Filipai 4:5 - KNTP

⁵ Kukooka muchima kwenu ku yukanyikwe ku bantu bonse. Nkambo uji pa bwipi.

Filipai 4:5 Iomraidhean Croise

Mateo 6:25

“Onkao mambo kyokyo nemwambila namba, kechi mubambishe muchima na mweo wenu na byomukaja, nangwa nabyo mukatoma; nangwa na bivwalo bya mibiji yenu ne. Nanchi mweo kechi wakila kajo nenyi? Ne mubiji kechi wakila bivwalo nenyi?

Mateo 6:34

Byonkabyo kechi mubambishe michima yenu na ja kesha ne; mambo ja kesha jine jikebambisha na byajo. Bibi bya leelo bijiwaina leelo.”

Luka 21:34

“Bino iketai anweba bene, kuchiina amba, michima yenu yakanemenwa na bya kujajaja, ne kupendwa, ne na bya kutabataba bya buno bumi, ne aja juba jakemufikila kwakubula kuketekela.

1 Kolinda 16:22

Umvwe muntu wabula kutemwa Nkambo, afingwe mafingo! Nkambo yetu mwiye!

1 Kolinda 6:7

Mwauba kala bulema byo mwitwala ku bije anweba bene na bene. Lelo nanchi mambo ka ne kuswatu kubiwa bibi nenyi? Mambo ka ne kuswatu kubepaikwa ne?

1 Kolinda 8:13

Na onkao mambo, umvwe kajo kamutuntwisha mulongo wami, kechi nkaja nyama myaka yonsetu ne, kuchiina amba, nakamutuntwisha mulongo wami.

1 Kolinda 9:25

Kabiji bonse basaka kushindang'ana mu bisela, bekanya mu bintu byonse, amba bakatambule munchinya ubola, pakuba atweba tukatambula ubula kubola.

2 kolinda 10:1

Pano, amiwa mwine Paulo, nemusashijila na bukimote bwa Kilishitu ne na kukooka muchima kwanji, yenka amiwa napeela pakumweka ku meso enu, pakuba nchinchika kwi anweba umvwe nji kungi!

2 Tesalonika 2:2

namba kechi bakemulengele kuzhinauka bukiji mu michima yenu ne kwimuubisha kijikila nangwa ku mupashi, nangwa ku byambo, nangwa ku nkalata yauba nobe yafuma kwi atweba amba, juba ja Nkambo pano jafika ne.

Titusa 3:2

Kechi bamunene bya mwenga muntu nangwa umotu ne, nangwa kwikala ba lutobo ne, bekale bakooka michima ne kumwesha bukimote ku bantu bonse.

Bahebelu 10:25

Kechi tuleke kupwila pamo, byo boba bamo ne. Poso kwikosesha atweba bene na bene, byo mwamona aja Juba kasa jibena kufwenya pepi.

Bahebelu 10:37

Mambo monka mwa ambila kinembelo amba, “Mambo kwakishala ka kimye kachechetu, awa wiya ukeya, kechi ukabanda ne.

1 Petelo 1:11

Kasa bapalanguzha amba, ng'anyi kimye, nangwa kyo kimye kya byepi, kyoatongwele Mupashi wa Kilishitu wajinga mwi abo, byo ashimwijile jimo mambo a bya kumanama bya Kilishitu ne bya lukumo bikalondela panyuma.

1 Petelo 4:7

Kabiji mpelo ya byonse iji kwipi. Onkao mambo ikalai na michima ya kwikanya, ne kutekanya, mwikale ba milombelo.

Lumwekesho 22:20

Aye ushimuna bino bintu wa amba amba, “Ee Kine! Abo ngiya bukiji!” Amena. Iyai Nkambo Yesu!

Lumwekesho 22:7

“Kabiji umvwa! Abo ngiya bukiji! Watokwa awa ulama byambo bya mu ye uno buku wa bungauzhi!”