Filipai 4:8 - KNTP

⁸ Kyapelaako, balongo bami, langulukai byonse bya kine, ne byonse bya mushingi, ne byonse byaoloka ne byonse byawamisha, ne byonse bya buuya, ne byonse bya lusa, kabiji umvwe kobuji buwame ne lutotelo, bilangulukai bino bintu.

Filipai 4:8 Iomraidhean Croise

Mateo 22:16

Kabiji bamutumijile baana babo babwanga ne bena Heloda, ne kumwambila amba, “Mufunjishi twayuka namba anweba mwi wa kine, kabiji mufunjishatu jishinda ja Lesa mu bukine, kechi muchiina muntu nangwa umo ne, mambo kechi muta muchima ku bilungi bya bantu ne.

Mako 6:20

Aye Heloda wamuchiinenga Yoano, byo ayukile amba wajinga muntu waoloka ne wazhila, wa mulamine bulongo. Kabiji Heloda watemenwe kuteleka byambo bya kwa Yoano na lusekelo nangwa wakatazhiwe bingi mu muchima wanji, pa kumumvwa.

Luka 16:15

Ne aye wibambijile amba, “Anweba mwi boba bebingisha abo bene ku meso a bantu, bino Lesa wayuka michima yenu. Mambo akya kyanemekwa ku bantu kyokya bunya ku meso a Lesa.”

Luka 2:25

Kabiji kwajinga muntu mu Yelusalema, jizhina janji Shimeona, ne uno muntu wajinga waoloka kabiji wa akamwa Lesa, kasa apembelela lutekenesho lwa bena Isalela, ne Mupashi Wazhila wajinga pe aye.

Luka 23:50

Pano kwajinga muntu umo jizhina janji Yosefwa, membala wa mukije, muntu wawama ne koloka,

Yoano 7:18

Aye wambila mu luusa lwanji mwine ukeba lukumo lwanji mwine. Pakuba awa ukeba lukumo lwa yewa wamutuma ye wa kine, kechi uji na bujimbijimbi ne.

Byubilo 10:22

Kumvwa abo ba mwambijile amba, Koneleusa, mukulumpe wa bashilikale, muntu waoloka, wa akamwa Lesa, watelwa bulongo ku mukoka yense wa Bayudea, ba mwambijile kwi malaika wazhila wa Lesa, kwimulonda anweba ne kwimutwala ku nzubo yanji, amba omvwe byambo kwi anweba.

Byubilo 22:12

“Kabiji muntu umo wa jizhina ja Ananyasa, watekanya mwayila Mizhilo, watelelwe bulongo ku Bayudea bonse baikajile momwa.

Byubilo 6:3

Onkao mambo anweba bakwetu, monaimo mwi anweba banabalume batanu ne babiji, batelwa bulongo ku bonse, bayula na Mupashi ne maana, twibatongwele uno mwingilo.

Loma 13:13

Twendenga bulongotu nobe mu mute, kechi mu kiwowo ne mu kupendwa ne, nangwa mu bya bulalelale ne bya bunya ne, kechi mu lutoobo ne mu kichima ne.

Loma 13:3

Mambo bandamakyalo kechi bobisha moyo awa wingila byawama ne, kana wingila byatama. Umvwe usaka kubula kuchiina ndamakyalo, abyo ubanga byawama, kabiji bakakutota kwi aye,

Loma 14:18

Mambo awa umwingijila Kilishitu byonkabye, ye utokesha Lesa pa muchima, ne kwitabilwa ku bantu pamo.

Loma 2:29

pakuba mwine mwina yudea ye yenkawa uji naabo ne mu muchima, ne mukanda wa kine ye wa muchima, wa ku Mupashi, kechi wa mu byambotu ne, ye batota kechi ku bantu ne, kana kwi Lesa.

1 Kolinda 4:5

Onkao mambo kechi muchibe mambo kimye kasa kikyangye kufika ne, poso Nkambo waiya. Ye ukasolola patoka bintu byafyamika bya mu mfishi, ne kumwesha bulongo milanguluko ya mu michima, kabiji muntu yense ukamona kutotwa kwi Lesa.

2 kolinda 13:7

Kabiji twalomba kwi Lesa namba kechi mube kyatama nangwa kimo ne, kechi kyakuuba amba, atweba tumweke nobe twalumbuluka ne, poso kyakuuba amba, anweba mubeenga byawama, nangwa atweba twamweka nobe twabula kulumbuluka.

2 kolinda 6:8

Ne na lukumo ne kupelulwa, ne na kunenwa byatama ne kwitwambila byawama, nobe bajimbijimbi, nanchi twi bakine.

2 kolinda 8:18

Kabiji twamutuma pamo ne aye mulongo wetu ye batota mu busapwishi bwanji bwa Mambo Awama mu bipwilo byonse.

2 kolinda 8:21

Mambo atweba twatesha muchima mukuuba byawama kechi ku meso a Nkambo konka ne, ne ku meso a bantu pamo.

Ngalatiya 5:22

Pakuba bipangwa bya Mupashi bo butemwe ne lusekelo ne mutende ne kukooka muchima ne lusa ne buwame ne bukishinka,

Efisesa 4:25

Onkao mambo muleke bubela, “Kasa mwiambila bya bukine anwe bene na bene” mambo atweba bene na bene twi bya mubiji umo.

