Kolose 1:10 - KNTP

¹⁰ Mwendenga mwafwainwa Nkambo na kumutokesha pa muchima. Kasa mupanga bipangwa mu mingilo yonse yawama ne kuya na kukoma mu maana a kumuyuka Lesa.

Kolose 1:10 Iomraidhean Croise

Yoano 15:16

Anweba kechi yenu mwansalulwile ne, pakuba amiwa yami nemusalulwile anweba, ne kwimutongola, namba muyenga na kupanga bipangwa, kabiji abya bipangwa byenu bikekajikwe. Namba umvwe mukalomba kintu kwi Bataata mu jizhina jami nangwa kya byepi, bakemupakyo.

Yoano 15:8

Monka mu kino mo batumbijikilwa bataata, pa kupanga bipangwa byavula anweba, byonkabyo mukekala ke baana bami babwanga.

Yoano 17:3

Kabiji buno bo bumi bwa myaka, amba bemuyuke anweba, Lesa yenka wa kine, ne Yesu Kilishitu ye mwatumine.

Loma 1:13

Anweba bakwetu, nasaka namba muyuke amba nafukwile javula kwiya ko muji, bino ko biji bimo byankayinye kwiya. Pakuba amba ngitabizhepo bamo ba mwi anweba byonka byo nsapwila mu Bangentila.

Loma 4:12

Kabiji amba ekale shanja ba mu mukanda, kechi abo bajitu mu mukanda ne, kana bonka balondela mungayo ya lwitabilo lwa shetu Abulahama loajinga naalo kasa akyangye kutwela mu mukanda.

Loma 6:4

Byonkabyo twazhiikilwe nanji mu lufu monka mu lubatizhilo, amba byonka byo a sangwilwe Kilishitu mu bafu ku lukumo lwa Shanji, byonkabyo ne atweba twendenga mu bumi bupya.

2 kolinda 2:14

Bino sante ekale kwi Lesa! Ye witutangijila mu lushinjilo mwi Kilishitu moba onse, ne kusolwela mwi atweba bwema bwawama bwa maana a kumuyuka aye konse, konse.

2 kolinda 4:6

Mambo yenkaye Lesa wa ambile amba, “Kyeya kisamine mu mfishi!” Ye wasaamijile mu michima yetu, mu kupana kyeya kya maana a kuyuka lukumo lwa Lesa lwa mu kilungi kya Yesu Kilishitu.

2 kolinda 5:9

Onkao mambo kabiji tuteshakotu muchima namba, nangwa kwetu nangwa kungi, twikale ba kumutokeshanga pa muchima.

2 kolinda 9:8

Kabiji Lesa wakonsha kwimumwena byawama byonse byavujisha, amba anweba mwikale babula kukajilwa kwa bintu byonse moba onse, mumone mwa kwingijila mingilo yonse yawama.

Efisesa 1:17

namba Lesa wa Nkambo yetu Yesu Kilishitu, Shanja lukumo, emupe Mupashi wa maana ne wa lumwekesho lwa kumuyukisha aye mwine.

Efisesa 2:10

Mambo atweba twi ba mubusendwe bwanji, twalengwa mwi Kilishitu Yesu amba tukengilenga mingilo yawama, yo atongwejile jimo Lesa amba tukendenga monka.

Efisesa 4:1

Byonkabyo amiwa kaili wa Nkambo, ne musashijila namba mwendenga mwafwainwa lwito lo mwaichilwe.

Efisesa 4:13

Poso bonse byo tukalumbuluka mu bu umo bwa mu lwitabilo ne mu maana a kumuyukisha Mwana Lesa, ke bantu bakoma, bafika ku kipimo kya kimino kya kufikila kwa Kilishitu.

Efisesa 5:10

ne kweseka kuyuka bimutokesha ku muchima aye Nkambo.

Efisesa 5:15

Tajijishai bulongo byo mwenda, kechi pamo na babula maana ne, kana pamo na bamaana.

Efisesa 5:2

Ne kwenda monka mu butemwe, byonka byo etutemenwe Kilishitu, ne kwipana mwine na mambo a atweba, ke mulambo ne kitapisho kwi Lesa, bikale bwema bwawama.

Filipai 1:11

Bwikalo bwenu buyule bipangwa bya bololoke bifuma kwi Yesu Kilishitu mukuleeta lukumo ne lutotelo kwi Lesa.

