Filipai 4:6 - KNTP

⁶ Kechi mubambishe michima yenu nangwa mu kintu kimo ne, pakuba mu bintu byonse kasa musolola kwi Lesa byo musaka monka mu milombelo, ne mu misashijilo ne mukuuba sante pamo.

Filipai 4:6 Iomraidhean Croise

Mateo 10:19

Kabiji byo bakemufikizha konka, kechi mukabambishishe jimo michima yenu amba, tusakukaamba amba ka, nangwa amba, tusakukaamba byepi ne; mambo kikemupewa mu kyonkakya kimye kyo mukamba.

Mateo 13:22

Ne awa wakushiwa nkunwa ya mu miba, ye yewa umvwa mambo, kabiji bya kutabataba bya pano pantanda, ne bujimbijimbi bwa bunonshi, bipaya aa mambo, ne kupanga bipangwa ne.

Mateo 6:34

Byonkabyo kechi mubambishe michima yenu na ja kesha ne; mambo ja kesha jine jikebambisha na byajo. Bibi bya leelo bijiwaina leelo.”

Mateo 6:8

Kabiji byonkabyo kechi mupashang'ane naabo ne. Mambo Shenu wayukila jimo byo mwakajilwa, kasa mukyangye kumulomba.”

Luka 10:41

Aye Nkambo wamukumbwile amba, “Maata, Maata! Obewa wabambisha muchima ne kutabankana na byavula,

Luka 12:22

Kabiji aye wibambijile baana banji babwanga amba, “Onkao mambo kyokyo nemwambila namba, kechi mubambishe muchima na mweo wenu na byomukaja, nangwa na bivwalo bya mibiji yenu ne.

Luka 12:29

“Kabiji kechi mukatazhiwe ne kuuba kijikila na byomukaja nangwa byo mukatoma ne.

Luka 18:1

Kabiji aye wibatayile kishimpi mu kwibabuula amba bafwainwa kulomba moba onse ne kukooka ne.

Luka 18:7

Nanchi, aye Lesa kechi ake bachibile nsambu banji boasalulula bamujijila mute ne bufuku, nangwa wabanda kwibakwasha nenyi?

1 Kolinda 7:21

Umvwe mwaichilwe kasa muji mu buzha, kechi muteko muchima ne; kabiji umvwe mwamona mwa kwalulukila ke mwana bene, kyawama ubai byonkabyo.

1 Kolinda 7:32

Bino amiwa nasaka namba anweba kechi mwikale na bya kwimutabankanya ne. Awa wabula kusongola uta muchima wanji ku mwingilo wa Nkambo, amba amutokeshe Nkambo pa muchima.

2 kolinda 1:11

ne anweba kasa mwitukwasha pamo na milombelo yenu. Namba bantu bavula basante na mambo a atweba ne a bibusa byo twapewa na mambo a milombelo ya bavula.

Efisesa 5:20

Kasa mwibisanchila byonse moba onse mu jizhina ja Nkambo yetu Yesu Kilishitu kwi Lesa Taata.

Efisesa 6:18

Kasa mulomba mu bimye byonse na lulombelo lonse ne misashijilo monka mwi aye Mupashi, ne kwilutong'amina na mukoyo mukatampe ne misashijilo ya kwibalombelela bazhijikwa bonse.

Kolose 3:15

Kabiji lekai mutende wa Kilishitu ekale wa kwimulama mu michima yenu; ye ye mwaichilwa mu mubiji umo. Kabiji ikalai na michima ya kusanta.

Kolose 3:17

Kabiji byonse byo muuba, nangwa byo mwamba, byubai mu jizhina ja Nkambo Yesu, kasa musanta kwi Lesa Taata monka mwi aye.

Kolose 4:2

Mwikale bakosela mu milombelo, mulabenga ne kukenkenta na kusanta.

1 Timoti 2:1

Byonkabyo patanshi, na kusashijila namba, misashijilo, ne milombelo, ne mapeesho, ne misanchilo, bibobilwe bantu bonse;

1 Timoti 5:5

Aye mwanamukazhi wafwilwa kine, washalatu bunke, luketekelo lwanji lujitu mwi Lesa, kabiji ukelwatu mu misashijilo ne mu milombelo bufuku ne mute.

1 Petelo 4:7

Kabiji mpelo ya byonse iji kwipi. Onkao mambo ikalai na michima ya kwikanya, ne kutekanya, mwikale ba milombelo.

1 Petelo 5:7

Kasa mutaya kijikila kyenu kyonse pe aye, mambo aye wimuta muchima.