Efisesa 5:9

(mambo bipangwa bya kyeya biji mu buwame bonse ne bololoke ne bukine),

Efisesa 6:14

Byonkabyo imanai, kasa mwanyingisha mukwato wa bukine mu bifuka byenu, ne kuvwala kyela kya pa kyaji kya bololoke,

Filipai 3:1

Kyapelaako, balongo bami sekelai mwi Nkambo. Kwimunembela bintu bimo byonka kwi amiwa, kechi kyankatazha ne. Bino kwi anweba ke kya kwimukikizha.

Kolose 4:5

Kasa muuba bintu byonse na maana kuboba babula kwitabila, ne kwingijisha bulongo bimye byenu.

Tesalonika 4:12

Namba mwikale na bwikalo bwa kubula kukajilwa kintu ne, kabiji babula kwitabila bakemupa mushingi.

1 Timoti 2:2

ne bamfumu, ne bonse baji mu bukulumpe namba, twikale mu bwikalo bwa mutende ne bwazhindama mu kunemeka Lesa konse, ne na mushingi.

1 Timoti 3:11

Banabakazhi nabo pamo, bekale bashing'ama kechi bababang'ana ne, belama bulongo, bakishinka mu bintu byonse,

1 Timoti 3:4

Ulama bulongo bamunzubo yanji mwine, waikala na baana banji kasa bamunekenena na mushingi yense.

1 Timoti 4:12

Kechi uleke muntu akusuule mambo wimwanyike ne, bino wikale wa kumwenako abo baitabila, mu byambo, ne mu bwikalo, ne mu butemwe, ne mu lwitabilo, ne mu bumuchima watoka.

1 Timoti 5:10

watumbalala na mingilo yawama, umvwe walelelenga baana banji bulongo, kabiji watambwilanga benyi, waovwelenga maulu a bazhijikwa, wakwashanga bamwenenga bya malwa, wipaine mu kwingila mingilo yonse yawama.

1 Timoti 5:2

banabakazhi bakulumpe nabo nobe bainobe, banabakazhi banyike nobe banyenga yobe na mushingi yense.

Titusa 1:8

Kana watemwa kutambwila benyi, watemwa byawama, watekanya, waoloka, wazhila, wikanya mu byonse.

Titusa 2:14

Ye wipaine mwine pe atweba mu kwitukuula ku bubi bonse, ne kwitokeshesha aye mwine bantu banji mwine, bamukoyo mu kwingila mingilo yawama.

Titusa 2:2

Wibambile banabalume bakulumpe bekale bashing'ama, ba kwikanya, balumbuluka mu lwitabilo, ne mu butemwe, ne mu butekanye.

Titusa 2:7

Mu bintu byonse wimweshe obewa mwine ke wa kumwenako mu mingilo yawama. Wikale wakishinka ne wasumininwa mu lufunjisho lobe.

Titusa 3:14

Kabiji bantu betu nabo bafunde kwingila mingilo yawama, bamwenemo byawama, kuchiina kwikala ke baatu.

Bahebelu 11:2

Mambo mo monka mo bashimwijilwe bulongo bashakulu baakala.

Bahebelu 13:18

Tulombelelai, mambo twaketekela kine namba tuji na jiwi ja mu muchima jibula kwituzhachisha, kasa tusaka kuuba bulongotu mu bintu byonse.

Yakoba 1:27

Bwina Lesa bwa kine ne bwabula bubi ku meso a Lesa Taata wetu bo bo buno, bwa kupempula baana bakishale ne banabakazhi bafwilwa mu malwa abo, ne kwilama obewa mwine ku biko bya pano pantanda.

Yakoba 3:17

Pakuba maana afuma mwiulu, patanshi oa wamishatu, kabiji oa mutende, oa kooka, oa peela kusanshijilwa, oa yula lusa ne bipangwa byawama, oa bula misalululo, oa bula bujimbijimbi.

1 Petelo 1:22

Byo mwatokesha michima yenu na kukookela bya bukine ne kumwenamo butemwe bwa kine bwa kutemwa balongo, kasa mwitemwa anweba bene na bene na muchima watoka too.

1 Petelo 2:12

Bwikalo bwenu bwikale bwafwainwa mu Bangentila, amba nangwa be muneena bibi nobe mwi babi, bakamone mingilo yenu yawama ne kumutumbijika Lesa mu juba jo akebapempula.

1 Petelo 4:8

Kyakila byonse itemwishai anweba bene na bene. Mambo butemwe buvweta pa mambo avula.

2 Petelo 3:1

Pano anweba batemwe, ino yo nkalata ya bubiji kwimunembela, kabiji mu onse abiji mbusha michima yenu yawama ne kwimuvulula.

1 Yoano 3:18

Anweba twana, kechi tutemwetu na byambo byonka ne, nangwa na lujimi yenka ine, kana mu byubilo ne mu bukine.

1 Yoano 3:3

Kabiji bonse baji na luno luketekelo mwi Aye, betokesha bene byonka byoatoka Aye mwine.

1 Yoano 4:1

Anweba batemwe kechi mwitabe mipashi yonse ne, ipimai mipashi kana yafuma kwi Lesa, mambo bangauzhi ba bubela bavula bapalang'ena pano pantanda.