelu 2:14

Mambo baana byo batambula mibiji ya mashi, byonkabyo ne aye mwine watambwile wa byonkabyo, amba monka mu lufu amonaune awa uji na bulume bwa lufu, ko kuuba amba Diabola,

1 Petelo 2:9

Pakuba anweba mwi kisemi kyasalululwa, mwi ba bung'anga bwa bufumu, mwi mukoka wazhila, mwi bantu banonkwa kwi Lesa mwine amba, mulondolole byanji bya wamisha, yenka aye wimwichile kufuma mu mfishi kwiya mu kyeya kyanji kya ku kumya.

2 Petelo 1:11

Mambo mo monka mo kikemupewa kutwela mu bufumu bwa myaka bwa Nkambo ne Mupulushi wetu Yesu Kilishitu.

1 Yoano 2:8

Nangwa byonkabyo, mukambizho ye mbena kwi munembela ye mupya, ye wa kine mwi Aye ne mwi anweba, mambo mfishi ibena kupita, ne kyeya kya kine kya saama kala.

1 Yoano 3:14

Twayuka namba twafuma mu lufu twapitaila mu bumi, mambo twibatemwa balongo betu. Awa wabula kutemwa mulongo wanji waikala mu lufu.

1 Yoano 3:8

Awa utwajijila na kulenga mambo ye wa kwa Diabola, aye Diabola ye ndengamambo kufumatu ne ku ntendekelo. Onkao mambo Mwana Lesa kyokyo amwekejile amba onaune mingilo ya kwa Diabola.