Filipai 1:27

Bino lekai bwikalo bwenu bwikale bwafwainwa Mambo Awama a Kilishitu, namba nangwa nkeya na kwimumona, nangwa nji kungi, nkemumvwe amba, mwakosela mu mupashi umo, kasa mwibilwila na muchima umo abya byaitabilwa bya Mambo Awama.

Filipai 4:18

Natambula bukwasho bwavula ne kukilapo. Nabila ne kubila byo natambwile kufuma kwi Epafulodita bya bupe byo mwantumijile, bobwema bunuunka bulongo, kyo kitapisho kyaitabilwa kyamutokela Lesa pa muchima.

Kolose 2:19

ne kukakachila ku mwine Kilishitu ne, mwi aye Kilishitu, moayila na kukoma mubiji yense na bukomo bufuma kwi Lesa, kasa bamukosesha ne kumunungakanya na manungi ne mishipe yonse.

Kolose 2:6

Byonkabyo monka mo mwatambwijile Kilishitu Yesu Nkambo, endelainga monka mwi aye.

Kolose 3:20

Anweba baana, kookelai bansemi benu mu byonse, mambo kino kyo kibafwainwa ba mwi Nkambo.

Kolose 4:5

Kasa muuba bintu byonse na maana kuboba babula kwitabila, ne kwingijisha bulongo bimye byenu.

Tesalonika 2:12

Kasa twimufunda, ne kwimukosesha, ne kwimulaya namba mwendenga mwafwainwa kwi Lesa, yenkaye wimwita mu bufumu bwanji mwine ne mu lukumo.

Tesalonika 4:1

Kyapelaako anweba bakwetu, twimusashijila ne kwimutundaika mwi Nkambo Yesu namba, monka mo twimufunjishishe atweba mwakwikela na kumutokesha Lesa pa muchima, monka mo mubena kwikajila. Namba pano mukijishemo ne ku kijishamotu.

2 Timoti 2:4

Kafwako mushilikale wikasankanya na bya kutabataba bya mu buno bumi ne, mambo usaka kumutokesha pa muchima aye wamunembele bushilikale.

Titusa 3:1

Kasa wibavulula kwibanekenena bamfumu ne ba luusa, bekale ba lukookelo, ne kwinengezha kwingila mingilo yonse yawama.

Titusa 3:14

Kabiji bantu betu nabo bafunde kwingila mingilo yawama, bamwenemo byawama, kuchiina kwikala ke baatu.

Bahebelu 11:5

Ko ku lwitabilo ko atuntulwilwe Enoka amba wakafwa. Ne aye kechi bamumwene ne mambo Lesa wamutuntulwile. Mambo kasa akyangye kutuntululwa bamushimwine amba, wamutokeshe Lesa pa muchima.

Bahebelu 13:16

Kechi muvulame kuuba byawama, ne kukwasha bakajilwa ne, mambo bitapisho bya byonka bino byo bimutokesha Lesa pa muchima.

Bahebelu 13:21

emupe bintu byonse byawama, mube kyaswa muchima wanji, kasa engila mwi atweba kyonka kyawama ku meso anji, monka mwi Yesu Kilishitu. Kwi aye kwikale lukumo myaka ne myaka! Amena.

2 Petelo 1:8

Mambo umvwe bino bintu muji nabyo ne kuvula byavula, kechi mukekalatu ne, nangwa kubula kupanga bipangwa bya maana a kumuyuka Nkambo yetu Yesu Kilishitu ne.

2 Petelo 3:18

Bino kasa mukoma mu bupe ne mu maana a kumuyuka Nkambo ne Mupulushi wetu Yesu Kilishitu. Kwi aye kwikale lukumo ne pano ne myaka yonse. Amena.

1 Yoano 3:22

Kabiji byonse byo tulomba tutambula kufuma kwi aye, mambo tulama mikambizho yanji ne kuuba byonka bimutokesha pa muchima wanji.

1 Yoano 5:20

Kabiji twayuka namba Mwana Lesa waiya kabiji witupa maana a kumuyuka Aye wa kine, ne atweba tuji mwi Aye wa kine, monka mwi aye Mwananji Yesu Kilishitu. Uno ye Lesa wa kine, kabiji buno bo bumi bwa myaka.

3 Yoano 1:6

Ne abo bashimuna kuno ku kipwilo na mambo a butemwe bwenu. Ne anweba mukooba bulongo umvwe mwibemanya pa lwendo lwabo mo kyafwainwa kwi Lesa.