Filipai 4:3 - KNTP

³ Ee kine, na kusashijila ne obewa mukwetu wa kine mu mwingilo namba, mwi bakwashe bano banabakazhi, mambo baingijilenga kyakosa bingi pamo ne amiwa mu Mambo Awama, pamo ne Kilemente, ne bonse bakwetu bamwingilo bona bula kutongola mazhina abo, baji na mazhina abo mu buku wa bumi.

Filipai 4:3 Iomraidhean Croise

Luka 10:20

Nangwa byonkabyo kechi musekele mambo bademona bemukookela ne, sekelai mambo mazhina enu anembwa mwiulu.”

Loma 12:1

Byonkabyo anweba bakwetu, ne musashijila na bya lusa lwa Lesa, namba mulambule mibiji yenu, ke kitapisho kyumi, kyazhila, kyaitabilwa kwi Lesa, kokunemeka Lesa kwenu kwa mu muchima.

Loma 16:12

Bemunai ba Tilifena ne Tilifosa bengila mwi Nkambo. Imunai ne Pelesisi mutemwe, ye waingijilenga kyakosa mwi Nkambo.

Loma 16:9

Imunai Ulabanusa mukwetu mu mwingilo wa mwi Kilishitu, ne Satakisa mutemwe wami.

Filipai 1:12

Anweba balongo bami nasaka namba muyuke, amba abya byammwekejile amiwa, byakwasha kutwala Mambo Awama kulutwe.

Filipai 1:16

Bamo boba bino mambo a butemwe, byo bayuka amba bambika kuno mambo akwialwila Mambo Awama.

Filipai 1:27

Bino lekai bwikalo bwenu bwikale bwafwainwa Mambo Awama a Kilishitu, namba nangwa nkeya na kwimumona, nangwa nji kungi, nkemumvwe amba, mwakosela mu mupashi umo, kasa mwibilwila na muchima umo abya byaitabilwa bya Mambo Awama.

Filipai 1:5

mambo a kukwashang'ana kwenu mu Mambo Awama kufuma ku juba jitanshi kufika ne leelo.

Filipai 1:7

Kyawama kwi mulanguluka byonka bino. Mambo nemulama mu muchima wami, anweba bonse mwaingijile pamo ne amiwa mu bupe, ne mu mfungwa yami, ne mu kwialwila Mambo Awama, ne mu kwiekajika.

Filipai 4:2

Nebasashijila ba Yodia ne Shinchike, namba bekale na muchima umo mwi Nkambo.

Kolose 1:7

Monka mo emufunjishishe Epafalasa, mukwetu mu mwingilo, ye wamwingilo wa Kilishitu wakishinka, wasunsakena mwi atweba.

Lumwekesho 13:8

Ne bonse bekala pano pantanda bakamupopwela, bonse babulwa kunembwa mazhina abo, kufuma ku ntendekelo ya pano pantanda, mu buku wa bumi wa aye Mwana Mukooko, yenkaye waipayilwe.

Lumwekesho 17:8

Awa lukinyama ye wajikumona, wajipo pakuba pano ufwapo, bino pano kasake kufuma mu kalengwa kabula kupela, ne kuya mulonaiko. Ne abo bekala pano pantanda bakakumya, bonse babulwa kunembwa mazhina mu buku wa bumi kufuma ne ku ntendekelo ya pano pantanda, byo bakatala awa lukinyama, byo ajingapo, kabiji pano ufwapo, kabiji ukamweka.”

Lumwekesho 20:12

Kabiji namwene bafu, bakatampe ne bacheche, kasa baimana ku meso a jitanda. Ne mabuku beazhikwile, ne buku mukwabo naye bamuzhikwile, ye buku wa bumi. Kabiji bafu bebachibijile mambo ku byonkabya bintu byanembwa mu oa mabuku, monka mwayila byo baubile.

Lumwekesho 20:15

Kabiji bonse babujilwe kunembwa mu buku wa bumi, baelelwe mu kizhiba kya mujilo.

Lumwekesho 21:27

Bino kechi mukatwela nangwa pachechetu kintu kyatama, nangwa aye uba bya bunya ne kubepa bubela ne, poso bonka banembwa mu buku wa bumi wa Mwana Mukooko.

Lumwekesho 3:5

Aye ushinda ukavwala bivwalo bitoka, ne amiwa kechi nkazhimang'anya jizhina janji mu buku wa bumi ne, kabiji nketaba jizhina janji ku meso a Bataata ne ku meso a bamalaika babo.